Goedkoop erwe vir Oshakati en Okahao

Laeinkomstegesinne geteiken

04 April 2019 | Infrastruktuur
Augetto Graig - Die Namibiese Kamer van die Omgewing (NCE) en Development Workshop Namibia (DWN), ’n nieregeringsorganisasie wat op stedelike ontwikkeling fokus, het gister hul laekoste-grondprogram van stapel gestuur.

Op Oshakati en Okahao sal dié vennootskap vandeesweek meer as 400 erwe uitmerk, wat ná dit gedeeltelik gediens is teen tussen N$10 000 en N$15 000 elk verkoop sal word.

Volgens dr. Beat Weber, stigter van die Development Workshop Namibia, word sowat 12 000 sinkhuisies jaarliks in Namibië opgerig.

“Om die groei van informele nedersettings doeltreffend aan te spreek, word ’n grootskaalse program vereis waardeur grond gelewer word,” sê Weber.

“Op Oshakati ontwikkel die program tans 120 erwe en 300 op Okahao. Sodra die eerste projeksiklus voltooi is, sal die volgende fase begin. Een siklus neem sowat agt maande.”

Volgens Weber sluit die diens van dié erwe toegang tot water, paaie en hulp om tydelike toilette aan te bring in, terwyl die plaaslike owerhede die betrokke dorp se rioolstelsel ontwikkel.

Volle titelaktes word by die erfbedrag ingesluit, en daar word aan die wetlike vereistes vir dorpstigting voldoen, sê hy.

“Een van die voorwaardes vir die eiendomsbewyse is ’n verkoopsmoratorium van sewe jaar, wat beteken die nuwe eienaars kan hul persele vir dié tydperk nie verkoop nie. Dit is om spekulering met grond te vermy,” sê Weber.

“Sodra mense die erf betaal het, kan hulle dit beset. Omdat die kopers aan laeinkomstegroepe behoort, word hulle toegelaat om eers ’n tydelike struktuur te bou, maar hulle moet binne een jaar met stene begin bou.”

Volgens hom maak dié betekenisvolle afname in koopbedrag die grond vir arm Namibiërs meer toeganklik.

“Die munisipaliteit voorsien die grond verniet, en die diensverskaffers werk nie vir ’n wins nie,” sê hy.

“Bouriglyne word deur die projek verskaf. In teenstelling met die onbeplande ontwikkeling van informele nedersettings is die nuwe laeinkomste-woonbuurte goed beplan en kan dit maklik mettertyd met rioolstelsels en elektrisiteitsnetwerke opgeknap word. Die hoofdoel van die program is om die grondslag vir beplande stedelike uitbreiding te lê,” sê Weber.

“Die skema is uitsluitlik vir laeinkomste-kopers wat vir die eerste keer grond koop, en alle aansoeke word noukeurig nagegaan. Begunstigdes het tussen 8 en 12 maande om die erwe af te betaal. Die projek is tans op Oshakati, Okahao, Karibib en Tsandi geïmplementeer. Verskeie ander plaaslike owerhede het hul belangstelling uitgespreek om aan die program deel te neem,” sê Weber.

Die vennootskap bestaan sedert 2018 en geniet die ministerie van stedelike en landelike ontwikkeling, in samewerking met plaaslike owerhede, se ondersteuning.

“Ons ontwikkel woonbuurte vir ’n gesamentlike toekoms,” sê Weber.

“Die doel is om jaarliks voldoende bekostigbare grond vir behuising te ontwikkel sodat die informele huismark oorbodig is. Die projekte word in leë gebiede aan dorpe se buitewyke geïmplementeer. Daar is dus geen bestaande inwoners in dié projekgebiede nie,” sê hy.

DWN voorsien die program van tegniese kundigheid en bestuursvernuf, terwyl die Kamer van die Omgewing die programfonds bestuur.

Die fonds word deur die Duitse samewerkingsorganisasie GIZ, die Kamer van Mynbou, B2Gold, RMB Namibia en Air Namibia ondersteun.

Soortgelyk

 

Studie werp lig op geweld

1 dag gelede | Misdaad

Me. Dianne Hubbard reik vanoggend die Regshulpsentrum (LAC) en die Hanns Seidel-stigting se studie oor die gebruik van geweld deur wetstoepassers in Namibië uit. Sy...

Eksamen 'nie 'n mooi prentjie'

1 dag gelede | Ministeries

Henriette LamprechtNet drie uit meer as 400 mediese studente het 'n onlangse eksamen vir internskappe geslaag.Die betrokke eksamen word deur die Raad vir Gesondheidsberoepe (HPCNA)...

Ou liefde roes nie

1 dag gelede | In beeld

Op 31 Januarie vanjaar het tannie Igna (78) en oom Piet (84) Liebenberg 61 jaar gelede in die NG kerk op Mariental ewige trou aan...

Waarskuwing dat Kunene dalk oorstroom

1 dag gelede | Weer

Elvira Hattingh - Gemeenskappe wat teenaan die Kunenerivier woon, is gister teen moontlike oorstroming gewaarsku.Dit omdat die rivier by Ruacana teen 1 136,7 m³/s gevloei...

Kalender 14 Februarie

1 dag gelede | Kuns en vermaak

Nou aan die gang» Joe’s Beerhouse bied vanaand ‘n Valentynsgeleentheid aan. Komplimentêre sjokolade sal uitgedeel word, en ‘n professionele fotograaf sal jou en jou metgesel...

DHPS hou makietie

1 dag gelede | Kuns en vermaak

Die Deutsche Höhere Privatschule hou op Saterdag 29 Februarie ’n Career Fair and Summer Festival.Die loopbaanekspo, voorheen bekend as Opedag, gaan hierdie jaar ‘n nuwe...

Paratus en stadsraad stamp koppe

1 dag gelede | Regering

Yolanda Nel - Werknemers van die telekommunikasiemaatskappy Paratus wat gister besig was om gate in die hoofstad te grawe om veselkabelverbinding aan te lê, moes...

Weer, Vrydag 14 Februarie 2020

1 dag gelede | Weer

BINNELAND: Gedeeltelik bewolk en warm tot bloedig warm in die Suidweste en Noord­ooste. Elders gedeeltelik bewolk en warm tot bloedig warm met enkele tot geïsoleerde...

For the love of research

1 dag gelede | Onderwys

Michelline Nawatises Chiku Getrude Mnubi-Mchombu completed her secondary education in 1978 and obtained a certificate in librarianship in Tanzania in 1981. She then worked...