G’n kultus, sê geloofsgroep
‘n Voormalige moderator van die NG sinode sê hy dink nie die groep moet onderskat word nie.
Abrie Burger - Lede van die Suid-Koreaanse geloofsgroep Shincheonji het die afgelope week ontken dat hulle ’n kultus is wat studente van die Universiteit Stellenbosch (US) teiken en wil “so gou moontlik” gesprekke met dié instelling voer om te verduidelik wie hulle eintlik is.
Dit kom nadat die US studente verlede week in ’n brief gewaarsku het teen ’n “internasionale groep” wat “onder die voorwendsel van geloofsaffiliasie” op kampus doenig is. Luidens die brief het die US verskeie klagtes ontvang oor “ ’n geloofsgroepering of kultus” genaamd Shincheonji wat studente in die Wes-Kaap teister, intimideer en dwing om by hulle aan te sluit.
“Sodra jy ’n lid van die groep is, kan hulle jou probeer dwing om jou studie te staak, kommunikasie met jou ouers en vriende te verbreek, of ander versoeke rig wat op afpersing neerkom,” lui die brief. Dit gaan ook verder om te sê “hulle kan vurige en aggressiewe gesprekke gebruik om jou te probeer dwing om by hul groep aan te sluit”.
‘Belaglik’
Drie Kaapse lede van dié “geloof” het die afgelope week aan Rapport gesê die bewerings is “belaglik” en druis in teen studente se geloofsvryheid.
‘Niemand word geïndoktrineer nie.’
Die drie lede – ’n “ouderling”, ’n jeugleier en ’n persoon wat onlangs aangesluit het – sê die universiteit se uitlatings is “onwaar en heeltemal onaanvaarbaar”.
“Ons sal graag ’n gesprek met die universiteit wil hê. Ons het meer van ’n akademiese instelling verwag,” sê die 31-jarige jeugleier.
Hy is ’n oud-Matie en voormalige bemarker wat “uit eie wil” besluit het om sy tyd heeltyds aan die kerk te bestee.
Die “ouderling”, ’n 59-jarige man met sy eie sakeonderneming, sê hoewel hy aan die Shincheonji-kerk behoort, is “ek steeds ’n Christen en ek glo steeds in Jesus Christus.
“Ek gaan na die kerk en neem deel aan die aktiwiteite. Dit is vir my baie lekker en dít is hoekom ek dit doen,” verduidelik hy.
“Dit maak my verstand oop vir waaroor God eintlik gaan. Of ek nou die oggend 11 uur of die aand 11 uur die kerk verlaat, hang af van waarmee ek besig is. My tyd word nie dopgehou nie,” sê hy.
Ongeveer 2 000 volgelinge
Volgens dié lede het die geloofsgroep in 2012 in Suid-Afrika begin toe ses lede bymekaar gekom het. Voor dit het sommiges so ver terug as 2010 met behulp van Skype Bybelstudie gedoen.
Hulle sê die kerk het ongeveer 2 000 volgelinge in Suid-Afrika en sowat 400 in Kaapstad.
Rapport het versoek om met ’n leier van die kerk te praat, maar dié drie lede sê dit gaan weens die “vervolging” van hulle nie moontlik wees nie. Hulle verkies daarom om anoniem te bly.
Rapport het ook versoek om ’n kerkdiens by te woon, maar die drie lede sê mense wat die eredienste bywoon, word eers aangeraai om die Bybelstudie te doen, andersins kan dit “baie verwarrend” raak.
Man-Hee Lee, stigter en voorsitter van die Shincheonji-kerkgroep, het Suid-Afrika al twee keer besoek.
Dr. Braam Hanekom, voormalige moderator van die NG sinode van Wes- en Suid-Kaapland, het Lee destyds op die Neethlingshof-landgoed in Stellenbosch ontmoet. Hanekom het aan Rapport gesê dié ontmoeting was op versoek gereël en dat dit ’n “halfuur lange toespraak oor wêreldvrede” met die hulp van ’n tolk was. Hanekom is daarna deur verteenwoordigers van die kerk na Suid-Korea genooi.
‘Kultusfiguur’
Hanekom sê die leier van die kerk sien homself as ’n “tweede Johannes (na Johannes op Patmos) wat as ongeletterde die uitleg van Openbaring van God ontvang het.
“So skryf hy ’n verbluffende teologie neer wat draai rondom die vervulling van beloftes in die Ou en Nuwe Testament.”
Hanekom het die afgelope week sy verbasing uitgespreek dat “die klomp” steeds in Suid-Afrika bedrywig is. Hy sê hy dink nie die groep het vreeslik baie aanhangers in Suid-Afrika nie, maar hulle moet ook nie onderskat word nie.
“Ek dink nie die lede word gedwing om deel daarvan te wees nie. Hulle is bloot maar net betower,” sê hy.
“Dit is nie slegte mense nie. Daar is smart jongmense betrokke. ’n Mens moet versigtig wees om nie die arme kinders vir die wolwe te gooi nie.”
Hanekom beskryf Lee (86) as “’n absolute kultusfiguur”.
“Sy volgelinge glo dat hy onsterflik is. Ek wonder wat met die groep gaan gebeur as hy wel sag heengaan,” sê Hanekom. – Netwerk24
Dit kom nadat die US studente verlede week in ’n brief gewaarsku het teen ’n “internasionale groep” wat “onder die voorwendsel van geloofsaffiliasie” op kampus doenig is. Luidens die brief het die US verskeie klagtes ontvang oor “ ’n geloofsgroepering of kultus” genaamd Shincheonji wat studente in die Wes-Kaap teister, intimideer en dwing om by hulle aan te sluit.
“Sodra jy ’n lid van die groep is, kan hulle jou probeer dwing om jou studie te staak, kommunikasie met jou ouers en vriende te verbreek, of ander versoeke rig wat op afpersing neerkom,” lui die brief. Dit gaan ook verder om te sê “hulle kan vurige en aggressiewe gesprekke gebruik om jou te probeer dwing om by hul groep aan te sluit”.
‘Belaglik’
Drie Kaapse lede van dié “geloof” het die afgelope week aan Rapport gesê die bewerings is “belaglik” en druis in teen studente se geloofsvryheid.
‘Niemand word geïndoktrineer nie.’
Die drie lede – ’n “ouderling”, ’n jeugleier en ’n persoon wat onlangs aangesluit het – sê die universiteit se uitlatings is “onwaar en heeltemal onaanvaarbaar”.
“Ons sal graag ’n gesprek met die universiteit wil hê. Ons het meer van ’n akademiese instelling verwag,” sê die 31-jarige jeugleier.
Hy is ’n oud-Matie en voormalige bemarker wat “uit eie wil” besluit het om sy tyd heeltyds aan die kerk te bestee.
Die “ouderling”, ’n 59-jarige man met sy eie sakeonderneming, sê hoewel hy aan die Shincheonji-kerk behoort, is “ek steeds ’n Christen en ek glo steeds in Jesus Christus.
“Ek gaan na die kerk en neem deel aan die aktiwiteite. Dit is vir my baie lekker en dít is hoekom ek dit doen,” verduidelik hy.
“Dit maak my verstand oop vir waaroor God eintlik gaan. Of ek nou die oggend 11 uur of die aand 11 uur die kerk verlaat, hang af van waarmee ek besig is. My tyd word nie dopgehou nie,” sê hy.
Ongeveer 2 000 volgelinge
Volgens dié lede het die geloofsgroep in 2012 in Suid-Afrika begin toe ses lede bymekaar gekom het. Voor dit het sommiges so ver terug as 2010 met behulp van Skype Bybelstudie gedoen.
Hulle sê die kerk het ongeveer 2 000 volgelinge in Suid-Afrika en sowat 400 in Kaapstad.
Rapport het versoek om met ’n leier van die kerk te praat, maar dié drie lede sê dit gaan weens die “vervolging” van hulle nie moontlik wees nie. Hulle verkies daarom om anoniem te bly.
Rapport het ook versoek om ’n kerkdiens by te woon, maar die drie lede sê mense wat die eredienste bywoon, word eers aangeraai om die Bybelstudie te doen, andersins kan dit “baie verwarrend” raak.
Man-Hee Lee, stigter en voorsitter van die Shincheonji-kerkgroep, het Suid-Afrika al twee keer besoek.
Dr. Braam Hanekom, voormalige moderator van die NG sinode van Wes- en Suid-Kaapland, het Lee destyds op die Neethlingshof-landgoed in Stellenbosch ontmoet. Hanekom het aan Rapport gesê dié ontmoeting was op versoek gereël en dat dit ’n “halfuur lange toespraak oor wêreldvrede” met die hulp van ’n tolk was. Hanekom is daarna deur verteenwoordigers van die kerk na Suid-Korea genooi.
‘Kultusfiguur’
Hanekom sê die leier van die kerk sien homself as ’n “tweede Johannes (na Johannes op Patmos) wat as ongeletterde die uitleg van Openbaring van God ontvang het.
“So skryf hy ’n verbluffende teologie neer wat draai rondom die vervulling van beloftes in die Ou en Nuwe Testament.”
Hanekom het die afgelope week sy verbasing uitgespreek dat “die klomp” steeds in Suid-Afrika bedrywig is. Hy sê hy dink nie die groep het vreeslik baie aanhangers in Suid-Afrika nie, maar hulle moet ook nie onderskat word nie.
“Ek dink nie die lede word gedwing om deel daarvan te wees nie. Hulle is bloot maar net betower,” sê hy.
“Dit is nie slegte mense nie. Daar is smart jongmense betrokke. ’n Mens moet versigtig wees om nie die arme kinders vir die wolwe te gooi nie.”
Hanekom beskryf Lee (86) as “’n absolute kultusfiguur”.
“Sy volgelinge glo dat hy onsterflik is. Ek wonder wat met die groep gaan gebeur as hy wel sag heengaan,” sê Hanekom. – Netwerk24
Kommentaar
Republikein
Geen kommentaar is op hierdie artikel gelaat nie