Gimnasium en WHS – dis rooi teen blou
Min sportgeleenthede kan met 'n interhoër vergelyk word.
Andrew Poolman - Geesdriftige ondersteuning soos min is die voorland vir die spanne en individuele verteenwoordigers van twee spogskole wat die naweek in 'n volwaardige interhoër slaags raak.
Windhoek Gimnasium het vanjaar as aanbieder die tuisvoordeel teen Windhoek Hoërskool, met die verwagting dat hul kragmetings in verskeie kodes baie gelykop en mededingend kan verloop.
Gimmies en WHS takel mekaar van môre af in altesame tien sportkodes, waarvan die drie groot spansporte in die winterseisoen (rugby, netbal en hokkie) die hoofdis vir Saterdag is.
Die ongeskrewe reël van menige interhoër is tradisioneel dat die eerste rugbyspanne se botsing die “wenskool” bepaal. Verlede jaar het WHS op sy tuisveld die knoop met 30-23 deurgehaak, maar 2018 is uiteraard 'n nuwe geleentheid vir beide spanne.
Die o.19A-rugbywedstryd sal vriendskaplik wees en vorm nie deel van die Momentum premierliga wat laas naweek sy openingsronde gehad het nie. WHS het laas Saterdag tweede viool gespeel in sy moeilike wegwedstryd teen Tsumeb Gimnasium, terwyl die Windhoek Gim Leeus die verdediging van hul titel met 'n wegholsege teen Elnatan afgeskop het.
Ietwat opspraakwekkend was dat WHS se Koedoebulle laas naweek twee van sy mees ervare en invloedryke agterspelers om dissiplinêre redes nie oorweeg het nie.
Beide moes verhoudings herstel om weer in die goeie boekies te kom en komende Saterdag sal losskakel Delron Brandt vir oulaas vir die tweede span speel, terwyl die senter Elmarco Beukes as 'n plaasvervanger vir die eerste span begin.
ATMOSFEER
Mnr. Fanie van Zyl, rektor van die gasheerskool, sê: “Dit is vir Windhoek Gimnasium 'n besondere voorreg om weer vanjaar deel van die jaarlikse Interskolebyeenkoms teen WHS te wees. Daar is 'n duidelik aanvoelbare afwagting by ons almal dat hierdie geleentheid iets besonders gaan wees.
“Die dag lewer altyd oomblikke op van uiterste inspanning, maksimum gebruik van vaardighede en talent.Saam met die harde kompetisie was dit verlede jaar opmerklik hoedat die leerlinge van beide skole, nadat hulle mekaar hard aangevat het, tog in goeie sportmangees mekaar gelukwens en oor-en-weer selfs drukkies uitgedeel het.
“Met hierdie geleentheid word 'n nuwe tradisie tussen die skole ontwikkel wat in die komende jare in stand gehou moet word. Uiteindelik is dit nie die wen waaroor alles gaan nie, maar eerder die vermoë om met elke greintjie energie vir 'n bepaalde skool mee te ding.
“Dit op sigself bevorder trots, 'n eiesoortigheid en 'n eie identiteit.
“Ons sê byvoorbaat dankie aan almal wat so hard werk om hierdie dag 'n sukses te maak. Ons nooi al ons ouers van beide skole hartlik uit om die geleentheid saam met ons te geniet.
“My wens is dat dit in dieselfde goeie gees as verlede jaar sal plaasvind en dat ons altyd trots sal wees op hierdie kosbare tradisie.”
Die skoolhoof van Windhoek Hoërskool, mnr. Hawie Engels, se boodskap was ewe vol van positiewe verwagtinge.
“Ons het laas jaar 'n baie lekker geleentheid gehad en ek dink daar was tog só 'n behoefte wat al lank aangekom het. Mense wil graag krag teen krag sien en daar is nie twyfel nie dat Gimnasium in verskeie kodes in 'n ware krag ontwikkel het.
“As jy kyk na die tradisie van interhoërs in Suid-Afrika en die atmosfeer wat by die geleentheid geskep word met duisende of tienduisende toeskouers – ek dink 'n mens wil 'n soortgelyke geleentheid hier skep.
“Ons kom met die gedagte om brûe en bande te bou, en dat kinders op dieselfde vlak kan kompeteer. Ek dink dis 'n lekker dag vir die hele gemeenskap. Selfs neutrale kykers sal vind dat die netbal, hokkie en rugby van beide skole tans op 'n baie goeie vlak is.”
Die interhoër se program:
VRYDAG
14:00 Sokker o.17's by United B-veld
15:30 Sokker o.19's by United B-veld
14:00 Tafeltennis by Windhoek Gimnasium Rekke-gim
14:00 Tennis by SKW-baan
14:00 Krieket eerste spanne by United krieketveld
14:00 Muurbal by Wanderers-klub se bane
14:00-17:00 Skaak in klaskamer A7
Redenaars (voorbereid) vir juniors en seniors, 13:45 tot 15:00 in klaskamer A5 en A11
Redenaars (onvoorbereid), 13:45 tot 16:10 in klaskamers A5, A9 en A10.
Debat, 13:45 tot 17:00 in klaskamer A5
SATERDAG 2 Junie
RUGBY
09:00 o.14B-spanne (ligawedstryd)
10:00 o.15B-spanne (ligawedstryd)
11:00 o.14A-spanne (ligawedstryd)
12:00 o.15A-spanne (ligawedstryd)
13:00 o.19D-spanne (vriendskaplik)
14:00 o.19C-spanne (ligawedstryd)
15:15 o.19B-spanne (vriendskaplik)
20:00 o.19A-spanne (vriendskaplik)
HOKKIE (alles vriendskaplik)
09:00 meisies derde spanne
10:30 seuns derde spanne
12:00 meisies tweede liga
14:00 seuns tweede liga
16:00 meisies eerste liga
18:30 seuns eerste liga
NETBAL
09:30 o.17B-spanne
10:30 o.17A-spanne
11:30 o.15C-spanne
12:15 o.15B-spanne
12:55 o.15A-spanne
16:00 o.19B-spanne
17:10 o.19A-spanne
Windhoek Gimnasium het vanjaar as aanbieder die tuisvoordeel teen Windhoek Hoërskool, met die verwagting dat hul kragmetings in verskeie kodes baie gelykop en mededingend kan verloop.
Gimmies en WHS takel mekaar van môre af in altesame tien sportkodes, waarvan die drie groot spansporte in die winterseisoen (rugby, netbal en hokkie) die hoofdis vir Saterdag is.
Die ongeskrewe reël van menige interhoër is tradisioneel dat die eerste rugbyspanne se botsing die “wenskool” bepaal. Verlede jaar het WHS op sy tuisveld die knoop met 30-23 deurgehaak, maar 2018 is uiteraard 'n nuwe geleentheid vir beide spanne.
Die o.19A-rugbywedstryd sal vriendskaplik wees en vorm nie deel van die Momentum premierliga wat laas naweek sy openingsronde gehad het nie. WHS het laas Saterdag tweede viool gespeel in sy moeilike wegwedstryd teen Tsumeb Gimnasium, terwyl die Windhoek Gim Leeus die verdediging van hul titel met 'n wegholsege teen Elnatan afgeskop het.
Ietwat opspraakwekkend was dat WHS se Koedoebulle laas naweek twee van sy mees ervare en invloedryke agterspelers om dissiplinêre redes nie oorweeg het nie.
Beide moes verhoudings herstel om weer in die goeie boekies te kom en komende Saterdag sal losskakel Delron Brandt vir oulaas vir die tweede span speel, terwyl die senter Elmarco Beukes as 'n plaasvervanger vir die eerste span begin.
ATMOSFEER
Mnr. Fanie van Zyl, rektor van die gasheerskool, sê: “Dit is vir Windhoek Gimnasium 'n besondere voorreg om weer vanjaar deel van die jaarlikse Interskolebyeenkoms teen WHS te wees. Daar is 'n duidelik aanvoelbare afwagting by ons almal dat hierdie geleentheid iets besonders gaan wees.
“Die dag lewer altyd oomblikke op van uiterste inspanning, maksimum gebruik van vaardighede en talent.Saam met die harde kompetisie was dit verlede jaar opmerklik hoedat die leerlinge van beide skole, nadat hulle mekaar hard aangevat het, tog in goeie sportmangees mekaar gelukwens en oor-en-weer selfs drukkies uitgedeel het.
“Met hierdie geleentheid word 'n nuwe tradisie tussen die skole ontwikkel wat in die komende jare in stand gehou moet word. Uiteindelik is dit nie die wen waaroor alles gaan nie, maar eerder die vermoë om met elke greintjie energie vir 'n bepaalde skool mee te ding.
“Dit op sigself bevorder trots, 'n eiesoortigheid en 'n eie identiteit.
“Ons sê byvoorbaat dankie aan almal wat so hard werk om hierdie dag 'n sukses te maak. Ons nooi al ons ouers van beide skole hartlik uit om die geleentheid saam met ons te geniet.
“My wens is dat dit in dieselfde goeie gees as verlede jaar sal plaasvind en dat ons altyd trots sal wees op hierdie kosbare tradisie.”
Die skoolhoof van Windhoek Hoërskool, mnr. Hawie Engels, se boodskap was ewe vol van positiewe verwagtinge.
“Ons het laas jaar 'n baie lekker geleentheid gehad en ek dink daar was tog só 'n behoefte wat al lank aangekom het. Mense wil graag krag teen krag sien en daar is nie twyfel nie dat Gimnasium in verskeie kodes in 'n ware krag ontwikkel het.
“As jy kyk na die tradisie van interhoërs in Suid-Afrika en die atmosfeer wat by die geleentheid geskep word met duisende of tienduisende toeskouers – ek dink 'n mens wil 'n soortgelyke geleentheid hier skep.
“Ons kom met die gedagte om brûe en bande te bou, en dat kinders op dieselfde vlak kan kompeteer. Ek dink dis 'n lekker dag vir die hele gemeenskap. Selfs neutrale kykers sal vind dat die netbal, hokkie en rugby van beide skole tans op 'n baie goeie vlak is.”
Die interhoër se program:
VRYDAG
14:00 Sokker o.17's by United B-veld
15:30 Sokker o.19's by United B-veld
14:00 Tafeltennis by Windhoek Gimnasium Rekke-gim
14:00 Tennis by SKW-baan
14:00 Krieket eerste spanne by United krieketveld
14:00 Muurbal by Wanderers-klub se bane
14:00-17:00 Skaak in klaskamer A7
Redenaars (voorbereid) vir juniors en seniors, 13:45 tot 15:00 in klaskamer A5 en A11
Redenaars (onvoorbereid), 13:45 tot 16:10 in klaskamers A5, A9 en A10.
Debat, 13:45 tot 17:00 in klaskamer A5
SATERDAG 2 Junie
RUGBY
09:00 o.14B-spanne (ligawedstryd)
10:00 o.15B-spanne (ligawedstryd)
11:00 o.14A-spanne (ligawedstryd)
12:00 o.15A-spanne (ligawedstryd)
13:00 o.19D-spanne (vriendskaplik)
14:00 o.19C-spanne (ligawedstryd)
15:15 o.19B-spanne (vriendskaplik)
20:00 o.19A-spanne (vriendskaplik)
HOKKIE (alles vriendskaplik)
09:00 meisies derde spanne
10:30 seuns derde spanne
12:00 meisies tweede liga
14:00 seuns tweede liga
16:00 meisies eerste liga
18:30 seuns eerste liga
NETBAL
09:30 o.17B-spanne
10:30 o.17A-spanne
11:30 o.15C-spanne
12:15 o.15B-spanne
12:55 o.15A-spanne
16:00 o.19B-spanne
17:10 o.19A-spanne
Kommentaar
Republikein
Geen kommentaar is op hierdie artikel gelaat nie