Gholfdag moet toere help betaal
Die Namibiese nasionale baarshengelspan is aan die voorberei vir sy deelname aan die jaarlikse Streek 5-kampioenskap – die sport se mees gesogte titel in Suider-Afrika.
Die beste hengelaars van Suid-Afrika, Zimbabwe, Zambië, Mosambiek, Swaziland en Namibië sal sake oor vyf dae uitspook om hul vernuf langs die hengelwaters te beproef. Suid-Afrika is hierdie keer die gasheerspan vir die kompetisie by die natuurskone Nandonidam in die Limpopo-provinsie.
Die Namibiese hengelaars werk reeds vir maande hard en is vol vertroue dat hulle hierdie keer met silwerware huiswaarts kan keer.
Vir die eerste keer in die geskiedenis sal die nasionale oefengroep ’n oefenlopie op die einste Nandonidam kan gaan hou om hulself van die plaaslike omstandighede vertroud te maak – voordat die sperperiode van 21 dae in werking tree.
Die Namibiese span van 2016 (met vorige internasionale verskynings tussen hakies):
Alec Williams (spankaptein, 5), Thinus Williams (4), Max Pieper (6), Sonita Pienaar (2), Jacques Marais (7), Jason Koudelka (1, reserwe in 2015), Neil Engelbrecht (6), Anton de Wit (2), Neels van Tonder (5), Johan Coetzee (0), JP Judeel (2), Richard Grant (5), André van Vuuren (spanbestuurder).
Die oefengroep verlaat Windhoek vandag en keer op 7 Mei terug. Die nasionale span vir die Streek 5-toernooi vertrek op 10 Junie en keer op die 19de terug.
Uit die aard van die saak is groot geldelike koste aan hierdie deelname verbonde. Die Namibiërs sal sewe bote vir sowat 4 000 kilometer moet sleep – twee afsonderlike kere.
Die Namibiese Baarshengelvereniging (NBAA) bied dus op 13 Mei sy jaarlikse gholfdag by die Windhoek Buiteklub se baan aan. Dié toernooi is altyd groot pret en die prysuitdeling en veiling van items is altyd ’n hoogtepunt.
Die volle opbrengs van die gholfdag word vir die reiskoste van die nasionale span gebruik. Enige maatskappy wat spanne vir die gholfdag wil inskryf of andersins betrokke wil wees, kan Alec Williams per e-pos by [email protected] bereik.
Die beste hengelaars van Suid-Afrika, Zimbabwe, Zambië, Mosambiek, Swaziland en Namibië sal sake oor vyf dae uitspook om hul vernuf langs die hengelwaters te beproef. Suid-Afrika is hierdie keer die gasheerspan vir die kompetisie by die natuurskone Nandonidam in die Limpopo-provinsie.
Die Namibiese hengelaars werk reeds vir maande hard en is vol vertroue dat hulle hierdie keer met silwerware huiswaarts kan keer.
Vir die eerste keer in die geskiedenis sal die nasionale oefengroep ’n oefenlopie op die einste Nandonidam kan gaan hou om hulself van die plaaslike omstandighede vertroud te maak – voordat die sperperiode van 21 dae in werking tree.
Die Namibiese span van 2016 (met vorige internasionale verskynings tussen hakies):
Alec Williams (spankaptein, 5), Thinus Williams (4), Max Pieper (6), Sonita Pienaar (2), Jacques Marais (7), Jason Koudelka (1, reserwe in 2015), Neil Engelbrecht (6), Anton de Wit (2), Neels van Tonder (5), Johan Coetzee (0), JP Judeel (2), Richard Grant (5), André van Vuuren (spanbestuurder).
Die oefengroep verlaat Windhoek vandag en keer op 7 Mei terug. Die nasionale span vir die Streek 5-toernooi vertrek op 10 Junie en keer op die 19de terug.
Uit die aard van die saak is groot geldelike koste aan hierdie deelname verbonde. Die Namibiërs sal sewe bote vir sowat 4 000 kilometer moet sleep – twee afsonderlike kere.
Die Namibiese Baarshengelvereniging (NBAA) bied dus op 13 Mei sy jaarlikse gholfdag by die Windhoek Buiteklub se baan aan. Dié toernooi is altyd groot pret en die prysuitdeling en veiling van items is altyd ’n hoogtepunt.
Die volle opbrengs van die gholfdag word vir die reiskoste van die nasionale span gebruik. Enige maatskappy wat spanne vir die gholfdag wil inskryf of andersins betrokke wil wees, kan Alec Williams per e-pos by [email protected] bereik.
Kommentaar
Republikein
Geen kommentaar is op hierdie artikel gelaat nie