Gewraakte arbeidsriglyne vandag bespreek

27 April 2020 | Arbeid
Ronelle Rademeyer - Verteenwoordigers van werkgewersorganisasies het vanoggend ‘n virtuele vergadering met die uitvoerende direkteur van die ministerie van arbeid, nywerheidsbetrekkinge en werkskepping, mnr. Bro-Matthew Shinguadja, en vakbondleiers oor die voorgestelde nuwe arbeidsriglyne wat hulle as “drakonies” beskou.

Die voorgestelde riglyne het onder skerp kritiek van die Namibië Werkgewersferderasie (NEF) en die Namibië Werkgewersassosiasie (NEA) deurgeloop.

Volgens hierdie riglyne, wat nog in die Staatskoerant gepubliseer moet word, is dit onwettig om werkers binne 28 dae ná die staat van inperking op 4 Mei verstryk, af te dank of af te lê. Werkgewers wat werkers reeds ingevolge die bepalings van die Arbeidswet ontslaan of afgelê het, is opdrag gegee om hulle weer in diens te neem en met hulle daaroor te onderhandel. Die vermindering van salarisse en werksure mag ook net met toestemming van die werkernemers of vakbonde geskied.

Die NEA sê in ‘n verklaring deur sy president, mnr. Henry Bruwer, dié werkgewersorganisasie het nie deel gehad aan besprekings vir die voorbereiding van die riglyne nie. “Ons is van mening dat ons regte ingevolge artikel 59(2)(a) van die Wet op Arbeid, Wet 11 van 2007, ernstig benadeel is omdat ons nie ons lede se besware betekenisvol met die ministerie kon bespreek nie.”

Hy veroordeel die ministerie se “drakoniese benadering” wat gegewe die omstandighede in die land nie net werkgewers nie, maar ook werknemers negatief sal beïnvloed.

“Die NEA doen namens en sy lede en die groter besigheidsgemeenskap ‘n beroep op die ministerie om die promulgering van die riglyne eers te staak en deur middel van die Arbeidsadviesraad na die onderhandelingstafel terug te keer,” het Bruwer in sy verklaring versoek.

Hy het gister aan Republikein gesê die ministerie het tot sodanig samesprekings ingestem. “Ons is uitgenooi na ‘n Zoom-konferensie wat om negeuur Maandag plaasvind. Dit is vir ons belangrik om die kwessie deur middel van gesprekvoering op te los.” Dít, eerder as regsoptrede, is die NEA se beleid, sê Bruwer.

Intussen het mnr. Eben de Klerk van ISG Risk Services in ‘n regsmening gesê die voorgenome arbeidsriglyne is ultra virus, of buite die magte van arbeidsminister Utoni Nujoma, aangesien regulasie 14(1) van die Noodtoestandsregulasies, Proklamasie 9 van 28 Maart 2020, ‘n minister net toelaat om riglyne uit te vaardig wat dié regulasies aanvul of versterk.

Die Noodtoestandregulasies bevat geen voorskrif vir die behoud van werknemers nie, sê hy.

Volgens hom is die voorgestelde riglyne ook buite die magte van die minister sover dit die Wet op Arbeid betref.

“Die minister het geen bevoegdheid om hierdie nuwe wetgewing op te stel nie en die beoogde arbeidsvoorskrifte is derhalwe nietig en onafdwingbaar. Die regering staar as gevolg hiervan wesenlike wetlike en finansiële risiko's in die gesig,,” meen De Klerk. [email protected]

Soortgelyk

 

Air Namibia hervat op 28 Oktober vlugte na SA

6 ure gelede | Vervoer

Die nasionale redery het vanmiddag aangekondig hy hervat op 28 Oktober vlugte vanaf Windhoek na Johannesburg en Kaapstad.Die redery sal nie soos in die verlede...

77 leerlinge van dieselfde skool toets binne vier dae...

7 ure gelede | Gesondheid

Nog agt leerlinge van die senior sekondêre skool Oshakati het positief vir Covid-19 getoets wat die totaal leerlinge van die skool wat positief getoets het...

Geingob sê oor Covid-19-weg vorentoe

9 ure gelede | Gesondheid

Die minister van gesondheid en maatskaplike dienste, dr. Kalumbi Shangula, sê pres. Hage Geingob sal vandeesweek ’n aankondiging maak oor die regering se voortgesette hantering...

Covid-19: Aankondiging kom oor pad vorentoe

11 ure gelede | Gesondheid

Die minister van gesondheid en maatskaplike dienste, dr. Kalumbi Shangula, sê pres. Hage Geingob sal vandeesweek ’n aankondiging maak oor die regering se voortgesette hantering...

Geingob onder skoot oor ‘wit’ opmerkings

23 ure gelede | Politiek

Denver Kisting – Die leier van die amptelike opposisie, mnr. McHenry Venaani, sê wat pres. Hage Geingob die afgelope naweek oor wit mense kwytgeraak het,...

Verskeie daaglikse vlugte binnekort na SA

23 ure gelede | Vervoer

Ronelle Rademeyer – FlyWestair en Airlink, die private Namibiese en Suid-Afrikaanse rederye, het tot reisigers se redding gekom en gaan die leemte aan direkte, geskeduleerde...

Skone Lira bemark Namibië

23 ure gelede | Toerisme

Die Suid-Afrikaanse sangeres Lira, wat die inperking in Namibië deurgebring en uitgebreide verkenningsreise in die land onderneem het, is deur die Federasie van Namibiese Toerismeverenigings...

Weer vir 19 Oktober

23 ure gelede | Weer

BINNELAND: Gedeeltelik bewolk en bloedig warm in die Ooste. Elders sal die sonnig wees en baie warm tot bloedig wees. KUS: Gedeeltelik bewolk en koel...

Verdagte panga-rowers in hegtenis

23 ure gelede | Misdaad

Kristien KrugerVolgens ’n Namibiese polisieverslag is sewe mans in hegtenis geneem in verband met ’n aantal gewapende rooftogte in Windhoek.Die mans het hulself glo die...