‘Gewilde’ Bethanie-onnie kry borgtog

24 June 2020 | Misdaad
Francoise Steynberg - ’n Onderwyser van Bethanie, mnr. Lukas Suana Kampale (24), wat Maandagoggend in verband met rassediskriminasie en aanranding met dreigement in die hof verskyn het, is op borgtog van N$2 000 vrygelaat.

Dit volg nadat hy Saterdag in hegtenis geneem is ná hy op sosiale media haatspraak teenoor Nama-mense uitgespreek het.

Hy is ’n wiskunde-onderwyser van Schmelenville Gekombineerde Skool op die Suidedorp.

“Hy is ’n goeie meneer en baie gewild onder sy graad 5 tot 8-leerlinge vir wie hy wiskunde gee. Ons is geskok en ken hom nie so nie,” het ’n personeellid gesê.

Kampale se borgtogvoorwaarde is dat hy nie met getuies inmeng nie.

Assistent-landdros Marchel Pienaar het die saak tot 16 Julie vir verdere ondersoek uitgestel. Mnr. Frederick van der Colf het aangekla.

Die uitvoerende direkteur van die onderwysministerie, me. Sanet Steenkamp, het aan Republikein bevestig Kampale was net tydelik aangestel.

Rakende sy toekoms as onderwyser, het sy gesê “ons volg die interne stappe volgens die Staatsdienskommissie en kyk objektief hierna. Ek wag vir ’n antwoord van die direkteur van die kommissie”.

Steenkamp het bygevoeg: “Dis hartseer dat hy hierdie uitlatings gemaak het en sy beeld skade berokken het.”

Intussen het die Landless People’s Movement (LPM) se politieke aksiekomitee van die ||Kharassteek Sondag die beskuldigde se uitlatings veroordeel.

“Dit is ‘n direkte oortreding van die waardes, kern en gees van die Namibiese Grondwet. Sy uitlatings is walglik, veragtelik en onaanvaarbaar,” lui ’n mediaverklaring van die LPM.

“Ons het met skok en afgryse van die rassistiese en stamgebonde uitlatings verneem wat na bewering deur die onderwyser gemaak is. So ’n individu kan nie as ’n onderwyser in ’n staatskool met ons leerlinge vertrou word nie.”

Die LPM meen die onderwyser moet ook op die oortreding van die staatsdienswet aangekla word.

’n Assistent-onderwyser vir graad 2’s op Walvisbaai, me. Corien Steenkamp, is onlangs afgedank nadat sy na bewering rassistiese opmerkings op Facebook gemaak het.

Sy staar ook strafregtelike klagte in die gesig. - [email protected]

Soortgelyk

 

Iran: Kernkragontploffing veroorsaak beduidende skade

5 ure gelede | Internasionaal

’n Kernkragontploffing Donderdag in ’n pakhuis by die Ntanz-aanleg in sentrale Iran het beduidende skade aangerig en kan die produksie van sentrifuges vertraag wat uraan...

Egipte arresteer dokters om kritici stil te maak

5 ure gelede | Internasionaal

Ongeveer tien dokters en ses joernaliste is vanaf Februarie in Egipte in hegtenis geneem omdat hulle die regering van pres. Abdel Fattah el-Sissi kritiseer oor...

Covid-19 knou Media24

8 ure gelede | Afrika

Media24 oorweeg dit om vyf tydskrifte en twee koerante te sluit, sy oorblywende maandelikse tydskrifte uit te kontrakteer en hul frekwensie te verminder, twee koerante...

Kenia heropen grense na 4 maande

8 ure gelede | Afrika

Mnr. Uhuru Kenyatta, die president van Kenia, het Maandag die heropening van dié land se grense “in fases” aangekondig.Internasionale vlugte sal vanaf 1 Augustus...

55 nuwe Covid-19-gevalle bring totaal op 593

9 ure gelede | Gesondheid

Die minister van gesondheid en maatskaplike dienste (MoHSS) dr. Kalumbi Shangula sê 55 nuwe gevalle van Covid-19 is die afgelope 24 uur in die land...

Twee vas oor olifanttande

19 ure gelede | Misdaad

Volgens die weeklikse wildmisdaadverslag vanaf 29 Junie tot 6 Julie is twee nuwe wildmisdaadsake aanhangig gemaak en vier verdagtes in hegtenis geneem. Mnre. Alfred...

Kleintjies terug skool toe

19 ure gelede | In beeld

Leerlinge vanaf graad 0 tot 3 het gister weer vir aangesig tot aangesig onderrig teruggekeer met leerlinge en ­onderwysers wat opgewonde was om weer by...

Tuiskwarantyn aan kus ’n opsie

19 ure gelede | Gesondheid

Henriette Lamprecht – Die ministerie van gesondheid en maatskaplike dienste (MoHSS) gaan meer buigsaam wees in die kwarantyn van kontakte van bevestigde Covid-19-gevalle in die...

Psemas: ‘Tender sluit almal behalwe Methealth uit’

19 ure gelede | Gesondheid

Henriette Lamprecht - Dit wil voorkom asof die bepalings van ’n tender om die staat se mediese fonds (Psemas) te bestuur, op so ’n manier...