Geval 22: stabiel, steeds op ventilator

Namibië se 22ste bevestigde Covid-19-geval, 'n 63-jarige man van die kus, is steeds aan 'n ventilator gekoppel. Volgens die adjunkminister van gesondheid en maatskaplike dienste (MoHSS) me. Esther Muinjangue is die man se toestand stabiel. Namibië het tans 23 bevestigde gevalle van Covid-19 waarvan 14 ten volle herstel het. Volgens Muinjangue word 370 kontakte tans gemonitor. Tot op hede is 3 545 weefselmonsters getoets en is 495 mense tans in kwarantyn in geriewe oraloor in die land.