Gesondheidswerkers: 1 uit 4 volledig ingeënt

Kommer oor veiligheid, newe-effekte

03 December 2021 | Gesondheid
Henriette Lamprecht

Net 27% van gesondheidswerkers in Afrika is ten volle teen Covid-19 ingeënt.

Dit beteken die oorgrote meerderheid van die werksmag wat deel van die voorste linie teen die siekte vorm, is nie beskerm nie.

Volgens ’n voorlopige ontleding deur die Wêreldgesondheidsorganisasie (WHO) wys data uit 25 lande sedert Maart vanjaar is 1,3 miljoen gesondheidswerkers ten volle ingeënt. Net ses lande het die doelwit van meer as 90% reeds bereik, terwyl nege lande minder as 40% van sy gesondheidswerkers ten volle ingeënt het. In teenstelling het 22 meestal hoë-inkomstelande meer as 80% van hul gesondheidswerkers ten volle ingeënt.

“Die meerderheid van Afrika se gesondheidswerkers is gevaarlik aan ernstige Covid-19-infeksie blootgestel. Tensy ons dokters, verpleegsters en ander frontliniewerkers volle beskerming kry, gaan ons ’n terugslag ervaar in ons pogings om hierdie siekte te bestry. Ons moet verseker ons gesondheidsgeriewe is veilige werksomgewings,” het dr. Matshidiso Moeti, die WHO se streekkoördineerder vir Afrika, gesê.

Volgens hom is dit belangrik om ’n hoë immuniseringsdekking onder gesondheidswerkers te hê; nie net vir hul eie beskerming nie, maar ook vir hul pasiënte, en om te verseker gesondheidstelsels stort nie tydens ’n tyd van uiterste behoefte in duie nie.

Volgens die WHO het Afrika ’n akute tekort aan gesondheidswerkers met net een land in die streek wat die vereiste gesondheidswerkers – 10,9 vir ’n 1 000 inwoners – het om noodsaaklike gesondheidsdienste te lewer. Sestien lande in die streek het minder as een gesondheidswerker vir 1 000 inwoners. Enige verlies van dié werkers aan Covid weens siekte of sterfte, het dus ’n geweldige invloed op dienslewering.

Volgens WHO-data het meer as 150 400 gesondheidswerkers sedert Maart verlede jaar Covid gehad, 2,5% van alle bevestigde gevalle en 2,6% van die totale gesondheidsmag in die streek. Vyf lande is verantwoordelik vir sowat 70% van al die Covid-infeksies by gesondheidswerkers, naamlik Algerië, Ghana, Kenia, Suid-Afrika en Zimbabwe.

Die WHO maan die risiko vir infeksie onder gesondheidswerkers styg soos gevalle styg, iets wat duidelik in die vorige drie golwe van die pandemie gesien is.

Tot op hede is meer as 227 miljoen dosisse in Afrika toegedien. In die 39 lande wat data vir die opname voorsien het, was 3,9 miljoen dosisse vir gesondheidswerkers.

Afrika het reeds 330 miljoen dosisse van Covax, die Afrika taakspan vir die verkryging van entstowwe sowel as bilaterale ooreenkomste sedert Februarie vanjaar ontvang. Sowat 83% is sedert Augustus afgelewer.

Die WHO sê die lae opname onder gesondheidswerkers kan toegeskryf word aan die beskikbaarheid van immuniseringsdienste in veral landelike gebiede, sowel as ’n weerstand teen entstowwe. As voorbeeld wil net sowat 40% van gesondheidswerkers in Ghana die entstof hê en minder as 50% in Ethiopië. Die grootste weerstand is weens kommer oor die veiligheid en die nadelige newe-effekte van die entstowwe. – [email protected]

Soortgelyk

 

Lelies begin Sondag blom

10 ure gelede | Omgewing

Belangstellendes kan Sondag weer die lelieskouspel op die plaas Sandhof naby Maltahöhe bewonder wanneer die blomme na verwagting in die kleipan sal begin blom. Die...

Nóg reën word voorspel

10 ure gelede | Weer

Henriette Lamprecht – Met die weerprofete wat nóg reën voorspel, is dit veral die suidelike en sentrale gedeeltes van Namibië wat juig oor hul reënmeters...

Oranje: Oorstromings ‘haas onafwendbaar’

10 ure gelede |

Ronelle Rademeyer – ’n Volgende vloedgolf is in die Benede-Oranjerivier op pad en oewerboere is volgens berigte in die Suid-Afrikaanse media gewaarsku oorstroming lyk nou...

Weer vir 20 Januarie 2021

10 ure gelede | Weer

WEERWAAK: Tref voorsorg teen wyd verspreide donderbuie.BINNELAND: Gedeeltelik bewolk en warm in die Namib en die Zambezi- en Omaheke-streke met enkele buie. Elders bewolk en...

Reën beskadig tente by Havana-projekskool

10 ure gelede | Ministeries

Jeanette Diergaardt – Die Havana Sekondêre Projekskool het gister reënskade gehad nadat reënbuie die aand tevore in die hoofstad uitgesak het. Volgens die onderwysers wat...

Boer oorleef ná windpompstaaf hom deurboor

10 ure gelede | Misdaad

Ronelle Rademeyer – ’n Boer van Gobabis is na bewering Maandagnag op sy plaas deur die stiefseun van een van sy werkers ingewag en toe...

Uitspraak vandag oor omstrede skietvoorval

10 ure gelede | Howe

Augetto Graig – Landdros Taboka Mopipi lewer vanoggend om 08:30 in die hof op Kasane in Botswana uitspraak in die geregtelike nadoodse ondersoek na die...

Toeristegetalle styg in 2021

10 ure gelede | Toerisme

Henriette Lamprecht – Die aantal toeriste wat Namibië verlede jaar besoek het, het met 37,1% teenoor dié van 2020 gestyg. Verlede jaar het 'n totaal...

Swakop-skool onderskei tussen ontgroening en oriëntering

10 ure gelede | Ministeries

Adam Hartman op Swakopmund – Karakterbou, dissipline en akademiese prestasie word as agtenswaardige uitkomste vir die oriëntasie van nuwe leerlinge beskou, terwyl praktyke wat fisieke...