Gesonde leefstyl, gesonde longe

Tot 40% van afval is sigaretstompies

14 May 2019 | Gesondheid
Henriette Lamprecht – Tabakafval bevat meer as 7 000 giftige chemikalieë wat die omgewing besoedel en karsinogene insluit.

Tabakrook dra tot die vrystelling van duisende tonne karsinogene, gifstowwe en kweekhuisgasse in die omgewing by.

Daarmee saam is tabakafval die grootste vorm van afval wêreldwyd.

Tot 10 miljard van die 15 miljard sigarette wat daagliks wêreldwyd verkoop word, word in die omgewing agtergelaat.

Dít volgens die Wêreldgesondheidsorganisasie (WHO) se eerste verslag oor die impak van rook op die omgewing en die natuur.

Namibië is toegewy aan die 2030 Agenda vir Volhoubare Ontwikkeling, wat ten doel het om wêreldvrede te bevorder en armoede uit te wis.

Sleutelelemente sluit in die implementering van die Wêreldgesondheidsorganisasie (WHO) se raamwerkkonvensie vir tabakbeheer en om voortydige sterftes weens nie-oordraagbare siektes, soos hart- en longsiektes, kanker en diabetes, teen 2030 met ’n derde te verminder.

Tussen 30% en 40% van alle items, wat tydens skoonmaakveldtogte in stede en in kusgebiede opgetel word, is sigaretstompies.

Volgens die verslag bedreig tabak alle mense, asook ontwikkeling op streek- en nasionale vlak.

Sowat 860 miljoen volwasse rokers bly in lae- en middelinkomstelande.

Verskeie studies toon in die armste huishoudings verteenwoordig besteding aan tabakprodukte dikwels meer as 10% van die totale huishoudelike uitgawes, wat minder geld vir kos, gesondheidsorg en opvoeding laat.

Tussen 10% en 14% van kinders uit gesinne wat tabak verbou, is afwesig van skool omdat hulle in die tabakvelde werk.

Sowat 70% van werkers op tabakplase is vroue, wat dus dikwels direkte kontak met giftige chemikalieë het.

Volgens die verslag dra tabak wêreldwyd tot 16% van alle sterftes weens nie-oordraagbare siektes by.

Namibië is een van die lande wat die WHO se raamwerkkonvensie vir tabakbeheer ten volle geïmplementeer het, wat onder meer op beleidsrigtings vir tabakbeheer en wetgewing fokus.

Die WHO beraam meer as sewe miljoen mense sterf jaarliks weens tabakgebruik met meer as 80% van rokers wat in lae- en middelinkomstelande woon, insluitende Afrika suid van die Sahara.

Tog is daar steeds veral lande in die Suider-Afrikaanse Ontwikkelingstreek (SADC) wat wetgewing oor tabakgebruik moet uitvaardig.

Volgens huidige inligting is kinders van 13 tot 15 jaar en jongmense van 18 tot 24 jaar die fokus van veldtogte om tabakgebruik te pak.

Bydraende faktore wat mense aanmoedig om te begin rook, sluit in groepsdruk, armoede en leefstylkeuses.

Die WHO stel voorts hoë belasting op tabakprodukte voor, wat net werk wanneer die verkoop van enkel- of los sigarette verbied word.

Namibië se wet op die beheer van tabakprodukte verbied nie die verkoop van los sigarette nie, wat oënskynlik die algemeenste manier is waarop die Namibiese jeug toegang tot sigarette in nedersettings en landelike gebiede kry.

Hoewel die verbod aanvanklik deel van die wetsontwerp was, het parlementslede gevoel dit sou tot nadeel van arm landelike jeugdiges wees, wat ‘n inkomste uit die verkoop van los sigarette verdien.

In die lig van Internasionale Antirookdag, wat op 31 Mei gevier word, sê die Kankervereniging van Namibië (CAN) longkanker is een van die kankers met die hoogste sterftesyfer onder beide mans en vroue in die land.

Buiten kanker sluit ander gesondheidsrisiko’s wat met tabakgebruik verband hou swak bloedsomloop, hartsiektes, hoë cholesterol en angs in.

CAN sê studies toon e-sigarette is ook nie so gesond as wat aanvanklik voorgehou is nie.

Die vereniging het verskeie internasionele riglyne en programme gevolg en ‘n program van 20 weke (drie maande) ontwikkel in ‘n poging om Namibiërs te help om op te hou rook.

Rokers wat die gewoonte graag wil laat vaar, kan CAN by [email protected] kontak om ‘n kopie van die program te kry.

Soortgelyk

 

B-dag: Maak of breek

8 ure gelede | Regering

Jo-Maré Duddy – Dolleë staatskoffers eerder as hemelhoë besteding is waarskynlik finansminister Iipumbu Shiimi se grootste uitdaging wanneer hy vanmiddag Namibië se moeilikste begroting sedert...

Stigma jeens lorriedrywers kwel

8 ure gelede | Vervoer

Ronelle Rademeyer en Francoise Steynberg – Lorriedrywers wat Namibië van noodsaaklike lewensmiddele voorsien en seker maak produkte bly op winkelrakke, bevind hulle terselfdertyd aan die...

‘Hongerpandemie’ lê vir wêreld op loer

8 ure gelede | Byvoegsels

Ronelle RademeyerDie wêreld se ekonome en beleidmakers twyfel nie meer daaraan dat die wêreldekonomie weens die Covid-19-krisis in ’n resessie gedompel gaan word nie. Trouens,...

Weer vir 27 Mei 2020

8 ure gelede | Weer

BINNELAND: Koud aanvanklik, maar andersins gedeeltelik bewolk en matig in die Suide. Elders sal dit gedeeltelik bewolk en matig tot warm wees.KUS: Gedeeltelik bewolk en...

Polisie lê beslag op sestig bokse vol drank

8 ure gelede | Misdaad

Francoise Steynberg – Die Namibiese polisie het Maandag knap ná middernag in Pionierspark op 60 bokse drank beslag gelê.Drie verdagtes is in hegtenis geneem, het...

Chaos toe jonges op vulstasie afpyl

8 ure gelede | Ongelukke

Drie jong mans wie se name in dié stadium onbekend is, het op 23 Mei om 01:00 'n ongeluk by die Total-vulstasie in Outjo veroorsaak...

Stappe by Covid-drywer se stoppe

8 ure gelede | Gesondheid

Leandrea Louw en Denver Kisting – 'n Handelsbank op Walvisbaai wat 'n Covid-19-geval onlangs besoek het, sê hulle het die personeel van daardie dag vervang...

Etosha Sondagmiddag deur aardbewing geskud

8 ure gelede | Ongelukke

Ronelle Rademeyer - ’n Aardbewing van 4,7 op die Richterskaal het Sondag om 16:42 in die Etosha nasionale park voorgekom.Me. Gloria Simubali, adjunk uitvoerende direkteur...

Medelye stroom in vir man wat aan Covid-19 sterf

8 ure gelede | Gesondheid

Ronelle Rademeyer – Medelye stroom glo in vir die familie van die Namibiër wat Saterdag in Nottingham, ­Engeland, aan die coronavirussiekte (Covid-19) dood is.Die minister...