Gertze skiet glo vrou

18 November 2019 | Misdaad
Henriette Lamprecht – Die uitvoerende hoof van die Namibiese Kwalifikasieowerheid (NQA) het die naweek agter tralies deurgebring nadat hy na bewering sy vrou Saterdag in die vroeë oggendure met ’n geweer geskiet het.

Die 55-jarige mnr. Franz Gertze, ’n oudonderwyser en pastoor, het glo verskeie skote op sy vrou, Annitha (29), in hul slaapkamer by hul huis in Scheppmannstraat, Pionierspark uitbreiding 1, afgevuur. Teen druktyd was haar toestand stabiel.

Volgens 'n Namibiese polisiewoordvoerder, hoofinspekteur Kauna Shikwambi, het die voorval omstreeks 00:30 Saterdag gebeur. Annitha is glo verskeie kere getref en in ’n ernstige toestand deur Gertze self na die Rooms-Katolieke Hospitaal in Windhoek geneem.

Volgens Shikwambi het Gertze gesê hy het inbrekers in die huis gehoor en gevolglik die skote met die 7.7 mm-geweer in die slaapkamer afgevuur. By nadere ondersoek kon die polisie egter geen teken van enige inbraak in die huis vind nie. Die geweer is wel in die huis gevind.

Volgens Shikwambi is ook ’n pistool in Gertze se motor gevind, terwyl die polisie op ’n selfdoodnota wat glo deur Gertze geskryf is, in die huis afgekom het.

Sy het voorts gesê sy weet nie hoeveel skote Gertze glo afgevuur en hoeveel daarvan Annitha getref het nie.

“Ek is nie seker of dit ses is nie, net ’n doktersverslag sal dit kan bevestig,” het sy gesê.

Volgens Shikwambi was Annitha teen druktyd gister “uit die teater en in ’n stabiele toestand”.

Gertze verskyn vandag in die hof op ’n klag van poging tot moord saamgelees met die wet op huishoudelike geweld, asook die nalatige afvuur van ’n vuurwapen.

Annitha is die eienaar van Bliss Escape Spa en die egpaar het twee jong kinders.

Gertze het op verskeie rade van die Namibiese Opleidingsowerheid (NTA), die Finansiële Hulpfonds vir Namibiese Studente (NSFAF), die Namibiese Instituut vir Openbare Administrasie en Bestuur (Nipam), asook die Nasionale Raad vir Hoër Onderrig (NCHE) gedien. – [email protected]

Soortgelyk

 

Vyf adjunkministers besoek Walvisbaai

14 ure gelede | Regering

Leandrea Louw – 'n Hoëvlakafvaardiging wat uit vyf adjunkministers bestaan, is tans in Walvisbaai op 'n ter plaatse besoek aan die Erongostreek en in veral...

Privaatskole bloei ook

14 ure gelede | Onderwys

Henriette Lamprecht – Privaatskole in Namibië onder die vaandel van die Namibië Privaatskole Organisasie (Napso) het tussen 5% tot 20% van hul skoliere direk vanweë...

Meer as 60 herstel van Covid-19

14 ure gelede | Gesondheid

Henriette Lamprecht – Die minister van gesondheid en maatskaplike dienste (MoHSS), dr. Kalumbi Shangula, sê die aantal bevestigde ­Covid-19-gevalle het met 36 tot 1 402...

Die weer vir 23 Julie 2020

14 ure gelede | Weer

WEERWAAK: Ooswindtoestande sal vir die res van die week oor die Namib en kusgebiede voortduur. BINNELAND: Koud in die oggend, andersins sonnig en matig tot...

Werknemers in lugvaart ruk op oor griewe

14 ure gelede | Arbeid

Werknemers van Air Namibia en die Namibië Burgerlugvaartowerheid (NCAA) het gister saam met eweknieë van die Namibiese Kajuitpersoneelunie (NCCU) en die Namibiese Vervoer- en Verwante...

Esau en skoonseun bly in tjoekie

14 ure gelede | Misdaad

Jemima Beukes – Landdros Duard Kesslau het gister in die Windhoek-landdroshof gesê die oudminister van visserye en mariene hulpbronne, mnr. Bernhard Esau, en sy skoonseun,...

Universiteite skud hul vere reg

14 ure gelede | Onderwys

Kristien Kruger – Verteenwoordigers van verskeie tersiêre instellings was laasweek aan die woord by die Covid-19-kommunikasiesentrum in die hoofstad om te gesels oor hul gereedheid...

Psemas-tender uitgestel

14 ure gelede | Gesondheid

Henriette Lamprecht – Die Sentrale Verkrygingsraad van Namibië (CPBN) het 'n tegniese komitee saamgestel om die kriteria in die standaardtenderdokument, om die staat se mediese...

Daniele Ferrari môre gegroet

14 ure gelede | Misdaad

Ronelle Rademeyer - Die Windhoekse sakeman mnr. Daniele Ferrari (52) wat in die bou- en konstruksiebedryf ’n geliefde en gerespekteerde figuur was, word môre om...