Geliefde oudonderwyser word 99

11 July 2019 | Mense
Francoise Steynberg - ’n Geliefde oudonderwyser van Windhoek Hoërskool (WHS), me. Maria (Pottie) Neethling, het op 7 Julie 99 jaar oud geword.

Neethling het van 1962 af tot haar aftrede in 1985 onder meer Afrikaans en wetenskap by WHS gegee met duisende leerlinge wat deur haar bekwamde onderwyshande is.

“Die Here is oneindig goed vir my. Ek is gesond en voel baie goed,” het sy in haar woonstel in die Schanzen-oord gesê, terwyl sy besig was om ’n poeding vir die inwoners te maak.

Neethling is op 7 Julie 1920 op Humansdorp gebore en het op Patensie in die Gamtoosvallei van Suid-Afrika grootgeword.

Sy het op Humansdorp skoolgegaan en op Graaff-Reinet onderwys studeer.

Haar eerste onderwyspos was op Hofmeyr waar sy ook haar man, mnr. Severus Neethling, ontmoet het. Hulle is in 1948 getroud en onderwys was hul albei se roeping. Nadat haar man in 1992 oorlede is, het sy steeds in hul huis in Bachstraat in Windhoek-Wes aangebly tot sy in 2013 na die Schanzen-oord getrek het.

“Ek bly baie lekker hier in Schanzen-oord.”

Neethling bestuur nog self haar motor, “maar ek ry nie meer dorp toe nie, net om die draai Checkers toe”.

Met boekrakke wat onder die boeke in haar woonstel kreun, beklemtoon sy sy is versot op lees en vul graag blokkiesraaisels in.

In haar jonger dae het sy ook gaag naaldwerk gedoen en wys na die langbroek wat sy self gemaak het. Neethling het ook oorsee gereis en vertel hoe sy Helsinki in die lente geniet het.



’n Voormalige departementshoof van WHS, mnr. Danie Knoetze, sê tannie Pottie is “’n mens uit een stuk, iemand wie se karakter onbesproke is”.

Hy ken haar al van sy laerskooldae af.

“Tannie Pottie is die toonbeeld van ’n ware onderwysmens, iemand wat ná 99 jaar op aarde ’n baie spesiale skepsel uit die hand van God is,” het Knoetze gesê.

“Tannie Pottie, ons salueer iemand baie spesiaal en glo God sal u nog baie lank in Sy Vaderhand vashou,” is sy wense aan haar.

Soortgelyk

 

Andjaba nuwe onderwysminister

6 ure gelede | Onderwys

Denver Kisting – Pres. Hage Geingob het vandag vir amb. Martin Andjaba, die minister van presidensiële aangeleenthede, as waarnemende minister van onderwys, kuns en kultuur...

Maak jou stem dik

23 ure gelede | In beeld

Tanja Bause - Die aanvullende registrasieproses vir vanjaar se verkiesing het Maandag afgeskop en sal tot 27 Julie voortduur.By talle registrasiepunte het dinge stadig uit...

Katrina gee bes

23 ure gelede | Ministeries

Denver Kisting – Te midde van groot openbare druk het Katrina Hanse-Himarwa gistermiddag die tuig neergelê as minister van onderwys, kuns en kultuur.Kort nadat die...

Kolonel en kie stroop glo wild

23 ure gelede | Howe

Francoise Steynberg - ’n Weermagkolonel en ’n instrukteur by ’n beroepsopleidingsentrum is Maandag op borgtog van N$5 000 elk vrygelaat nadat hulle daarvan beskuldig is...

Weer vir 10 Julie 2019

23 ure gelede | Weer

BINNELAND: Sonnig en warm tot baie warm in die Noorde. In die binneland sal dit winderig wees met sandstorms oor die Namib.KUS: Sonnig en baie...

Net 26,7% water in damme oor ...

23 ure gelede |

Elvira Hattingh - Damme in Namibië het in totaal net 26,7% of 186,820 Mm³ (miljoen kubieke meter) water oor.Dít in vergelyking met dieselfde tyd verlede...

UPM wil Baster-grondeis instel

23 ure gelede | Politiek

Die United People’s Movement (UPM) het bevestig pogings is aangewend om ’n grondeis in te stel vir grond wat tydens die Duitse, Suid-Afrikaanse en Swapo-regering...

Namibiërs eersdaags met die maan gepla

23 ure gelede | Tegnologie

Elvira Hattingh - Voor die 50ste gedenkjaar sedert die maanlanding wêreldwyd op 20 Julie gevier word, gaan die maan eers ‘n besonderse vertoning vir aardlinge...

Een uit tien voltooi nie laerskoolopleiding

23 ure gelede | Onderwys

Henriette Lamprecht – Sou dinge voortgaan soos nou gaan een uit elke tien kinders in Afrika suid van die Sahara nie hul laerskoolopleiding teen 2030...