Geld lóóp vir viskwotas

28 August 2020 | Visserye
Jo-Maré Duddy



Die regering het gister bykans N$627,94 miljoen met die veiling van viskwotas ingewin.

Dié bedrag, wat aansoekfooie insluit, is amper dubbel as wat die regering sou kry indien die viskwotas teen reserwepryse verkoop is.

“Dit is nou sonder twyfel bewys dat die regering die regte besluit geneem het om die mark te toets om die werklike waarde van sy visbronne te bepaal,” het die minister van finansies, mnr. Iipumbu Shiimi, in 'n verklaring gesê.

Die geld gaan aansienlik help om vir die regering se prioriteitsprojekte te betaal, het Shiimi gesê. Dié projekte sluit in verbeterde sanitasie, koshuisgeriewe en “ander uitgawes” wat deur Covid-19 vererger is, aldus die minister.

Die suksesvolle bieërs moet op die laaste Maandag teen 15:00 die verskuldige geld in die staatsinkomsterekening by die Bank of Namibia (BoN) inbetaal.

Die opbrengs van die veiling sal in die halfjaar-begrotingshersiening ingesluit word, het Shiimi gesê.



Vissoorte

Sestig present van die totale 11 000 ton stokvis beskikbaar is op 'n ope veiling teen 'n reserweprys van N$7 700 per ton aan Namibies geregistreerde maatskappye en internasionale maatskappye aangebied. Die oorblywende 40% was eksklusief vir Namibies geregistreerde maatskappye.

Die stokvisveiling het in totaal sowat N$164,6 miljoen opgelewer. Dieselfde voorwaardes het vir die 72 000 ton marsbanker op veiling gegeld, buiten dat die reserweprys N$3 500 per ton was.

In totaal is bykans N$457,8 miljoen uit die marsbankerveiling gemaak. Namibies geregistreerde en internasionale maatskappye kon vir 392 ton monnikvis bie. Die reserweprys was N$7 700 per ton. Sowat N$5,45 miljoen is met dié veiling geïn.

 - [email protected]

Soortgelyk

 

Geingob onder skoot oor ‘wit’ opmerkings

9 ure gelede | Politiek

Denver Kisting – Die leier van die amptelike opposisie, mnr. McHenry Venaani, sê wat pres. Hage Geingob die afgelope naweek oor wit mense kwytgeraak het,...

Verskeie daaglikse vlugte binnekort na SA

9 ure gelede | Vervoer

Ronelle Rademeyer – FlyWestair en Airlink, die private Namibiese en Suid-Afrikaanse rederye, het tot reisigers se redding gekom en gaan die leemte aan direkte, geskeduleerde...

Skone Lira bemark Namibië

9 ure gelede | Toerisme

Die Suid-Afrikaanse sangeres Lira, wat die inperking in Namibië deurgebring en uitgebreide verkenningsreise in die land onderneem het, is deur die Federasie van Namibiese Toerismeverenigings...

Weer vir 19 Oktober

9 ure gelede | Weer

BINNELAND: Gedeeltelik bewolk en bloedig warm in die Ooste. Elders sal die sonnig wees en baie warm tot bloedig wees. KUS: Gedeeltelik bewolk en koel...

Verdagte panga-rowers in hegtenis

9 ure gelede | Misdaad

Kristien KrugerVolgens ’n Namibiese polisieverslag is sewe mans in hegtenis geneem in verband met ’n aantal gewapende rooftogte in Windhoek.Die mans het hulself glo die...

Massavrekte van robwelpies ondersoek

9 ure gelede | Omgewing

Elvira Hattingh – ’n Ondersoekspan het begin om ongewone vrektes onder Kaapse pelsrobbe te ondersoek nadat klaarblyklik duisende wyfies vanjaar hul welpies teen die Namibiese...

Vier ton vis by Swakoppoort gekonfiskeer

9 ure gelede | Misdaad

Ronelle Rademeyer en Kristien Kruger – Sowat vier ton gedroogte vis en groot hoeveelhede visnettte en vislyn, asook die vlotte wat gebruik is om dit...

Stigma rondom Covid-19 neem af

9 ure gelede | Gesondheid

Jana-Mari Smith – Die normalisering van Covid-19 die afgelope jaar het veroorsaak dat stigmatisering weens die coronavirus besig is om af te neem, maar kenners...

Duitsland steun nasionale parke

9 ure gelede | Omgewing

Francoise SteynbergNóg 'n mylpaal is vir omgewingsbewaring behaal met die Duitse regering deur KfW wat sedert 2006 sowat N$1,4 miljard (75,5 euro) in Namibiese nasionale...