Geingob 'skend skeiding van magte'

President voor stok oor CoW

31 January 2019 | Regering
Denver Kisting



Pres. Hage Geingob was nie gister by magte om by die tugoptrede van die Windhoekse stadsraad (CoW) betrokke te raak nie.

Prof. Nico Horn, 'n regsdosent en grondwetkenner, het gesê: “Nee, (hy mag dit nie doen nie). Ons almal se magte is beperk. Die president kan hoogstens versoek.”

Horn het benadruk die plaaslike regering “val immers nie direk onder die uitvoerende gesag nie”.

Kragtens artikel 1 van die Grondwet bestaan die drie regeringsorgane uit die uitvoerende gesag (die president en die kabinet), die wetgewende liggame (die Nasionale Vergadering en die Nasionale Raad) en die regbank (die howe).

Op 'n vraag of die staatshoof se optrede neerkom op 'n skending van die grondwetlike skeiding van pligte, het Horn gesê: “Sekerlik so.”

Geingob het CoW-raadslede gister vir die tweede opeenvolgende dag na Staatshuis ontbied.

Tydens gister se byeenkoms het hy hulle beveel om die geskorste hoof van die stadspolisie, mnr. Abraham Kanime, weer aan te stel.

Daarnaas het Geingob gesê die klagte teen die uitvoerende hoof, mnr. Robert Kahimise, oor wie se kop sedert verlede jaar 'n swaard hang, moet onmiddellik laat vaar word.

'n Leier van die Popular Democratic Movement (PDM), mnr. Nico Smit, het geen doekies omgedraai nie.

“Die president meng in by basiese indiensnemingskwessies, wat hoogs onaanvaarbaar en onreëlmatig is – onvanpas vir 'n president.”

Smit wou voorts weet wat gaan van die beweringe van korrupsie teen die twee munisipale amptenare word.

“Dié is 'n duidelike verkiesings-'ploy' – benoude katte maak benoude spronge!”

Toe Republikein gister kort voor middagete met Kanime praat, het hy gesê hy het tot in daardie stadium geen woord van die CoW oor die jongste verwikkelinge gehoor nie.

“Ek het in die sosiale media daarvan uitgevind.”

Kahimise het onderneem om terug te skakel, maar het teen druktyd nog nie daardie belofte nagekom nie.



Geingob krabbel terug

Volgens die presidensiële woordvoerder, dr. Alfredo Hengari, het Geingob gemaan teen nimmereindigende onmin en CoW beveel, van raad bedien en aangemoedig om, binne die raamwerk van die reg, die binnenshuise gemors op te los.

Dít sal in belang wees van dienslewering, lui 'n verklaring wat Hengari laat gistermiddag uitgereik het.

Die segsman sê Geingob is 'n vurige verdediger van die oppergesag van die reg en sy kommentaar moet op geen manier gesien word as 'n opdrag om daardie gesag te verontagsaam nie.

“Trouens, die president het binne sy morele gesag en leiding in die vergadering beklemtoon maniere moet binne wetlike beperkinge gevind word om 'n einde aan dié teenproduktiewe skorsings te maak.”

Hengari sê voorts 'n sosialemediaplasing waarin beweer word Geingob het ook gelas die klagte teen mnr. Dimbulukeni Nauyoma moet teruggetrek word, is onwaar.

“Fopnuus. Dit is verkeerd.”

Dié plasing is deur Nauyoma se kollega, mnr. Job Amupanda, van die Regstellende Herposisioneringsbeweging (AR), gemaak.

Nauyoma is onlangs daarvan be­skuldig dat hy ingemeng het met die werksaamhede van die owerhede toe hulle besig was om teen beweerde onwettige plakkers op te tree.

Soortgelyk

 

Houtskoolbedryf sien enorme groei

1 dag gelede | Landbou

Elvira Hattingh op Otjiwarongo - Die Namibiese houtskoolbedryf het 'n "ontploffing in houtskoolproduksie" die afgelope jaar ervaar en 'n groei van 33% in een jaar...

Lodge, besigheid beroof – sewe vas

1 dag gelede | Misdaad

Henriette Lamprecht – Sewe verdagtes was gister reeds agter tralies nadat hulle by twee verskillende inbrake in die Omahekestreek betrokke was. Een van die inbrake...

Tolpaaie dalk op pad

1 dag gelede | Vervoer

font face="Verdana" >Catherine Sasman - Die Padfondsadministrasie (RFA) beoog om die lewensvatbaarheid van tolpaaie in Namibië te ondersoek.Dít as ’n moontlike bykomende bron...

Grondwet praat jou taal

1 dag gelede | Howe

Denver Kisting – Dit is belangrik dat die oppergesag van die land, die Grondwet, toeganklik is vir Jan en San Alleman.Alle wette in Namibië is...

Agterstallige pos glo nie NamPost se skuld

1 dag gelede | Ministeries

Catherine Sasman – Volgens NamPost is die agterstand in die aflewering van pos en pakkies nie sy skuld nie, maar wel die Suid-Afrikaanse Internasionale possentrum...

Weer vir 9 Augustus

1 dag gelede | Weer

BINNELAND: Gedeeltelik bewolk en warm in die Suide, maar baie tot bloedig warm in die Noorde.KUS: Gedeeltelik bewolk en matig tot warm met miskolle in...

Nou aan die gang

1 dag gelede | Kuns en vermaak

» Vanaand is die immergewilde Windhoek City Market weer in die hoofstad. Geniet ’n onbeperkte vonkelwynproe van verskeie wynkelders uit Suid-Afrika se produkte. Dié mark...

Klei en keramiek by negende biënnale

1 dag gelede | Kuns en vermaak

Die Pottebakkersvereniging van Namibië (PAN) se 9de Keramiek Biënnale word eersdaags by die Nasionale Kunsgalery van Namibië (NAGN) aangebied sal word. Die geleentheid is die...

N$150 miljoen vir landskapbestuur

1 dag gelede | Ministeries

Die ministerie van die omgewing en toerisme en die Nasionale Beplanningskommissie van Namibië het Woensdag ’n ooreenkoms met die Verenigde Nasies se Ontwikkelingsprogram (UNDP) onderteken,...