Geingob sê oor grondbelasting

Waardeerder gee nie bes

07 March 2018 | Howe
Denver Kisting



President Hage Geingob het gistermiddag by monde van sy woordvoerder, dr. Alfredo Hengari, gesê hy glo in die onafhanklikheid van die regbank en die oppergesag van die reg.

“Hierdie is die hoofpilare van ons grondwetlike demokrasie.”

Dít was die president se eerste reaksie ná die adjunk-waardeerder-generaal, mnr. Protasius Thomas, se omstrede uitlatings oor 'n onlangse grondbelastinguitspraak.

Thomas het gister gesê hy volstaan by sy vroeë uitlatings dat die adjunk-regter-president Hosea Angula homself van die grondbelastingsaak moes verskoon.

Volgens Thomas is sy mening geen aanval op die regbank nie, maar hy het dit teen 'n regter wat na bewering te midde van 'n botsing van belange op die bank gebly het.

“Ons is nie teen die regbank nie. Maar ek ken die basiese reg.

“As ek weet dat ek belange het wat 'n botsing van belange meebring, kan ek nie (by 'n saak) betrokke wees nie.”

Thomas het verlede week onder skoot gekom toe die genootskap van advokate 'n beroep op president Hage Geingob gedoen het om homself, namens die regering, van Thomas se uitlatings te distansieer.

Die balie voer aan Thomas ondermyn die grondwetlike onafhanklikheid van die regbank.

Luidens 'n sterk bewoorde verklaring van die balie is Thomas se aanmerkings, wat hy verlede week tydens 'n ontbytprogram op nasionale televisie gemaak en intussen aan Republikein herhaal het, 'n ongeoorloofde aanval op die integriteit van 'n regter.

Ondanks 'n hofbevel wat die betaling van grondbelasting uitstel, is daar boere wat reeds hul opgawes ingedien en betaal het.

Só sê die adjunk-waardeerder-generaal, mnr. Protasius Thomas. Trouens, het Thomas gistermiddag gesê, dié boere het reeds sowat N$1,4 miljoen se grondbelasting betaal. Hy sê die ministerie van grondhervorming “het nie die reg om vir boere te sê om nie te betaal nie”.

Dié bedrag is egter 'n druppel in die emmer van die meer as N$80 miljoen wat Thomas aanvoer die regering tydelik aan belastinggeld verbeur.

Mnr. Ryno van der Merwe, president van die Namibië Landbou-unie (NLU), sê daar is sowat 1 800 boere wat beswaar gemaak het teen die grondwaardasies op grond waarvan hulle vir grondbelasting aangeslaan word.

“Ons weet egter daar is boere wat gesê het hulle gaan die belasting wat hulle teen 30 Maart aan die regering verskuldig is, nou betaal. Hoeveel (daar van) hulle is, weet ons egter nie,” het hy by navraag gesê.

Intussen het Thomas gister gesê advertensies wat vandeesweek in die media verskyn het waarin boere opnuut daaraan herinner word om teen 30 Maart hul grondbelasting te vereffen, is 'n oorsig en nie minagting van die hofbevel nie. Hy sê die advertensies is, soos aangedui, reeds in November 2017 uitgereik, en is egter nie sedertdien gekanselleer nie.

Thomas het verlede week gesê die hofuitspraak wat die betaling van grondbelasting ten bedrae van nagenoeg N$80 miljoen uitstel, plaas grondhervorming op die spel.

Regter Angula het in Februarie gelas grondbelasting mag nie gehef word nie weens die vermeende onregmatigtighede van en ongerymdhede met die berekening van grondwaardes, en die redelike veronderstelling dat boere daardeur skade sal ly.

Hy het 'n interdik uitgereik teen enige aanslag van grondbelasting op kommersiële landbougrond wat ingevolge die omstrede voorlopige hoofwaardasierol van 1 April 2012 betaalbaar is. Dit is hangende hersieningsprosedures oor besware wat verlede jaar in die waardasiehof aangeteken is.

Soortgelyk

 

ACC soek vir Rooies

2 ure gelede | Misdaad

Denver Kisting - Die Teenkorrupsiekommissie (ACC) het Maandagmiddag ’n verklaring uitgereik waarin hy die publiek vra om te help om die oudlanddros, mnr. Rooies Mostert,...

Ma, seun van Reho in hof ná tref-en-trap

7 ure gelede | Howe

Denver Kisting – ’n 45-jarige ma van Rehoboth verskyn na verwagting vandag saam met haar tienerseun in die landdroshof op dié dorp.Dít kom nadat die...

Hondelewe vir stropers

17 ure gelede | Ministeries

Francoise Steynberg op Waterberg - Pas ná die ministerie van die omgewing en toerisme met die opleiding van hul honde-eenheid teen stropery begin het, het...

NBC verdrink in skuld

17 ure gelede | Tegnologie

Augetto GraigDie voortslepende arbeidsgeskil by die nasionale uitsaaier (NBC) besorg mnr. Stanley Simataa, minister van inligting en kommunikasietegnologie, hoofbrekens, het hy gesê. “Die NBC verdrink...

PDM beraadslag oor grond

17 ure gelede | Politiek

Augetto Graig - Die nasionale uitvoerende komitee van die amptelike opposisieparty, die Popular Democratic Movement (PDM), het Vrydagaand in voorbereiding op die komende nasionale grondkonferensie...

Weer vir 14 September 2018

17 ure gelede | Weer

BINNELAND: Meestal sonnig en baie warm. KUS: Gedeeltelik bewolk en koud tot matig met miskolle in die oggend op plekke. GETYE BY...

Noodvoedselbank vir hospitale sonder kos

17 ure gelede | Gesondheid

Henriette Lamprecht – ‘n Noodvoedselbank is in die Erongostreek geskep as ‘n tydelike oplossing vir die voedseltekorte wat tans in alle staatshospitale in die streek...

Hoop vir die wilde perde

17 ure gelede | Omgewing

Die wilde perde by Garub in die Suide is ’n vulletjie ryker. Volgens ’n verklaring van die Namibië Wildeperdestigting is die vulletjie se trotse ouers...

Namibiërs trotseer Bolivia se pieke

17 ure gelede | Mense

Elvira Hattingh - Twee kleinneefs, mnre. Gerhard Jacobs en Harmen Potgieter, het onlangs uit Bolivia teruggekeer nadat hulle van die eerste Namibiërs geword het om...