Geingob: 2017 was moeilik
Pres. Hage Geingob het sy ministers vermaan om nie oorgerus te raak en te verval in onvolhoubare bestedingsgewoontes nie.
Estelle de Bruyn
Die jaar 2017 was op ekonomiese gebied 'n moeilike jaar.
So het pres. Hage Geingob verlede Donderdag met die amptelike opening van die kabinet gesê.
Hy sê soos ander lande in die streek en ook internasionaal, is Namibië met stormagtige ekonomiese winde gekonfronteer wat die land se vermoë om sy strategiese planne in werking te stel, in die wiele gery het.
“Dit is egter bemoedigend, soos ons in Desember 2017 gesê het, dat goeie vordering gemaak is om die fiskale situasie in die land te stabiliseer, wat 'n voorvereiste vir volhoubare ekonomiese ontwikkeling is.
“Ons het ook moeilike besluite geneem om sommige van die diepste bestedingsinkortings sedert onafhanklikwording te maak. Tot 'n sekere mate het hierdie beheer van uitgawes ons ekonomie en sakesektor seergemaak, veral diegene wat grootliks van staatskontrakte afhanklik is. Om die lot van die konstruksie- en die klein- en mediumsakesektor te verlig, het ons aan die einde van Julie verlede jaar onderneem om alle uitstaande rekeninge van die 2016-'17-boekjaar te betaal.
“Soos die regering nadink oor hoe om diverse en inklusiewe groei te verseker, gegrond op fiskale omsigtigheid en volhoubaarheid om die ekonomiese storms die hoof te bied, is ek van mening daar is 'n behoefte vir entrepreneurs in ons land om hul sakemodelle te diversifiseer.
oorgerustheid
“Sterker ekonomiese groei en sigbare tekens van verbetering moenie tot oorgerustheid en verval in onvolhoubare bestedingsgewoontes lei nie. Een ding wat seker is, is dat ekonomiese krisisse siklies en herhalend is,” het Geingob gesê.
Hy het gesê lewenskragtige ekonomiese groei is belangrik om met welslae onvoorspelbare gebeure die hoof te bied.
Volgens Geingob is die sleutel hiervoor die handhawing van fiskale soewereiniteit deur die uitwissing, of minstens die vermindering, van verkwistende besteding, die voorkoming van die aangaan van duur skuld en die bou van 'n voldoende fiskale en reserwe buffer om, in geval van die onvoorsiene gebeure, tussenbeide te tree.
Hy sê ontwikkeling vereis volhoubare pogings oor 'n tydperk. Om hierdie rede het die regering groot beleggings in kritieke sektore gemaak.
Dit sluit in staatsbestuur en die prestasie-bestuurstelsel; die versterking van die fiskale raamwerk; gehalte-beroepsonderrig en opleiding om werkloosheid onder die jeug aan bande te lê; bykomende maatreëls vir armoedevermindering; die versterking van maatreëls om geweld teen vroue en kinders te bekamp, beleggings in openbare gesondheid, insluitende maatreëls om sterftes van moeders en babas te verminder en die opgradering van die infrastruktuur.
Die jaar 2017 was op ekonomiese gebied 'n moeilike jaar.
So het pres. Hage Geingob verlede Donderdag met die amptelike opening van die kabinet gesê.
Hy sê soos ander lande in die streek en ook internasionaal, is Namibië met stormagtige ekonomiese winde gekonfronteer wat die land se vermoë om sy strategiese planne in werking te stel, in die wiele gery het.
“Dit is egter bemoedigend, soos ons in Desember 2017 gesê het, dat goeie vordering gemaak is om die fiskale situasie in die land te stabiliseer, wat 'n voorvereiste vir volhoubare ekonomiese ontwikkeling is.
“Ons het ook moeilike besluite geneem om sommige van die diepste bestedingsinkortings sedert onafhanklikwording te maak. Tot 'n sekere mate het hierdie beheer van uitgawes ons ekonomie en sakesektor seergemaak, veral diegene wat grootliks van staatskontrakte afhanklik is. Om die lot van die konstruksie- en die klein- en mediumsakesektor te verlig, het ons aan die einde van Julie verlede jaar onderneem om alle uitstaande rekeninge van die 2016-'17-boekjaar te betaal.
“Soos die regering nadink oor hoe om diverse en inklusiewe groei te verseker, gegrond op fiskale omsigtigheid en volhoubaarheid om die ekonomiese storms die hoof te bied, is ek van mening daar is 'n behoefte vir entrepreneurs in ons land om hul sakemodelle te diversifiseer.
oorgerustheid
“Sterker ekonomiese groei en sigbare tekens van verbetering moenie tot oorgerustheid en verval in onvolhoubare bestedingsgewoontes lei nie. Een ding wat seker is, is dat ekonomiese krisisse siklies en herhalend is,” het Geingob gesê.
Hy het gesê lewenskragtige ekonomiese groei is belangrik om met welslae onvoorspelbare gebeure die hoof te bied.
Volgens Geingob is die sleutel hiervoor die handhawing van fiskale soewereiniteit deur die uitwissing, of minstens die vermindering, van verkwistende besteding, die voorkoming van die aangaan van duur skuld en die bou van 'n voldoende fiskale en reserwe buffer om, in geval van die onvoorsiene gebeure, tussenbeide te tree.
Hy sê ontwikkeling vereis volhoubare pogings oor 'n tydperk. Om hierdie rede het die regering groot beleggings in kritieke sektore gemaak.
Dit sluit in staatsbestuur en die prestasie-bestuurstelsel; die versterking van die fiskale raamwerk; gehalte-beroepsonderrig en opleiding om werkloosheid onder die jeug aan bande te lê; bykomende maatreëls vir armoedevermindering; die versterking van maatreëls om geweld teen vroue en kinders te bekamp, beleggings in openbare gesondheid, insluitende maatreëls om sterftes van moeders en babas te verminder en die opgradering van die infrastruktuur.
Kommentaar
Republikein
Geen kommentaar is op hierdie artikel gelaat nie