Geen uitbreking van varkgriep

Seisoenale virus

27 June 2019 | Gesondheid
Henriette Lamprecht – Namibië beleef tans ’n toename in die aantal seisoenale H1N1-griepgevalle, met sewe bevestigde gevalle van die siekte wat reeds aangemeld is.

Vier van die bevestigde gevalle is in die hospitaal opgeneem.

Tog het die ministerie van gesondheid by monde van sy uitvoerende direkteur beklemtoon daar is geen uitbreking van varkgriep in die land nie.

Volgens mnr. Ben Nangombe het die Wêreldgesondheidsorganisasie (WHO) die H1N1-virus, voorheen bekend as varkgriep, ná die pandemie in 2009 as ’n seisoenale griepvirus geherklassifiseer.

“Dit sirkuleer die afgelope dekade wêreldwyd dwarsdeur die jaar, met gevalle wat in die winter toeneem. Dit beteken meer mense kan van die betrokke virusstam siek word,” het Nangombe gesê.

Tekens en simptome van die siekte sluit hoë koors, hoes, seer keel, loopneus, lyfseer, kopseer, moegheid, diarree en naarheid in.

Volgens Nangombe het Namibië ’n grootskaalse H1N1-uitbreking in 2009-’10 gehad, met meer as 8 000 vermeende gevalle wat aangemeld is.

Hiervan het 102 gevalle positief vir die siekte getoets. Een persoon is aan die siekte dood. Die meeste gevalle is in die Ohangwena-, Omusati- en ||Kharasstreek aangemeld.

Verlede jaar is 106 laboratorium-bevestigde H1N1-griepgevalle aangemeld en is twee mense aan die siekte dood. Die gevalle het in al die streke van die land voorgekom buiten Oshikoto, Omusati, Ohangwena, Kavango en ||Kharas.

Volgens Nangombe word H1N1 hoofsaaklik deur nies en hoes of direkte kontak met oppervlaktes oorgedra wat besmette druppels op het.

Hoërisikogroepe sluit kinders onder die ouderdom van vyf jaar, bejaardes ouer as 65 jaar, swanger vroue, mense met ’n verswakte immuunstelsel en chroniese onderliggende mediese toestande in.

As voorkomingsmaatreël teen die siekte stel die ministerie voor inwoners word ingeënt teen die H1N1-virus, met die seisoenale griepinspuiting wat dié virusstam insluit en in Namibië beskikbaar is.

Inwoners word ook gemaan om genoeg vloeistowwe te drink om ontwatering te voorkom, persoonlike higiëne deurentyd toe te pas en gereeld hande te was en ook dit vermy om aan jou oë, neus en mond te vat omdat kieme so versprei.

Nangombe het beklemtoon die siekte is selfbeperkend, wat beteken hy woed homself uit.

Mense wat simptome en tekens van griep toon, moet rus, gereeld water drink en koors en hoes met oor-die-toonbank medikasie bestuur.

Soortgelyk

 

Outjo-aanval: Drie verskyn in hof

10 ure gelede | Misdaad

Drie verdagtes wat in verband met die Gemsbokoord skietvoorval in hegtenis geneem is, het vanoggend om 09:00 hul eerste verskyning in die hof op Outjo...

Regering steun hidroponiese voer

11 ure gelede | Landbou

Die kabinet het Dinsdag aangekondig Namibië sal die grootskaalse kweek van hidroponiese dierevoer aanpak. Mnr. George Simataa, kabinetsekretaris, het aangekondig 7 000 boere – 500...

ECN-besluit 'n ramp'

22 ure gelede | Politiek

Denver Kisting – Die hoofverkiesingsbeampte, mnr. Theo Mujoro, sê die Verkiesingskommissie van Namibië (ECN) word gepenaliseer omdat hy die wet toepas.Dít, sê Mujoro via WhatsApp...

'Namibiërs het vertroue in demokrasie verloor'

22 ure gelede | Politiek

Denver Kisting – Die bekende politiekewetenskapdosent prof. André du Pisani sê mense het vertroue verloor in demokrasie se legitimiteit om voldoende te presteer.Hy het dié...

Nog bietjie slaap, nog bietjie sluimer

22 ure gelede | In beeld

Die ministerie van die omgewing en toerisme het besoekers aan die Etosha Nasionale Park gister om verskoning gevra toe die Andersson-hek laat oopgemaak het. Toerbusse,...

RDP registreer kandidate te midde twis

22 ure gelede | Politiek

Catherine Sasman - Die Rally for Democracy and Progress (RDP) het Vrydag sy presidensiële en Nasionale Vergadering-kandidate vir November se verkiesings by die Verkiesingskommissie van...

Weer vir 17 Oktober

22 ure gelede | Weer

WEERWAAK: Winderige toestande duur oor die hele land voort. Swaar reën kan oor plekke in die //Kharasstreek voorkom. Inwoners word aangeraai om die nodige voorsorg...

Outjo-aanval: Twee vandag in hof

22 ure gelede | Howe

Elvira Hattingh - Twee verdagtes is in verband met Maandag se Outjo-aanval in hegtenis geneem en sal vandag hul eerste verskyning in die hof op...

Gay-huwelike: Niks verander vir Namibië

22 ure gelede | Gesondheid

Henriette Lamprecht – Die moderatuur van die NG Kerk in Namibië is “diep besorg” oor spanning en ongelukkigheid by lidmate en leraars oor ’n besluit...