Geen keer aan tweeling se Afrika-avontuur

Opwindend én opvoedkundig

29 May 2020 | Omgewing
Emmanuel Koro

Die Covid-19-pandemie het almal se planne vir 2020 omver gegooi. Verskeie opwindende en belangrike geleenthede moes uitgestel of gekanselleer word.

Daar is egter geen keer aan die tienjarige Suid-Afrikaanse tweeling Lily en Lara Vincent nie.

Hul ­opwindende Afrika-wildernis- en kultuurtelevisieprojek moes vanweë reisbeperkings en grendel­tydperke uitgestel word, maar het die pandemiepaniek oorleef.

Saam met hul ouers en 'n filmspan kon Lily en Lara van die ­alledaagse lewe ontsnap en Suider-Afrika­lande verken.

Die pandemie was 'n struikelblok in die pad, maar die tweeling is nie van stryk gebring nie. Hulle wou die avontuur voortsit en Afrika verder verken.

Die eindproduk, The Adventures of The Twins in Africa, sal binnekort op televisieskerms verskyn, waar hulle die ervaring van die Afrika-natuur­skoon met die ongelooflike wild- en plantegroei sowel as die ryk kultuurverskeidenheid met die wêreld wil deel.

Afrika-staaltjies word tradisioneel deur ou mense oorvertel.

Dit is dus spesiaal opwindend dat die ­tienjarige tweeling húl ervaring van kulturele skoonheid deur middel van 'n televisiereeks kan deel.

Die program sal vermaaklik sowel as opvoedkundig vir gehore van jonk en oud wees.

Sal hulle die verhaal vertel van 'n arm seun van 'n dorpie in Zimbabwe wat 'n krokodilaanval oorleef het, net om deur dieselfde krokodil huis toe gevolg te word en die tydelike met die ewige te verwissel?

Ja, wildkenners bevestig dit is ­wetenskaplik moontlik vir 'n kroko­dil om 'n slagoffer te volg, aangesien hulle die bloed oor 'n afstand kan ruik. Sonder 'n wetenskaplike verduideliking sal baie mense wonder hoe dit moontlik is vir 'n krokodil om 'n slagoffer oor 'n afstand van 10 kilo­meter te kan opspoor.

As dié jong storievertellers deur die Hwange Nasionale Park reis, kan hulle ook die stories vertel van mense wat olifantaanvalle oorleef het en steeds in vrees leef omdat olifante nooit hul slagoffers vergeet nie.

Volgens Roland Vincent, pa van die tweeling en baasbrein agter die program, is The Adventures of The Twins In Africa om twee ­hoofredes geskep: onderrig en bewaring.

Vincent is ook die direkteur van Africa Cries Films, die televisiemaatskappy wat die reeks vervaardig.

Hy sê Africa Cries Films se doel is om seker te maak kinders van verskillende gemeenskappe oraloor Afrika is trots op hul herkoms.

“Onderrig is die sleutel om ons erfenis te red. Dít is waar Lily en Lara se persoonlike stories so noodsaaklik vir die sukses van die projek is,” sê Vincent.

Die reis begin in Suid-Afrika. Daarna kies hulle koers na Namibië waar hulle opwindende plekke soos die Visrivier-canyon, die Skedelkus en Brandberg sal verken. ­Botswana en Zimbabwe is die volgende bestemmings.

Die reis sal na verwagting nege maande duur en die tweeling sal in daardie tyd tuisonderrig ontvang te danke aan 'n voltydse onderwyser, me. Amanda Mumbobo, wat saam met hulle op die pad sal wees.

Tydens dié nege maande sal die tweeling natuurreservate, plaaslike gemeenskappe, kampeerplekke en lodges van Suider-Afrika verken. Elke episode sal anders as die vorige een wees.

“My motivering vir dié produksie was my dogters se liefde vir Afrika. Dit wys die kinders daar is meer as drank en dwelms – daar is 'n regte lewe daar buite,” sê Vincent.

Die eerste episode van The Adventures of The Twins In Africa is reeds verfilm.

“Dit was 'n wonderlike ervaring,” het die tweeling gesê. “Ons kon die ryk natuurlewe eerstehands beleef en pret hê met juffrou Amanda en die filmspan, Callum, Caleb en Chris. Ons is baie opgewonde oor die avontuur wat voorlê en om nog ­fantastiese en interessante diere te sien.”

• Emmanuel Koro is 'n vryskutjoernalis van Johannesburg wat internasionale toekennings vir sy dekking van natuurbewaring ontvang het.

Soortgelyk

 

Fishrot: Geen borg, eis ACC

9th of July 00:00 | Howe

Jemima Beukes Die Teenkorrupsie Kommissie (ACC) is vas oortuig betrokkenes by die Fishrot-skandaal het op ‘n uitgebreide wyse saamgespan om honderde miljoene dollar te steel.Sowat...

Air Nam se vlerke geknip

9th of July 00:00 | Vervoer

Ronelle Rademeyer - Die nasionale redery is met sy rug teen die muur en het nie beweegruimte om langer die kwessie oor sy bankrotskap en...

Weer vir 9 Julie 2020

9th of July 00:00 | Weer

WEERWAAK: Koue en nat toestande word Vrydag en Saterdag in die Suide en Weste verwag. Baie koue toestande word oor die suidelike, sentrale en oostelike...

Munisipale werkers betoog oor kontrakte

9th of July 00:00 | Regering

Kristien Kruger – Sowat 600 skoonmakers het gister tydens middagete na die Windhoek munisipale hoofkantore opgeruk om ‘n klagskrif aan die burgemeester, me. Fransina Kahungu,...

Itula se partyplanne op dreef

9th of July 00:00 | Regering

Denver Kisting – Die hoofkiesbeampte van die Verkiesingskommissie van Namibië (ECN), mnr. Theo Mujoro, sê dié nasionale kiesliggaam het nog nie dr. Panduleni Itula se...

Pasgebore baba toets twee keer negatief

9th of July 00:00 | Gesondheid

Henriette Lamprecht - 'n Pasgebore baba wat die naweek aanvanklik as Namibië se geval 362 van Covid-19 aangemeld is, het twee keer daarna negatief vir...

Bibbernaweek, reën voorspel

9th of July 00:00 | Weer

Elvira Hattingh – Die Namibiese weerkantoor het ‘n weerwaak uitgereik vir koue weer wat reeds van vandag af in die Weste verwag word.Terselfdertyd sal koue,...

Staat wil appelleer teen uitspraak oor arbeidsreëls

9th of July 00:00 | Regering

Ronelle RademeyerDie staat is voornemens om appèl aan te teken teen die volbank-uitspraak twee weke gelede waarin bevind is die Covid-19-arbeidsregulasies is ongrondwetlik en gevolglik...

Windhoek se vullis drom op

9th of July 00:00 | Regering

Denver KistingDae nadat die Windhoek-munisipaliteit (CoW) moes toegee hy is sy inkomste uit parkeermeters kwyt, het dié plaaslike owerheid erken hy het ook tans geen...