Gebruikers van dagga kla oor ‘straatwaarde’

GUN sê waarde word toegeken soos polisie voel

29 September 2020 | Howe
Augetto Graig – Die Ganja Users of Namibia (GUN) se president, mnr. Brian Jaftha, en woordvoerder, mnr. Borro Ndungula, het by ’n onlangse mediakonferensie protes oor die Namibiese polisie se arbitrêre toekenning van die straatwaarde van gekonfiskeerde dagga aangeteken.

Volgens hulle word hierdie straatwaardes vervat in amptelike dokumentasie wat later in die regsproses gebruik word om beslissings oor borgtog en boetes te bereik.

Die twee het ’n lys saamgestel van strafsake van arrestasies vir die besit van dagga sedert 2013, wat aantoon hoedat die straatwaarde vir die gekonfiskeerde bewysstukke skerp wissel – enigiets tussen N$3 tot N$51 per gram.

Hulle wil weet wat die formule is wat die polisie toepas om hierdie waardes toe te ken.

“As daar geen standaard formule is met betrekking tot die waarde wat hulle aan die ganja of aan die plant heg nie, word ’n mens deur jou emosies gelei,” sê Ndungula. Beskuldiges se toekoms hang dus af van die bui waarin die betrokke polisiebeampe homself op daardie dag bevind, sê hy.

Volgens Jaftha sou die ware straatwaarde vir dagga die plantstam, die gehalte asook die plek of gebied waar die beskuldige betrap is, in ag moet neem. Selfs met dié prysfaktore bygereken, bestaan daar geen handel in Namibië van dagga ter waarde N$50 per gram nie, sê hy.

“Dié prys is véél hoër as straatwaarde en buitensporig verhoog,” sê hy. Die moontlike redes hoekom die polisie straatwaardes sou verhoog, meen Japhta, sluit in die regverdiging van polisiebegrotings, die skepping van die indruk dat polisiëring werk, en persoonlike aspirasies vir bevordering. “Dit gaan nie oor handhawing van die wet nie, maar oor inkomste-invordering,” sê hy.

Die GUN-leierskap het reeds hul besware met die Namibiese polisiebevelvoerder in die Khomasstreek, kommissaris Joseph Shikongo, bespreek en formeel die kantore van die aanklaer-generaal en die ombudsman gevra om ondersoek hierna in te stel.

Die Nampol-woordvoerder, adj.komm. Kauna Shikwambi, se antwoord op vrae in die verband was kort en saaklik. “Die gebruik, handel of besit van dwelms is onwettig in Namibië en solank die wet bestaan, sal Nampol nie huiwer om dit te handhaaf nie, hetsy deur arrestasie of die konfiskering van dwelms,” sê sy. Sy het wel bevestig dat die waardes toegeken aan gekonfiskeerde dagga bloot skattings is.

Die ombudsman, adv. John Walters, sê egter die straatwaarde speel nie noodwendig ’n rol in die regsproses nie, tensy dit spesifiek op die klagstaat aangedui word. In so ’n geval het die beskuldige die reg om die waarde te bevraagteken, en dit sal die staat se plig wees om die aangeduide waarde aan die hof te bewys.

Sover dit die betrokke wet (nr. 41 of 1971) betref, is net die hoeveelheid van belang omdat meer as 115 gram as maatstaaf gebruik word om tussen ’n gebruiker en ’n handelaar te onderskei, sê hy.

Walters sê ’n beskuldigde is in Namibië volgens die grondwet geregtig op toegang tot die klagstaat en enige ander verklarings wat teen hulle voor die hof ingedien word, om vir hul hofsaak te kan voorberei. “Hierdie toegang gebeur egter nie outomaties nie, maar beskuldigdes mag hierdie inligting aanvra,” sê hy.

[email protected]

Soortgelyk

 

Geingob onder skoot oor ‘wit’ opmerkings

10 ure gelede | Politiek

Denver Kisting – Die leier van die amptelike opposisie, mnr. McHenry Venaani, sê wat pres. Hage Geingob die afgelope naweek oor wit mense kwytgeraak het,...

Verskeie daaglikse vlugte binnekort na SA

10 ure gelede | Vervoer

Ronelle Rademeyer – FlyWestair en Airlink, die private Namibiese en Suid-Afrikaanse rederye, het tot reisigers se redding gekom en gaan die leemte aan direkte, geskeduleerde...

Skone Lira bemark Namibië

10 ure gelede | Toerisme

Die Suid-Afrikaanse sangeres Lira, wat die inperking in Namibië deurgebring en uitgebreide verkenningsreise in die land onderneem het, is deur die Federasie van Namibiese Toerismeverenigings...

Weer vir 19 Oktober

10 ure gelede | Weer

BINNELAND: Gedeeltelik bewolk en bloedig warm in die Ooste. Elders sal die sonnig wees en baie warm tot bloedig wees. KUS: Gedeeltelik bewolk en koel...

Verdagte panga-rowers in hegtenis

10 ure gelede | Misdaad

Kristien KrugerVolgens ’n Namibiese polisieverslag is sewe mans in hegtenis geneem in verband met ’n aantal gewapende rooftogte in Windhoek.Die mans het hulself glo die...

Massavrekte van robwelpies ondersoek

10 ure gelede | Omgewing

Elvira Hattingh – ’n Ondersoekspan het begin om ongewone vrektes onder Kaapse pelsrobbe te ondersoek nadat klaarblyklik duisende wyfies vanjaar hul welpies teen die Namibiese...

Vier ton vis by Swakoppoort gekonfiskeer

10 ure gelede | Misdaad

Ronelle Rademeyer en Kristien Kruger – Sowat vier ton gedroogte vis en groot hoeveelhede visnettte en vislyn, asook die vlotte wat gebruik is om dit...

Stigma rondom Covid-19 neem af

10 ure gelede | Gesondheid

Jana-Mari Smith – Die normalisering van Covid-19 die afgelope jaar het veroorsaak dat stigmatisering weens die coronavirus besig is om af te neem, maar kenners...

Duitsland steun nasionale parke

10 ure gelede | Omgewing

Francoise SteynbergNóg 'n mylpaal is vir omgewingsbewaring behaal met die Duitse regering deur KfW wat sedert 2006 sowat N$1,4 miljard (75,5 euro) in Namibiese nasionale...