Gayregte: 'Kwessie van tyd'

LGBT-gemeenskap hou optog

03 December 2018 | Maatskaplik
Denver Kisting – Menseregteaktiviste meen dit is net ’n kwessie van tyd voor gayregte in Namibië erken sal word.

In dié stadium is anale seks mét toestemming tussen twee of meer volwasse mans steeds ’n strafregtelike oortreding ingevolge die land se gemenereg.

Hiernaas mag mense van dieselfde geslag ook nog nie met mekaar trou nie.

Me. Lila Swanepoel, wat verlede jaar se eerste Pride-optog help reël het, sê oor Saterdag se vreedsame betoging: “Dit is ’n opwindende tyd om in Namibië te woon.”

Swanepoel glo dit is net ’n kwessie van tyd voor anale seks gedekriminaliseer sal word.

Volgens haar sal die deurslag wees hoeveel volgehoue druk op die regering uitgeoefen word.

Swanepoel sê sy is Saterdag diep getref deur ’n oomblik van stilte, wat op die trappe van die Onafhanklikheidsmuseum in Robert Mugabeweg waargeneem is.

Honderde LGBT-mense en ondersteuners het van die Bank Windhoek-teaterskool af tot by die Franko-Namibiese Kultuursentrum (FNCC) gestap in ’n poging om meer regte vir LGBT-mense te help verseker.

’n Standbeeld, wat allerweë aanvaar word as dié van die stigterpresident, mnr. Sam Nujoma, is aan die bokant van dié stel trappe.

“Daai oomblik van stilte op daai omstrede trappe was amazing.”

Me. Abigail Solomons, ’n bestuurder verbonde aan Positive Vibes (PV), ’n menseregteorganisasie, gee vir Swanepoel gelyk.

Sy reken ook Namibië is op die drumpel van dekriminalisering.

Swanepoel is van mening dít kan reeds volgende jaar gebeur. “Die tyd is ryp daarvoor.”

Vir me. Tatum Strauss, die organiseerder van Saterdag se geleentheid, staan die oomblik op die museum se trappe ook as hoogtepunt uit.

“Dit was baie belangrik. Die groot ding handel oor die afbreek van stereotipes. Om by ’n optog teenwoordig te wees, is opsigself aktivisme,” het sy gistermiddag by navraag gesê.

Die Namibiese regering het die afgelope jaar op die hoogste vlak gesê die regte van seksuele minderhede in die land is gewaarborg.

Pres. Hage Geingob het dié versekering in Augustus tydens ’n onderhoud met Republikein gegee.

Verlede maand het me. Doreen Sioka, die minister van geslagsgelykheid en kinderwelsyn, ook in die openbaar verklaar die regering is nie homofobies nie.

Sy het lede van gemeenskap versoek om die Grondwet in te span wanneer daar teen hulle gediskrimineer word.

Soortgelyk

 

Man steel glo mediese toerusting by staatshospitaal

6 ure gelede | Misdaad

Die polisie in die Kavangostreek het ’n man in hegtenis geneem wat na bewering mediese toerusting uit die staatshospitaal op Rundu gesteel het. Die man...

Man met hope wildprodukte vas

7 ure gelede | Misdaad

'n Namibiese man is verlede week op Divundu met 'n groot verskeidenheid beheerde wildprodukte glo in sy besit in hegtenis geneem. Mnr. Katoima Kandunda is...

Vol ambulans bots teen bees

11 ure gelede | Ongelukke

Drie staatspasiënte is vanoggend lig beseer toe ‘n ambulans van die ministerie van gesondheid en maatskaplike dienste ‘n bees op die hoofpad tussen Otavi en...

Miljoene gevra ná ongeluk leerling eis

22 ure gelede | Howe

Henriette Lamprecht – Die ouers van ’n matriekleerling wat in 2016 in ’n motorongeluk dood is en waarin haar vriend ernstig beseer is, dagvaar...

Media 'mishandel' Hage

22 ure gelede | Regering

Denver Kisting – ’n Hoë prys is vir Namibië se demokrasie betaal en strukture mag nie vir persoonlike en politieke gewin misbruik word nie. “Ons...

VERKIESINGS 2019: PRESIDENSIËLE KANDIDATE

22 ure gelede | Politiek

Bernardus SwartbooiLandless People's Movement (LPM) Bernardus Clinton Swartbooi het weggebreek van Swapo toe hy in 2017 weens kritiek teen die regering gedwing is om as...

Weer vir 11 November 2019

22 ure gelede | Weer

BINNELAND: Gedeeltelik bewolk en baie tot bloedig warm met enkele tot geïsoleerde donderstorms in die Noorde, Noordooste en oostelike dele. Elders sal dit gedeeltelik bewolk...

Namibië, China se band opnuut gekap

22 ure gelede | Regering

Denver Kisting – Pres. Hage Geingob loop veral in die sosiale media deur nadat China se premier, me. Sun Chunlan, gesê het dié land en...

‘Gevaarlike’ man ná vyf dae aangekeer

22 ure gelede | Misdaad

Denver Kisting – Vyf dae nadat ’n man onder polisiebewaking uit ’n hospitaal verdwyn het, is mnr. San Ricky Geingob weer agter tralies.Hoofinsp. Kauna Shikwambi,...