Fratsongeluk draai in hof

Vingers wys na beide bestuurders

17 May 2021 | Ongelukke
Marc Springer – 'n Rare ongeluk op 11 Junie 2019 het in die hoërhof tot 'n dubbele eis teen 'n bekende verspreider van kantoormeubels gelei.

Bulk Mining Explosives Namibia (BME) en TransNamib eis beide hul pond van Cecil Nurse Namibia.

BME vra net meer as N$2 miljoen en die nasionale karweier eis ietwat meer as N$1 miljoen.

In die spervuur is die optrede agter die stuurwiel deur die bestuurder van 'n afleweringswa van Cecil Nurse, mnr. Gideon Iileka.

Die ligte vragmotor wat hy daardie dag bestuur het, het BME se vragdraer getref, wat daarop oor 'n brug gestort het en kort daarna deur 'n trein getref is. Iileka is ook persoonlik as respondent gelys.

Die eisers voer aan Cecil Nurse is aanspreeklik vir hul skade omdat Iileka na bewering nie waaksaam was nie, nie betyds of glad nie rem getrap het nie en moontlik vinniger as die spoedbeperking gery het. Die geld wat hulle eis, beloop die koste van die ongeluk en opruimwerk daarna.

Volgens hofstukke het die voertuig wat Iileka bestuur het BME se vragmotor sydelings getref en het mnr. Petta Beukes, die lorrie se bestuurder, skerp na links geswenk om 'n botsing te vermy. Dit is toe dat die vragmotor deur die brug se relings gebars en op die spoorlyn beland het.



ONTKEN AANSPREEKLIKHEID

Cecil Nurse ontken aanspreeklikheid vir die ongeluk en gevolglike skade en kostes.

Volgens die respondente het 'n band van die ligte vragmotor gebars en kon Iileka nie die ongeluk voorkom nie, omdat hy beheer oor sy voertuig verloor het. Cecil Nurse voer aan Beukes kon sy vragmotor se remme aangeslaan het of die ligte ­vragmotor ontwyk het.

Hulle beweer ook die vragmotor se bande was seepglad en dat BME dus nie die lorrie behoorlik onderhou het nie.

Cecil Nurse voer aan BME skuld hulle N$170 000 vir hul skade nadat die afleweringsvoertuig afgeskryf is.

Regter Orben Sibeya het die saak vir bemiddeling verwys.

Me. Suené du Plooy verskyn vir BME en TransNamib en mnr. Francois Erasmus vir Cecil Nurse.

[email protected]


FOTO’s
'n Vragmotor, 'n lorrie en 'n lokomotief is erg beskadig in 'n ongeluk twee jaar gelede. Foto's Verskaf

Soortgelyk

 

Profeet TB Joshua sterf

2 ure gelede | Mense

Die bekende evangelis en filantroop, past. Temitope Balogun (TB) Joshua, is dood.Is het Saterdagaand, 'n week voor sy 58ste verjaardag, in Lagos, Nigerië gesterf, berig...

Polisieman in Kuisebmond doodgesteek

2 ure gelede | Misdaad

'n Konstabel wat by die polisiekantoor in Kuisebmond diens doen, is in die vroeë oggendure Saterdag dood nadat hy naby sy meisie se huis deur...

Ses sterftes stoot syfer oor 900, 480 nuwe gevalle

17 ure gelede | Gesondheid

Ses nuwe sterftes stoot die totale syfer vir Namibië oor die 900-kerf tot 905. Die sterftes is vier in Windhoek en een elk in Outjo...

Covid-19: Gevalle styg in 24 uit 35 distrikte

22 ure gelede | Gesondheid

Namibië bly in die kloue van ‘n nuwe brander Covid-19-infeksies.Gedurende die sewe dae tot Donderdag het nuwe gevalle in 24 van die land se 35...

22 sterftes, 596 nuwe gevalle

1 dag gelede | Gesondheid

Die Covid-19-verwante sterftesyfer vir Namibië skiet met nog 22 - 12 in Windhoek, twee in onderskeidelik Rehoboth en Walvisbaai, drie in Mariental en een elk...

Rehoboth soek strenger aandklok-monitering teen Covid

1 dag gelede | Gesondheid

Die United People's Movement (UPM) het die streeksbevelvoerder van die polisie in die Hardapstreek, komm. Andries van der Byl, gevra vir polisieversterkings op Rehoboth sodat...

Beesvleisforum vorder met abattoirplan

2 dae gelede | Landbou

Ronelle Rademeyer – ’n Groep bekommerde beesprodusente wat ten alle koste Namibië se nismarkte in die buiteland vir die voortbestaan van dié bedryf wil beskerm,...

Avonturier verdrink byna tydens riviervaart

2 dae gelede | Mense

Ronelle Rademeyer – ’n Suid-Afrikaanse avonturier wat verlede week ná 55 dae en 2 200 km in sy geel roeiboot die Oranjerivier se monding by...

Harmse on unlimiting the future

2 dae gelede | Mense

Barney Harmse was born in Mafikeng in South Africa in 1970 and his family moved to Namibia when he was just four years old. From...