Foschini glad nie optimisties oor dié Kersfees

11 November 2019 | Sakenuus
Hanlie Stadler – TFG, die kleinhandelaar wat Foschini, @home, American Swiss en Totalsports insluit, is besonder pessimisties oor verkope dié Swart Vrydag en Kersfees.

Die maatskappy maak op dié groot verkoopsdae staat om sy jaarresultate ’n hupstoot te gee. Handelstoestande in Suid-Afrika het die afgelope maande verswak en die groep is daarom maar pessimisties oor die voljaar. Die syfers kan ook slegter lyk omdat TFG verlede jaar puik verkope gehad het.

Uit die resultate vir die eerste helfte van sy boekjaar blyk dit aanlyn klereverkope skiet op sedert TFG einde verlede jaar sy nuwe webwerf, myTFGworld.com, bekend gestel het.

Die groep sê die afgelope ses maande het aanlyn verkope in Afrika (wat Suid-Afrika insluit) met 52% opgeskiet en in Australië met 37,1%. Daar was weliswaar ’n insinking van 5,5% in Britse aanlyn verkope, maar dis deels omdat verkope deur House of Fraser, ’n onafhanklike afdelingswinkel wat TFG-klere verkoop, daarby ingesluit is.

Aanlyn verkope verteenwoordig nou 8,8% van die groep se totale verkope, maar net 1,5% van verkope in Afrika.

TFG sê dis maar moeilik om klere te verkoop te midde van groot druk op verbruikers in alle lande. Hy het egter die afgelope ses maande beter as die mark gevaar in al drie die wêrelddele waarin hy bedrywig is.

Verkope in Afrika het met 6,4% gegroei en net in vergelykbare winkels met 4,6%. Pryse van klere in die Afrika-filiaal het gemiddeld met 0,4% gedaal.

Vooruitsigte

TFG sê die kleinhandelomgewing in Brittanje en Australië bly gedemp, maar in Suid-Afrika lyk dinge beroerd. Die winkelgroep vrees die impak wat ’n potensiële kredietafgradering deur Moody’s Investors Service op verbruikersvertroue gaan hê.

In syfers

· Inkomste styg met 6,3% tot R18,6 miljard.

· Bruto winsgrens daal effens tot 53,2% (2018: 53,6%).

· Bedryfswins voor finansieringskoste styg met 5,6% tot R2,3 miljard.

· Basiese verdienste per aandeel styg met 5,4% tot 533,4c.

· Wesensverdienste per aandeel styg met 3% tot 526,7c.

· Tussentydse dividend styg met 1,5% tot 335c per aandeel.

– Netwerk24

Soortgelyk

 

AgriBusDev-baas geskors

1 minuut gelede | Regering

Mnr. Petrus Uugwanga, die landbousake-ontwikkelingsagentskap (AgriBusDev) se besturende direkteur, is met onmiddelike effek geskors. Die voorsitter van die AgriBusDev-raad, me. Sophia Kasheeta, het pas ‘n...

Twee 'renosterstropers' verskyn in Gobabis-hof

2 ure gelede | Howe

Twee vermeende renosterstropers het vandag in die landdroshof op Gobabis verskyn.Mnre. Alberto Mbwale en Joseph Matheus het op klagte van die onwettige jag van spesiaal...

Pastoor Babi steeds agter tralies

6 ure gelede | Howe

Pastoor Jackson Babi (30) van die House of Joy Ministries en sy medebeskuldigde, mnr. Friza Dumeni (25), bly steeds agter tralies.Landdros Linus Samunzela het vanoggend...

25ste Covid-19-geval bevestig

8 ure gelede | Gesondheid

'n Vroulike gesondheidswerker (32) is Namibië se jongste Covid-19-geval. Dit bring die aantal bevestigde Covid-19-gevalle in Namibië op 25 te staan. Volgens die minister van...

Hof hoor president is 'mislei' oor arbeidsregulasies

18 ure gelede | Howe

Ronelle Rademeyer - Pres. Hage Geingob is “verkeerd geadviseer” met die opstel van die gewraakte arbeidsregulasies waarvan die grondwetlikheid Vrydag in die hoërhof deur Namibiese...

Namibiërs in haglike omstandighede onder SA-kwarantyn

18 ure gelede | Gesondheid

Twee vroue van Windhoek en die een se 16-jarige dogter meen die vervalle staatshospitaal by Nababeep naby Springbok in die Noord-Kaap waar hulle in kwarantyn...

'Profeet' Babi se borgaansoek vandag

18 ure gelede | Misdaad

Francoise Steynberg – Die bekende, charismatiese en selferkende profeet van die House of Joy Ministries, pastoor Jackson Babi (30), en sy medebeskuldigde, mnr. Friza Dumeni,...

Twee bemanningslede positief vir Covid-19

18 ure gelede | Gesondheid

Henriette Lamprecht & Leandrea Louw – Walvisbaai huisves tans drie aktiewe gevalle van Covid-19 ná ‘n 51-jarige man Saterdag positief vir die virussiekte getoets het....

Fishrot-manne skarrel vir borgtog

18 ure gelede | Misdaad

Augetto Graig – Die Windhoek-landdroshof het Vrydag met verskeie Fishrot-sake gewemel, met borgtogaansoeke wat met aansoeke vir die verlenging van tyd vir verdere ondersoek, meegeding...