Fliekvlooie, kry die springmielies!

19 January 2018 | Kuns en vermaak
Kollig het gaan kyk wat in 2018 op die grootskerm gaan wys.

Avengers: Infinity War

Op die grootskerm: 25 April

Akteurs: Robert Downey Jr, Chris Pratt, Chris Evans, Chris Hemsworth, Benedict Cumberbatch, Tom Holland, Dave Bautista, Mark Ruffalo, Tom Hiddleston, Scarlett Johansson

Waaroor gaan dit: Iron Man, Thor, Hulk en die res van die Avengers verenig teen hul grootste vyand, Thanos. Op 'n missie om al ses infinity stones te versamel, beplan Thanos om die artefakte te gebruik om te kry wat hy wil hê. Die planeet se lot was nog nooit meer onseker nie, want alles waarteen die Avengers baklei het, het hiertoe gelei.

Jurassic World: Fallen Kingdom

Op die grootskerm: 28 Junie

Akteurs: Chris Pratt, Bryce Dallas Howard, Jeff Goldblum, Toby Jones, Justice Smith, BD Wong, James Cromwell, Rafe Spall, Geraldine Chaplin

Waaroor gaan dit: Jurassic World: Fallen Kingdom is ’n produksie gelei deur JA Bayona, geskryf deur Colin Trevorrow en Derek Connolly, met Steven Spielberg as uitvoerende vervaardiger. Vier jaar ná die vernietiging van die Jurassic World-temapark, keer Owen Grady en Claire Dearing terug na die eiland Isla Nublar om die oorblywende dinosourusse te red van 'n vulkaan wat op die punt is om uit te bars. Hulle ontdek gou skrikwekkende reusedinosourusse en 'n sameswering wat die hele planeet bedreig.

Mamma Mia! Here We Go Again

Op die grootskerm: 20 Julie

Akteurs: Meryl Streep, Amanda Seyfred, Lily James, Cher, Domonic Cooper, Jeremy Irvine, Pierce Brosnan, Colin Firth, Andy Garcia, Stellan Skarsgård

Waaroor gaan dit: Mamma Mia! Here We Go Again is 'n Amerikaans-Brits-Sweedse romantiese, musikale komedie geskryf deur Ol Parker. Dit volg op die 2008-fliek Mamma Mia!, wat gebaseer is op ’n musiekblyspel van dieselfde naam. 'n Nuwe dag breek aan op die sonnige Kalokairi, en Sophie, wat nou die Griekse villa bestuur, begroet Tanya en Rosie met die nuus dat sy swanger is. Sophie betwyfel of sy dit op haar eie sal kan doen ná haar ma se dood. Tanya en Rosie stel Sophie gerus, met Sam, Bill, en Harry se hulp. Hulle begin die voormalige ma vertel hoe haar ma, Donna, alles in haar lewe alleen aangepak het, hoewel sy minderjarig en swanger was, sonder 'n ma om haar te lei. Sy het die wêreld se eerste power girl band bestuur, asook die Griekse villa wat binnekort die plek sou wees waar sy en haar dogter ‘n lewe sou bou.

Raaiselkind

Op die grootskerm: 16 Februarie

Akteurs: Deon Lotz, Neels Clasen, June van Merch

Waaroor gaan dit: 'n Negejarige outistiese seun word dood in die bad gevind. Sy ma, Ingrid, wat haar lewe daaraan gewy het om hom te versorg en hom baie liefgehad het, word vir moord ondersoek. Die film is gebaseer op die Annelie Botes-roman, Raaiselkind, waar die stryd wat outisme in ’n gesin veroorsaak, aan die lig gebring word.

Vuil Wasgoed

Op die grootskerm: 15 Januarie

Akteurs: Bouwer Bosch, Bennie Fourie, Leandie du Randt Bosch, Tim Theron, Stiaan Smith, Louis Minnaar

Waaroor gaan dit: Wim en Kevin droom al jare lank daarvan om eendag hul eie koffiewinkel te hê, maar terwyl hulle wag vir daai droom om waar te word, werk hulle vir eers by ‘n wassery. Daagliks is dinge vervelig, maar wanneer die son sak, dans hulle in hul kliënte se klere. Tydens 'n partytjie ontdek hulle 'n afgekapte vinger in 'n kliënt se baadjie. Die eienaar van die vinger, sy seuns en 'n meedoënlose verraaier is warm op Wim en Kevin se spoor.

Maze Runner: The Death Cure

Op die grootskerm: 26 Januarie

Akteurs: Dylan O’Brien, Thomas Brodie-Sangster, Kaya Scodelario, Ki Hong Lee, Will Poulter

Waaroor gaan dit: Maze Runner: The Death Cure is 'n Amerikaanse distopiese wetenskap-fiksie-aksie-rillerfliek wat deur Wes Ball geregisseer is en gebaseer is op The Death Cure, die finale boek in James Dashner se The Maze Runner-trilogie. Thomas lei ‘n paar ontsnapte Gladers op hul finale en gevaarlikste missie ooit. Om hul vriende te red, moet hulle deur die legendariese Last City, 'n WCKD-beheerde doolhof, beweeg, wat dalk die dodelikste doolhof van almal kan word. Enigiemand wat lewendig daar uitkom, sal die antwoorde ontvang wat die Gladers gevra het vandat hulle in die doolhof gegooi is.

Black Panther

Op die grootskerm: 12 Februarie

Akteurs: Chadwick Boseman, Michael B. Jordan, Lupita Nyong’o, Danai Gurira, Forest Whitaker

Waaroor gaan dit: Ná die dood van sy pa kom T'Challa terug na die Afrika-nasie Wakanda om sy regmatige plek as koning in te neem. Wanneer 'n reusevyand skielik verskyn, word T'Challa se staal as koning - en as Black Panther - getoets wanneer hy by 'n konflik betrek word wat die lot van Wakanda en die hele wêreld bedreig. Gekonfronteer met verraad en gevaar, moet die jong koning sy bondgenote bymekaarmaak en die volle krag van Black Panther gebruik om sy vyande te verslaan en om die veiligheid van sy mense te verseker.

Tully

Op die grootskerm: 20 April

Akteurs: Charlize Theron, Mackenzie Davis, Mark Duplass, Ron Livingston

Waaroor gaan dit: Tully is 'n Amerikaanse komedie-drama met Jason Reitman as regisseur. Dis geskryf deur Diablo Cody. Marlo, getroud met twee kinders en ‘n derde een op pad, stel 'n oppasser aan. Sy is 'n pragtige, vrygewige kollegemeisie, wat die vrou help om meer te doen as om net tyd en energie te vind. Sy verander haar lewe op die mees onverwagse maniere.

Soortgelyk

 

Wilde perde: Jongste vul reeds aangeval

5 ure gelede | Ministeries

Tanja Bause - Enige hoop op oorlewing van die Namib se wilde perde krimp al meer, terwyl die ministerie van die omgewing en toerisme na...

Leerlingdokters 'van swakker gehalte'

5 ure gelede | Onderwys

Henriette Lamprecht - Namibië bestee al ses jaar lank geld aan die opleiding van mediese studente in die buiteland.Volgens mnr. Cornelius Weyulu, registrateur van die...

Regulasies vir loterye en dobbel kom

5 ure gelede | Toerisme

font face="Verdana" >Francoise Steynberg - Alle rolspelers in die lotery- en dobbelbedryf moet landswye openbare werkwinkels bywoon sodat regulasies volgens nuwe wetgewing opgestel kan...

Gesondheidsmanne vas oor hospitaaltender

5 ure gelede | Ministeries

Twee administratiewe beamptes van die ministerie van gesondheid en maatskaplike dienste se kantoor op Otjiwarongo is op borgtog van N$5 000 elk vrygelaat ná hulle...

Weer, Woensdag 20 Februarie 2019

5 ure gelede | Weer

BINNELAND: Sonnig en baie warm in die verre noordooste. Elders sal dit gedeeltelik bewolk en baie tot bloedig warm wees met enkele reënbuie in die...

Twee kinders met stok doodgeslaan

5 ure gelede | Misdaad

’n Angolese burger is in hegtenis geneem ná hy twee minderjarige kinders na bewering doodgeslaan het en hul ouma ernstig gewond het. Die voorval het...

Weerwaak teen hitte uitgereik

5 ure gelede | In beeld

Die Namibiese weerkantoor sê die kanse op reën is besig om te verbeter in die noordwestelike dele van die land, asook in die Khomasstreek, waar...

Duister SA bekommer NamPower nie

5 ure gelede | Energie

Augetto Graig - Namibië se nasionale kragverskaffer, NamPower, sê Suid-Afrika se kragverskaffer, Eskom, is nie die enigste bron waarmee plaaslike krag aangevul word nie. “Namibië...

Pack Safari open toergids-akademie

5 ure gelede | Toerisme

Pack Safari het amptelik die deure van sy toergids-akademie in Windhoek oopgemaak. Die akademie bied gratis beroepsopleiding aan plaaslike, Duitssprekende toergidse met FGASA Veldgids vlak...