Fishcor-baas agter tralies
Fishcor-baas agter tralies
18 February 2020 | Howe
Denver Kisting
Mnr. Mike Nghipunya, die geskorste uitvoerende hoof van die National Fishing Corporation of Namibia (Fishcor), is gister in Windhoek weens die voortslepende Fishrot-korrupsie skandaal in hegtenis geneem.
Mnr. Paulus Noa, die direkteur-generaal van die Teenkorrupsiekommissie (ACC), het gistermiddag die jongste inhegtenisneming by navraag bevestig.
Volgens Noa het beamptes van die ACC Nghipunya gisteroggend ondervra, wat toe op 'n arrestasie uitgeloop het.
Die beheeraanklaer by die Windhoek-landdroshof, mnr. Hans Thourob, het gistermiddag gesê Nghipunya sal waarskynlik eers vandag voor dié hof gedaag word.
Die jongste inhegtenisneming kom dae voor die ander Fishrot-beskuldigdes hul tweede verskyning in die hof sal maak.
Hulle is mnre. Bernhard Esau, die voormalige minister van visserye en mariene hulpbronne, Sacky Shanghala, die voormalige justisieminister, James Hatuikulipi, die voormalige voorsitter van die Fischcor-raad, Ricardo Gustavo, Tamson Hatuikulipi, James se neef en Esau se skoonseun, en Pius Mwatelulo.
Die mans is op 27 November verlede jaar aangekeer.
Hulle word met die grootskaalse plundering van Namibiese viskwotas ten bedrae van etlike miljoene dollar verbind.
Die ses mans is aanvanklik by die Seeis-polisiekantoor naby die Internasionale Lughawe Hosea Kutako aangehou, maar word tans by die Windhoek Sentrale Gevangenis gehuisves.
Esau het intussen ook tyd in 'n private hospitaal in die hoofstad onder polisiebewaking deurgebring.
Mnre. Zakaria Kuutondokwa Kokule, 'n Windhoeker, en Nigel van Wyk, 'n Rehoboth-inwoner, verskyn ook Donderdag in dié hof nadat hulle glo by verskillende geleenthede met die ondersoek probeer inmeng het.
– [email protected]
Mnr. Mike Nghipunya, die geskorste uitvoerende hoof van die National Fishing Corporation of Namibia (Fishcor), is gister in Windhoek weens die voortslepende Fishrot-korrupsie skandaal in hegtenis geneem.
Mnr. Paulus Noa, die direkteur-generaal van die Teenkorrupsiekommissie (ACC), het gistermiddag die jongste inhegtenisneming by navraag bevestig.
Volgens Noa het beamptes van die ACC Nghipunya gisteroggend ondervra, wat toe op 'n arrestasie uitgeloop het.
Die beheeraanklaer by die Windhoek-landdroshof, mnr. Hans Thourob, het gistermiddag gesê Nghipunya sal waarskynlik eers vandag voor dié hof gedaag word.
Die jongste inhegtenisneming kom dae voor die ander Fishrot-beskuldigdes hul tweede verskyning in die hof sal maak.
Hulle is mnre. Bernhard Esau, die voormalige minister van visserye en mariene hulpbronne, Sacky Shanghala, die voormalige justisieminister, James Hatuikulipi, die voormalige voorsitter van die Fischcor-raad, Ricardo Gustavo, Tamson Hatuikulipi, James se neef en Esau se skoonseun, en Pius Mwatelulo.
Die mans is op 27 November verlede jaar aangekeer.
Hulle word met die grootskaalse plundering van Namibiese viskwotas ten bedrae van etlike miljoene dollar verbind.
Die ses mans is aanvanklik by die Seeis-polisiekantoor naby die Internasionale Lughawe Hosea Kutako aangehou, maar word tans by die Windhoek Sentrale Gevangenis gehuisves.
Esau het intussen ook tyd in 'n private hospitaal in die hoofstad onder polisiebewaking deurgebring.
Mnre. Zakaria Kuutondokwa Kokule, 'n Windhoeker, en Nigel van Wyk, 'n Rehoboth-inwoner, verskyn ook Donderdag in dié hof nadat hulle glo by verskillende geleenthede met die ondersoek probeer inmeng het.
– [email protected]
Soortgelyk
Nog twee Covid-19-gevalle in Namibië
7 ure gelede | Gesondheid
Skouspel by Victoria-valle
10 ure gelede | Omgewing
Covid-19: Albertus Aochamub ontslaan
11 ure gelede | Gesondheid
Hoofstad onder inperking
23 ure gelede | In beeld
Te min Covid-19-toetsstelle, ventilators
23 ure gelede | Ministeries
Noodmaatreëls geld reeds landswyd
23 ure gelede | Regering
‘Trokdrywers ’n nasionale bate’
23 ure gelede | Vervoer
Weer, Woensdag 1 April 2020
23 ure gelede | Weer
Otjiwarongo reg vir Covid-19
23 ure gelede | Plaaslik
KleinadvertensiesKleinadvertensies
