Film-, teatertoekennings uitgestel

01 October 2021 | Kuns en vermaak
Die jaarlikse Namibiese Teater- en Filmtoekennings wat ten doel het om talent in plaaslike teater- en rolprentproduksies te vereer, sal eers volgende jaar plaasvind.

Dit is om filmmakers en teaterpraktisyns die kans te gee om materiaal te skep wat vir die toekennings oorweeg kan word.

Die toekennings is in 2010 deur die Nasionale Teater (NTN) en die Namibiese Filmkommissie (NFC) op die been gebring en gee erkenning aan teater- en filmpraktisyns, sowel as almal wat bygedra het tot die ontwikkeling van uitvoerende kunste in Namibië.

In 'n onderhoud met die nasionale nuusagentskap Nampa het die NTN-woordvoerder, me. Desiree Mentor, gesê as gevolg van die pandemie en die inperking kon filmmakers nie materiaal skep wat uiteindelik by die NTN vertoon sou word nie.



'DIE GEHOOR IS WAAROOR TEATER GAAN'

“Ons sal op 'n pad vorentoe kan besluit en dit aan die publiek kommunikeer sodra alle belanghebbendes die kans kry om te vergader,” het sy gesê.

Mentor het verduidelik die toekenningseremonie is weens die huidige wêreldwye situasie eerder uitgestel as gekanselleer.

“Groepsbyeenkomste is baie beperk, en dis waaroor teater eintlik gaan – die geleentheid om regstreekse optredes en groot skares op een plek bymekaar te sien,” het sy bygevoeg.

By die laaste Namibiese Teater- en Filmtoekennings wat in 2019 plaasgevind is, het Senga Brockerhoff drie toekennings gewen, waaronder beste teaterregisseur, beste musiekblyspel en beste toneelstuk.

Die tienjarige Camilla Jo-Ann Daries het die toekenning vir die beste aktrise ontvang vir haar optrede in die kortfilm Baxu and The Giants. Vir die rolprent Hairareb het Oshoveli Shipoh die prys vir beste filmregisseur en narratiewe film gewen.
– Nampa

FOTO
Die laaste Namibiese Teater- en Filmtoekennings het in 2019 plaasgevind. Foto Argief

Soortgelyk

 

130 nuwe gevalle, meeste in Windhoek

7 ure gelede | Gesondheid

Gister is 130 nuwe gevalle aangemeld, 'n positiewe koers van 8,4%. Die meeste (97) is in Windhoek aangeteken. Die nuwe gevalle sluit 13 studente, 11...

Uitstel van eksamens: Integriteit van eksamen, kwalifikasie moet beskerm...

1 dag gelede | Onderwys

Die ministerie van onderwys, kuns en kultuur sê dit het 'n wettige kontrak met Cambridge International om te verseker dat kredietwaardige eksamens geskryf word wat...

Styging van 56% in nuwe gevalle, 184 gister aangemeld

1 dag gelede | Gesondheid

Gister is 184 nuwe gevalle aangemeld, 'n positiewe koers van 3,9% en 56% meer as die vorige dag. Die meeste gevalle is in Windhoek en...

Veldbrande woed al tien dae

1 dag gelede | Ongelukke

Tanja Bause’n Groot aantal beeste loop langs distrikspaaie noordoos van Windhoek waar verwoestende veldbrande boere tussen Steinhausen en Omitara genoop het om grensdrade te knip...

‘Voltooi vanjaar se eksamen’

1 dag gelede | Ministeries

Henriette LamprechtSkryf die vraestelle wat moontlik is vóór die einde van die jaar met nuwe vraestelle in die plek van dié wat uitgelek het, identifiseer...

Oscar-benoeming dalk in ‘The White Line’ se visier

1 dag gelede | Byvoegsels

Die plaaslike rolprent The White Line is amptelik in die wedloop om oorweeg te word vir ’n moontlike Oscar-benoeming. Dit is die eerste Namibiese rolprent...

Voortrekkers trap vir renosters

1 dag gelede | Byvoegsels

Karli RudolphDie Voortrekkers vier vanjaar hul 90ste bestaansjaar met die tema “Voortrekkers gaan groot”. Die Namibiese Voortrekkers het daarom besluit om hul eie span vir...

V5 Digital a forerunner in digital solutions

1 dag gelede | Tegnologie

Iréne-Mari van der WaltMore than three years ago, Armin Wieland founded his business, V5 Digital, after noticing that there was a lack of companies in...

Do it with passion or not at all

1 dag gelede | Howe

Desiree Gases Ngeendina Angula, born and raised in Greenwell, Windhoek, moved to Cape Town, South Africa, when she was 13 years old and lived there...