FB, Google ‘moet gehalte-joernalistiek steun’

14 February 2019 | Tegnologie
Bloomberg – Brittanje moet die mag van Alphabet se Google en Facebook oor Brittanje se nuusuitgewers takel en die tegnologieplatforms onder druk plaas om joernalistiek van gehalte te bevorder.

Dit is bevind in ’n verslag deur die Cairncross-kommissie, wat in opdrag van die Britse regering ondersoek ingestel het in ’n poging om sukkelende plaaslike media-instansies te help.

Die kommissie stel voor dat ’n reguleerder met bevoegdheidsmagte gedragskodes opstel ten einde die kommersiële verhoudinge tussen die Silicon Valley-reuse en die nuusuitgewers te beheer.

“Terwyl elke platform oplossings moet voorstel wat die beste by die behoeftes van hul spesifieke gebruikers pas, moet hul pogings aan ’n regulatoriese ondersoek onderworpe wees. Hierdie taak is té belangrik om heeltemal aan die oordeel van kommersiële entiteite oorgelaat te word,” sê die paneel onder leiding van Frances Cairncross, ’n ekonoom en oudjoernalis.

Die verslag kom te midde van die Britse regering se ondersoek oor hoe joernalistiek van hoë gehalte gehandhaaf kan word in ’n omgewing waar die sirkulasie van die gedrukte media daal en selfs digitale nuusdienste soos BuzzFeed joernaliste aflê.

Die tegnologiereuse soos Google en Facebook het vername portale geword waar lesers toegang tot plaaslike joernalistiek kry en hulle is al hoe meer onder druk om van hul advertensie-inkomste te deel.

’n Voorgestelde kopieregwet wat deur Europese reguleerders opgestel is, sal nuusuitgewers die reg gee om meer geld van die aanlyn platforms te eis.

Google het gedreig om sy nuusdiens aan Brittanje te onttrek.

Aanbevelings van die Cairncross-kommissie:

· Toegewings oor BTW vir aanlyn nuus en nuus rakende liefdadigheid, die kunste en nuus van openbare belang;

· Die skep en finansiering van ’n onafhanklike instituut vir nuus van openbare belang vir plaaslike en ondersoekende verslagdoening, wat oor die algemeen nie winsgewend is nie.

· Subsidies ter ondersteuning van joernalistiek in plaaslike en openbare belang;

· Die Britse kommunikasiewaghond Ofcom moet ondersoek of die Britse uitsaaikorporasie (BBC), wat deur belastingbetalersgeld onderhou word, kommersiële joernalistiek onderdruk. Die BBC moet self meer doen om plaaslike uitgewers te ondersteun; en

· Die regering en die reguleerder moet ’n strategie vir mediageletterdheid ontwikkel aangesien te veel mense sukkel om die betroubaarheid van die nuus wat hulle aanlyn sien te bepaal.

As deel van die ondersoek het Cairncross op sekere temas gefokus, insluitende die rol en invloed van soekenjins, sosialemediaplatforms en digitale reklame.

Een van sy voorstelle is dat Facebook en Google hulle daartoe verbind om nie hul eie advertensie-sagteware te gebruik nie, soos wat Facebook reeds met sy artikels doen.

Die paneel beveel ook aan dat die Britse mededingings-en-markte-owerheid die aanlyn advertensiemark – wat deur Google, Facebook en Amazon oorheers word en waar daar minder deursigtigheid is wat tussengangers en winsmarges betref – moet ondersoek.

Die Britse Arbeidersparty sê hy meen die aanbevelings gaan nie ver genoeg nie.

“Solank die tegnologiereuse die mark heeltemal oorheers, is dit moeilik om te sien hoe finansiële volhoubaarheid vir die joernalistiek bereik kan word,” sê Tom Watson, onderleier van die party, in ’n verklaring. – Bloomberg/Netwerk24

Soortgelyk

 

||Kharas gaan bibber

6 ure gelede | Omgewing

Die Namibiese weerkantoor voorspel reënbuie asook winderige toestande vir Namibië se verre Suide, terwyl dit teen Woensdag “baie koud” op plekke in die ||Kharasstreek kan...

Burgstraat na wyle dr. Theo-Ben Gurirab vernoem

7 ure gelede | Plaaslik

Burgstraat in Windhoek staan sedert Sondag as dr. Theo-Ben Gurirab bekend. Volgens die hoofstad se burgemeester, mnr. Muesee Kasapua het die stadsvaders ‘n herbenamingsbeleid aanvaar...

Regering laat val nuwe 2%-bom

21 ure gelede | Regering

Denver KistingNamibiërs vaar opnuut uit alle oorde uit teen die regering se versoek om finansiële hulp.Dit het die afgelope Vrydag rugbaar geword die regering wil...

Evangelis pleit bloed oor Namibië

21 ure gelede | Plaaslik

Denver KistingDit is weens die juk van sonde dat Namibië stoei met dwelms, passiemoorde, alkoholmisbruik en selfs uitdagings in die onderwyssektor beleef.So sê die Ghanese...

'Vriende van Katrina' staan bakhand

21 ure gelede | Plaaslik

Denver Kisting - Om by te dra tot Katrina Hanse-Himarwa se regskoste en ander uitgawes, is niks anders as om korrupsie te steun nie. Dít was gister die mening...

Kombat-kwessie sloer

21 ure gelede | Byvoegsels

Augetto Graig - “Hulle sê daar is ? eienaar van Kombat, maar hy doen niks oor ons probleme nie. “Niks word op Kombat onderhou nie....

Toeristetoring

21 ure gelede | Byvoegsels

Die ikoniese De Wet-skag, hysbakkamer en ystertoring wat jare lank ‘n baken op Tsumeb is, gaan dalk in ‘n toeriste-trekpleister omskep word. Lees die berig...

Weer, Maandag 22 Julie 2019

21 ure gelede | Weer

BINNELAND: Sonnig en warm tot baie warm.KUS: Gedeeltelik bewolk en matig met miskolle.GETYE BY WALVISBAAI: H: 06:26 L: 12:19 H: 18:56WINDHOEK06°26°RUNDU09°27°OSHAKATI12°29°GOBABIS06°26°MARIENTAL08°25°KEETMANSHOOP10°24°WALVISBAAI09°24°LUANDA19°26°JOHANNESBURG04°16°KAAPSTAD10°19°

Riruako se grafsteen onthul

21 ure gelede | Plaaslik

Opperhoof Vekuii Rukoro van die Ovaherero’s het gister tydens die jaarlikse herdenking van Rooivlagdag die grafsteen van sy voorganger, opperhoof Kuaima Riruako, op Okahandja onthul....