Facebook ‘se ligte’ wêreldwyd uit

15 March 2019 | Tegnologie
Elvira Wood – Die sosialemediaplatform Facebook was vir groot dele van Woensdag nêrens in die wêreld beskikbaar nie.

Die BBC berig dié onderbreking is die grootste in sy geskiedenis met 2,3 miljard gebruikers maandeliks wat skielik nie toegang gehad het nie.

Die laaste keer dat Facebook glo ’n algehele onderbreking gehad het, was in 2008 toe die diens nog net 150 miljoen gebruikers gehad het.

Dit was nie net Facebook wat gesukkel het nie, maar ook Instagram en WhatsApp. Albei dié dienste behoort aan Facebook.

Die grootste probleem met Facebook en ander produkte blyk dat hoewel die blaaie gelaai het, kon gebruikers niks nuuts laai nie.

Luidens statistieke op downdetecctor.co.za het 50% van gebruikers wat oor Facebook gekla het, gesê hulle kon nie op die diens aanmeld nie, 26% het gekla dit was glad nie beskikbaar nie en 23% kon nie foto’s laai nie.

Een van die gebruikers het gevra of dit nie dalk “beurt-Facebook” is met ’n tong in die kies verwysing na beurtkrag waarmee Suid-Afrikaners die afgelope tyd sukkel nie.

Facebook was vroeg Donderdagoggend aan die gang en daar was geen probleme om inskrywings te maak óf foto’s te laai nie.

Om sout in Facebook se wonde te smeer, het gebruikers van sosiale media hulle self tot Twitter gewend.

Ene JM Cruz het die probleem baie goed beskryf met ’n meme op Twitter wat lui: “Facebook is af en ek moet vir iemand vertel . . . maar Facebook is af.”

The problem of every human beings today????#FacebookDown pic.twitter.com/HGcCVSvEUo

— JM Cruz (@JenMarc11) March 14, 2019 – Netwerk24

Soortgelyk

 

Raad sit oor polisiehoof

1 uur gelede | Regering

Denver Kisting – Die Windhoekse stadsraad (CoW) sou gisteraand vir mnr. Abraham Kanime as hoof van die stadspolisie heraangestel het.Kanime is in Maart verlede jaar...

Windhoek droogste in 90 jaar

1 uur gelede | Weer

Ronelle Rademeyer - Die 2018-’19-reënseisoen sal vir die oorgrote deel van die land in die geskiedenisboeke opgeteken staan as van die droogste in menseheugenis.Die statistiek...

Katrina se lot gou bepaal

1 uur gelede | Howe

Denver Kisting – Onder gewone omstandighede is die staat se verantwoordelikheid om skuld bo redelike twyfel te bewys.In die geval van die oudgoewerneur van die...

Regstelling oor Zenobia Kloppers

1 uur gelede | Kuns en vermaak

Republikein het gister verkeerdelik berig Zenobia Kloppers, die bekende Namibiese aktrise en sanger wat die hoofrol in die rolprent Fiela se kind losgeslaan het, is...

Minder studente ondersteun

1 uur gelede | Ministeries

Augetto Graig - Die nuus dat bestaande en voornemende studente minder finansiële steun gaan ontvang, is ’n teleurstelling. So sê me. Ester Simon, president van...

Lodge heropen binnekort vir Visrivier-voetslaners

1 uur gelede | Toerisme

Namibia Wildlife Resorts (NWR) se Hobas Lodge het vroeg Februarie kitsvloede ervaar wat tot skade gelei het, maar die lodge sal op 1 Junie weer...

Charles Namiseb eindelik gestraf

1 uur gelede | Howe

Die tweede misdadiger en verkragter wat in 2010 vir die aanval op ‘n bejaarde egpaar van Uis verantwoordelik was, is gevonnis.Die eens voortvlugtige en berugte...

Aansoek vir toerisme-ontwikkeling by Meobbaai

1 uur gelede | Toerisme

Francoise Steynberg - Die Namab-toeragentskap het planne om Meobbaai as toeristeaantreklikheid te ontgin.Die agentskap het ‘n aansoek vir ‘n omgewingsklaringsertifikaat vir die bou van ‘n...

Hulp sonder oordeel

1 uur gelede | Mense

Tanja Bause - “Ek het ‘n verkeerde pad geloop – een van verwoesting. Eendag het ek besef ek kan nie meer so aangaan nie....