Executioner met mening terug
Die Namibiër het terug in die tiende posisie op die ranglys ingeskuif.
Tielman van Lill - Walter Kautondokwa (The Executioner) het rede om geheimsinnig te glimlag terwyl hy stadig maar seker is om sy pad na die topvyf van die Wêreldboksorganisasie (WBO) se wêreldranglys op te werk.
Die 34-jarige middelgewigbokser van Windhoek het verlede jaar sy tweede posisie op die WBO se wêreldranglys verloor toe hy in die VSA teen die 31-jarige Demetrius Andrade slae gekry het.
Kautondokwa het moedig enduit sy man teen Andrade in die wêreldtitelgeveg probeer staan, maar moes ná 'n eenparige puntebeslissing van sy droom vergeet om die vakante WBO-wêreldgordel syne te maak.
Intussen het Kautondokwa harder as ooit in die gimnasium gewoeker en op 10 Mei vanjaar het hy in Harare, Zimbabwe, vir Simeon Tcheta van Tanzanië oorskadu om sy eerste geveg ná die Andrade-terugslag in te palm.
Die oorwinning het Die Laksman 'n tiende posisie op die WBO se wêreldranglys besorg, wat sy eerste tree op pad terug na die topvlakke van die gewigsklas is.
Die geveg teen Tcheka was 'n kortstondige piekniekuitstappie wat Die Laksman reeds vroeg in die tweede ronde beëindig het.
Nestor Tobias, promotor van die Nestor Sunshine Tobias Boksakademie, is nie min trots op sy bokser nie.
“Nadat Walter teen Andrade verloor het, moes hy natuurlik onmiddellik met sy volgende geveg 'n oortuigende terugkeer maak, wat hy ook uitmuntend reggekry het. Die Andrade-geveg is iets van die verlede waaroor hy hom meer verknies nie.
“Ons het die uitdaging teen Andrade op baie kort kennisgewing aanvaar. Walter het in die eerste ronde 'n onwettige, moorddadige hou van Andrade ontvang wat nooit deur die skeisregter toegelaat moes gewees het nie. Ons kla egter nie daaroor nie. Al wat nou saakmaak, is dat Walter terug is en gereed is om weer die wêreld te wys wat in hom steek.
“Ons moet nou vir Walter een van die boksers vasknoop wat saam met hom onder die top-15 op die WBO se ranglys is,” het Tobias verklaar.
Die vriendelike en nederige Kautondokwa se visier is ná bykans agt maande weer reg ingestel om die poppe opnuut te laat dans.
“Die wêreld moet nog die beste van my in die kryt sien en daarom wil ek een van die groot name onder die toptien uitdaag om die aandag weer op my te vestig.
“Ek wil nie hê bokskykers moet my net op die Andrade-geveg beoordeel nie. Ek voel goed en is reg vir die volgende groot uitdaging. Dus maak dit nie saak wie deur die toue teen my wil klim nie. Al wat ek weet, is dat hy baie skrikkerig vir my moet wees,” het Die Laksman gesê.
Kautondokwa, wie se enigste nederlaag in Amerika was, het andersins 19 oorwinnings op sy getuigskif, waarvan 17 met uitklophoue.
WILLBEFORCE
Intussen het Imms Moses van die AC Boxing Gym gister bekend gemaak dat die 36-jarige Wilbeforce Shihepo op 14 Julie in Johannesburg om die Wêreldboksvereniging (WBA) se junior swaargewig Afrika-titel die handskoene gaan aantrek.
Shihepo het 25 oorwinnings (18 met uitklophoue) en tien nederlae (drie met uitklophoue) op sy rekord van 35 gevegte.- [email protected]
Die 34-jarige middelgewigbokser van Windhoek het verlede jaar sy tweede posisie op die WBO se wêreldranglys verloor toe hy in die VSA teen die 31-jarige Demetrius Andrade slae gekry het.
Kautondokwa het moedig enduit sy man teen Andrade in die wêreldtitelgeveg probeer staan, maar moes ná 'n eenparige puntebeslissing van sy droom vergeet om die vakante WBO-wêreldgordel syne te maak.
Intussen het Kautondokwa harder as ooit in die gimnasium gewoeker en op 10 Mei vanjaar het hy in Harare, Zimbabwe, vir Simeon Tcheta van Tanzanië oorskadu om sy eerste geveg ná die Andrade-terugslag in te palm.
Die oorwinning het Die Laksman 'n tiende posisie op die WBO se wêreldranglys besorg, wat sy eerste tree op pad terug na die topvlakke van die gewigsklas is.
Die geveg teen Tcheka was 'n kortstondige piekniekuitstappie wat Die Laksman reeds vroeg in die tweede ronde beëindig het.
Nestor Tobias, promotor van die Nestor Sunshine Tobias Boksakademie, is nie min trots op sy bokser nie.
“Nadat Walter teen Andrade verloor het, moes hy natuurlik onmiddellik met sy volgende geveg 'n oortuigende terugkeer maak, wat hy ook uitmuntend reggekry het. Die Andrade-geveg is iets van die verlede waaroor hy hom meer verknies nie.
“Ons het die uitdaging teen Andrade op baie kort kennisgewing aanvaar. Walter het in die eerste ronde 'n onwettige, moorddadige hou van Andrade ontvang wat nooit deur die skeisregter toegelaat moes gewees het nie. Ons kla egter nie daaroor nie. Al wat nou saakmaak, is dat Walter terug is en gereed is om weer die wêreld te wys wat in hom steek.
“Ons moet nou vir Walter een van die boksers vasknoop wat saam met hom onder die top-15 op die WBO se ranglys is,” het Tobias verklaar.
Die vriendelike en nederige Kautondokwa se visier is ná bykans agt maande weer reg ingestel om die poppe opnuut te laat dans.
“Die wêreld moet nog die beste van my in die kryt sien en daarom wil ek een van die groot name onder die toptien uitdaag om die aandag weer op my te vestig.
“Ek wil nie hê bokskykers moet my net op die Andrade-geveg beoordeel nie. Ek voel goed en is reg vir die volgende groot uitdaging. Dus maak dit nie saak wie deur die toue teen my wil klim nie. Al wat ek weet, is dat hy baie skrikkerig vir my moet wees,” het Die Laksman gesê.
Kautondokwa, wie se enigste nederlaag in Amerika was, het andersins 19 oorwinnings op sy getuigskif, waarvan 17 met uitklophoue.
WILLBEFORCE
Intussen het Imms Moses van die AC Boxing Gym gister bekend gemaak dat die 36-jarige Wilbeforce Shihepo op 14 Julie in Johannesburg om die Wêreldboksvereniging (WBA) se junior swaargewig Afrika-titel die handskoene gaan aantrek.
Shihepo het 25 oorwinnings (18 met uitklophoue) en tien nederlae (drie met uitklophoue) op sy rekord van 35 gevegte.- [email protected]
Kommentaar
Republikein
Geen kommentaar is op hierdie artikel gelaat nie