Eurowings land op 20 September

Retoervlug onder N$10 000

08 September 2020 | Vervoer
Francoise Steynberg - Eurowings se eerste vlug vanuit Frankfurt, Duitsland, land op Sondagoggend 20 September op die Internasionale Lughawe Hosea Kutako (HKIA).

Dié bevestiging het die naweek van dr. André Schulz, hoofbestuurder van die Lufthansa-groep vir Suider- en Oos-Afrika, gekom.

“Onderhewig aan alle nodige regeringsgoedkeuring, sal Eurowings vanaf 19 September drie vlugte per week vanaf Frankfurt na Windhoek onderneem,” het Schulz gesê.

“Die vlug sal op 19 September om 20:00 vanaf Frankfurt vertrek en op 20 September om 06:20 in Windhoek land. Daarna sal Eurowings elke Woensdag, Vrydag en Sondag om 08:20 uit Windhoek vertrek en om 18:50 in Frankfurt arriveer.”

Schulz sê passasiers kan nou ’n retoervlug teen slegs N$9 473 bespreek wat alle belasting insluit.

Dit volg na die Namibiese regering HKIA op 1 September oop vir internasionale toeriste verklaar het as deel van die toerismeherlewingsplan.

“Namibia bly ’n belangrike deel van die Lufthansa-groep se Afrikanetwerk en selfs deur die ongekende krisis kon ons verskeie suksesvolle repatriasievlugte na en vanaf Windhoek vlieg.

“Ons verbintenis bly om gereelde kommersiële dienste te bied wat Namibië met Duitsland, Europa en die res van die wêreld verbind.

Schulz het verseker die Lufthansa-groep volg streng higiëniese riglyne en maatreëls.

“Ek bedank julle vir jul lojale ondersteuning tydens hierdie uitdagende maande.”

Ethiopian Airlines sal die eerste internasionale lugredery wees wat internasionale toeriste weer op Namibiese bodem eerskomende Vrydag (11 September) laat land.

Ethiopian Airlines se verkoopsbestuurder in Namibië, mnr. Jitendra Mandani, het verlede week bevestig kommersiële en vragvlugte sal op Vrydag 11 September hervat.

Dié lugredery sal vier vlugte weekliks op Maandae, Woensdae, Vrydae en Sondae tussen die Bole Internasionale Lughawe (ADD) in Addis Abeba en HKIA vlieg.

Verskeie akkommodasieplekke het reeds by die gesondheidsministerie hul goedkeuring en sertifikate as veilige bestemmings gekry om buitelandse toeriste te ontvang.

- [email protected]

Soortgelyk

 

Air Namibia hervat op 28 Oktober vlugte na SA

6 ure gelede | Vervoer

Die nasionale redery het vanmiddag aangekondig hy hervat op 28 Oktober vlugte vanaf Windhoek na Johannesburg en Kaapstad.Die redery sal nie soos in die verlede...

77 leerlinge van dieselfde skool toets binne vier dae...

7 ure gelede | Gesondheid

Nog agt leerlinge van die senior sekondêre skool Oshakati het positief vir Covid-19 getoets wat die totaal leerlinge van die skool wat positief getoets het...

Geingob sê oor Covid-19-weg vorentoe

9 ure gelede | Gesondheid

Die minister van gesondheid en maatskaplike dienste, dr. Kalumbi Shangula, sê pres. Hage Geingob sal vandeesweek ’n aankondiging maak oor die regering se voortgesette hantering...

Covid-19: Aankondiging kom oor pad vorentoe

11 ure gelede | Gesondheid

Die minister van gesondheid en maatskaplike dienste, dr. Kalumbi Shangula, sê pres. Hage Geingob sal vandeesweek ’n aankondiging maak oor die regering se voortgesette hantering...

Geingob onder skoot oor ‘wit’ opmerkings

23 ure gelede | Politiek

Denver Kisting – Die leier van die amptelike opposisie, mnr. McHenry Venaani, sê wat pres. Hage Geingob die afgelope naweek oor wit mense kwytgeraak het,...

Verskeie daaglikse vlugte binnekort na SA

23 ure gelede | Vervoer

Ronelle Rademeyer – FlyWestair en Airlink, die private Namibiese en Suid-Afrikaanse rederye, het tot reisigers se redding gekom en gaan die leemte aan direkte, geskeduleerde...

Skone Lira bemark Namibië

23 ure gelede | Toerisme

Die Suid-Afrikaanse sangeres Lira, wat die inperking in Namibië deurgebring en uitgebreide verkenningsreise in die land onderneem het, is deur die Federasie van Namibiese Toerismeverenigings...

Weer vir 19 Oktober

23 ure gelede | Weer

BINNELAND: Gedeeltelik bewolk en bloedig warm in die Ooste. Elders sal die sonnig wees en baie warm tot bloedig wees. KUS: Gedeeltelik bewolk en koel...

Verdagte panga-rowers in hegtenis

23 ure gelede | Misdaad

Kristien KrugerVolgens ’n Namibiese polisieverslag is sewe mans in hegtenis geneem in verband met ’n aantal gewapende rooftogte in Windhoek.Die mans het hulself glo die...