Eros se aanloopbaan opgeknap
Eros se aanloopbaan opgeknap
Sal leefstyd met 2 tot 3 jaar verleng
12 August 2020 | Vervoer
Ronelle Rademeyer
Ofskoon daar nie geld is vir omvattende rehabilitasie van die aanloopbaan by die Eros-lughawe in Windhoek, gaan tussentydse herstelwerk oor die volgende drie maande gedoen word.
Die lewensduur van die aanloopbaan het reeds verstryk en dit is vol hobbels en slaggate.
Die Namibiese Lughawensmaatskappy (NAC) sê die volskaalse rehabilitasie van die aanloopbaan, taxibaan en voorskoot sal na raming N$300 miljoen kos, maar daar is nie in hierdie stadium geld daarvoor beskikbaar nie.
Daarom behels projek Eros Airport Runway Holding Action, wat hierdie week afgeskop het, net remediërende siviele werke aan die aanloopbaan.
Na verwagting sal hierdie projek van N$23 miljoen teen die eerste week van Oktober 2020 voltooi wees.
Volgens die NAC se woordvoerder, mnr. Dan Kamati, is Otesa/Roadmark as die kontrakteurs aangestel.
Die projek word ten volle deur die sentrale regering gefinansier met NAC as die implementeringsvennoot, lui die verklaring.
“Hierdie remediërende werke is bedoel as 'n korttermynoplossing wat die aanloopbaan se leeftyd met ongeveer twee tot drie jaar sal verleng,” sê Kamati in die verklaring.
Die opknappingswerk sal nie die daaglikse bedrywighede van die lughawe belemmer nie, aangesien dit na-ure gedoen sal word.
Voor die projek afgeskop het, is daar daagliks inspeksies gedoen om gebiede te identifiseer wat onmiddellike onderhoud benodig en om te verseker dat die res veilig is vir gebruik.
“Lughawedienste word moontlik gemaak deur die generering van lug- en nie-lugvaartinkomste en dit het in duie gestort as gevolg van die reisverbod en die beperkings wat deur verskillende regerings te midde van die Covid-19-pandemie ingestel is,” sê die NAC.
Die Lughawensmaatskappy sê ondanks sy verlies aan inkomste is dit steeds sy plig om lughawedienste vir humanitêre, repatriasie- en vragoperasies te lewer, en hierdie aktiwiteite hou steeds aansienlike koste in.
Die koste verbonde aan niekernbedrywighede en diskresionêre uitgawes is verlaag, terwyl hy seker maak veilige lughawedienste word in hierdie onstuimige tye voortgesit, sê die NAC.
– [email protected]
Ofskoon daar nie geld is vir omvattende rehabilitasie van die aanloopbaan by die Eros-lughawe in Windhoek, gaan tussentydse herstelwerk oor die volgende drie maande gedoen word.
Die lewensduur van die aanloopbaan het reeds verstryk en dit is vol hobbels en slaggate.
Die Namibiese Lughawensmaatskappy (NAC) sê die volskaalse rehabilitasie van die aanloopbaan, taxibaan en voorskoot sal na raming N$300 miljoen kos, maar daar is nie in hierdie stadium geld daarvoor beskikbaar nie.
Daarom behels projek Eros Airport Runway Holding Action, wat hierdie week afgeskop het, net remediërende siviele werke aan die aanloopbaan.
Na verwagting sal hierdie projek van N$23 miljoen teen die eerste week van Oktober 2020 voltooi wees.
Volgens die NAC se woordvoerder, mnr. Dan Kamati, is Otesa/Roadmark as die kontrakteurs aangestel.
Die projek word ten volle deur die sentrale regering gefinansier met NAC as die implementeringsvennoot, lui die verklaring.
“Hierdie remediërende werke is bedoel as 'n korttermynoplossing wat die aanloopbaan se leeftyd met ongeveer twee tot drie jaar sal verleng,” sê Kamati in die verklaring.
Die opknappingswerk sal nie die daaglikse bedrywighede van die lughawe belemmer nie, aangesien dit na-ure gedoen sal word.
Voor die projek afgeskop het, is daar daagliks inspeksies gedoen om gebiede te identifiseer wat onmiddellike onderhoud benodig en om te verseker dat die res veilig is vir gebruik.
“Lughawedienste word moontlik gemaak deur die generering van lug- en nie-lugvaartinkomste en dit het in duie gestort as gevolg van die reisverbod en die beperkings wat deur verskillende regerings te midde van die Covid-19-pandemie ingestel is,” sê die NAC.
Die Lughawensmaatskappy sê ondanks sy verlies aan inkomste is dit steeds sy plig om lughawedienste vir humanitêre, repatriasie- en vragoperasies te lewer, en hierdie aktiwiteite hou steeds aansienlike koste in.
Die koste verbonde aan niekernbedrywighede en diskresionêre uitgawes is verlaag, terwyl hy seker maak veilige lughawedienste word in hierdie onstuimige tye voortgesit, sê die NAC.
– [email protected]
Soortgelyk
Nog leerlinge, gevangenes toets positief vir Covid-19
6 ure gelede | Gesondheid
Woede kook oor by Ngoma
22 ure gelede | Misdaad
Totsiens, Shannon
22 ure gelede | Mense
Nuwe ruimte vir naslaan, leer en lees
22 ure gelede | Geskiedenis
Vermoedelike reeksverkragter slaan weer toe
22 ure gelede | Misdaad
Namibië se eerste Supra-vrou gekroon
22 ure gelede | Mense
Antigeen-toetse vir reisigers na SA beskikbaar
22 ure gelede | Gesondheid
Regeringsbestuur: 'Prentjie lyk stroef'
22 ure gelede | Regering
Seun (5) met kanker se gesin vra hulp
22 ure gelede | Mense
KleinadvertensiesKleinadvertensies
