Elke druppel tel steeds

Windhoekers bereik net soms waterbesparingsteiken

20 January 2020 | Omgewing
Gesub Jana-Mari Smith –

Die Windhoekse munisipaliteit is steeds bekommerd oor die stad se watervoorsieningsituasie vir 2020. Windhoekers kon nie daarin slaag om die waterbesparingsteiken te bereik wat in Mei verlede jaar ingestel is nie.

Die weeklikse teiken van 465 000 kubieke meter is meeste weke oorskry.

Die waterverbruik was die hoogste in Oktober en November toe die teiken in die week vanaf 14 Oktober met 12% oorskry is, en oor twee weke in November met 10%.

Die weeklikse teikens is net tydens die koeler maande van Julie, vir drie weke in Augustus, een week in September en een in Oktober bereik. Ook tydens die meeste van Desember en Januarie is die teiken bereik toe baie mense met vakansie was.

Aan die einde van Desember is 23% water bespaar en 15% in die eerste week van Januarie. Alhoewel waterbesparings in die week van 13 Januarie bereik is, het die algehele besparing met 3% afgeneem.

Daar is sedert 6 Mei laas jaar 17,5 miljoen kubieke meter water in Windhoek verbruik in plaas van die 17,2 miljoen kubieke meter waarvoor die stad beplan het.

Inwoners en besighede het, tussen Mei 2019 en Januarie 2020, 260 263 kubieke meter meer as die teiken verbruik.

“Sedert Mei was die algehele waterbesparing 13.5%, wat prysenswaardig is. Ongelukkig is dit nog steeds 1,5% meer as die teiken,” het die woordvoerder van die Windhoek-munisipaliteit, mnr. Harold Akwenye gesê.

“Die stad is bekommerd dat die teiken nie bereik is nie. Daar is nog geen definitiewe aanduidings dat ons voldoende bogrondse water vir 2020 sal kry nie,” het hy gewaarsku.

Akwenye het gesê dat die munisipaliteit bekommerd is oor die tekort aan bogrondse water wat by die damme invloei en die uitwerking van voortgesette onttrekking van water uit die akwifer.

In Mei verlede jaar het die stad aangekondig dat die meerderheid van die watertoevoer van die akwifer afkomstig sou wees.

Die akwifer sou in 39% van die stad se waterbehoeftes voorsien, in vergelyking met 35% van NamWater, en 26% van die herwinningsaanleg.

Die besparingsdoelwit van 15% is 'n belangrike deel van die strategie vir waterbestuur. Enige waterverbruik wat meer as die teikenverbruik van 465 000 kubieke meter per week is, word deur Windhoek-boorgate aangevul.

Volgens die munisipaliteit sal alle besparings die druk op die akwifer verminder. In September verlede jaar het die stad aangekondig dat die Windhoek-akwifer se watervlak tot 25% verminder is.

Akwenye het verduidelik dat die akwifer volgens die waterbestuursplan kunsmatig aangevul moet word wanneer die damme vol is, maar dit het nog nie sedert 2011 gebeur nie.

Die invloei in damme was minimaal ondanks sporadiese reënval wat verlede maand in die sentrale gebiede aangeteken is.

Volgens hom is die bietjie invloei wat die Omatakodam ontvang het genoeg om Windhoek vir vier tot vyf maande met water te voorsien. Dit is as al die water van díé dam na die Von Bachdam geskuif kon word.

As die damme wel gooie invloei ontvang sal die aanvul van die akwifer ’n prioriteit wees.

Vir die afsienbare toekoms bly kategorie D-waterbeperkings van krag.

Akwenye het Windhoekers aangemoedig om water spaarsamig te verbruik om te verseker dat die onttrekking uit die akwifer minimaal bly.

Hy het gesê Windhoekers word aangemoedig om 'n "slim leefstyl" aan te neem deur daaglikse tuisbestuurspraktyke te implementeer, insluitend gereelde watermeterlesings en te verseker dat die verbruik onder die teiken van 90 liter water per huismaat per dag bly.

Hy het inwoners weer versoek om onmiddellik waterlekkasies te isoleer en om dit vinnig te herstel. Waar moontlik, het hy gesê, moet inwoners dit oorweeg om waterdoeltreffende toilette te installeer wat waterverbruik met 50% kan verminder. - [email protected]

Soortgelyk

 

Kenner van familieondernemings kom lewer praatjie

3 ure gelede | Kuns en vermaak

Een van Suid-Afrika se voorste kenners van familieondernemings lewer Vrydagoggend op uitnodiging van die kultuurorganisasie, Netwerk, ‘n ontbytpraatjie by Am Weinberg Hotel in Windhoek.Prof. Elmarie...

Nog water vir Hardap en ses ander

3 ure gelede | Omgewing

Elvira Hattingh - Ses nasionale damme ontvang steeds water, met ‘n sewende een wat gister om 16:00 óók nog water gekry het.Volgens NamWater se jongste...

Oudpres. Hosni Moebarak van Egipte sterf

5 ure gelede | Internasionaal

Die voormalige Egiptiese president Hosni Moebarak is dood, het die staatstelevisie berig.Hy was 91.Moebarak is in 2011 ontsetel ná 'n bewind van sowat 30 jaar....

Nege vas oor renosterhorings

5 ure gelede | Misdaad

Nege verdagtes is verlede week in verband met renosterstropery of -horingsmokkelary in hegtenis geneem. Volgens die wildmisdaadverslag van 17 tot 23 Februarie is beslag op...

Gesoek: Namibiërs wat in China woon, studeer

7 ure gelede | Ministeries

Die Namibiese ambassade in China is in die lig van die uitbreking van die corona virussiekte (covid 19) besig om sy lys op te dateer...

Ministerie bemagtig mans én vroue

8 ure gelede | Ministeries

Die algemene siening dat die ministerie van geslagsgelykheid en kinderwelsyn net vir vroue en kinders is, is onwaar en onproduktief. “Sommige mans dink hierdie ministerie...

Damme voller

19 ure gelede | Weer

Elvira Hattingh - Terwyl 99,671 Mm³ (miljoen kubieke meter) water altesaam 10 nasionale damme die afgelope week binnegevloei het, het die weerkantoor opnuut ’n waarskuwing...

Groot kommer oor sprinkaanplaag in Zambezi

19 ure gelede | Omgewing

Ronelle Rademeyer - ’n Plaag van bruin sprinkane uit vermoedelik Botswana teister kommunale boere by Muhundu en ander nedersettings in Katima Mulilo se landelike kiesafdeling...

Weerlig slaan meisie (11) dood

19 ure gelede | Misdaad

Weerlig het Saterdag die lewe van 'n elfjarige kind geëis. Volgens die Namibiese polisie se weeklikse misdaadverslag is Aini Shilongo Saterdag omstreeks 18:00 in 'n...