Ekstra toonbank vir visums

Lang rye, vertragings

16 August 2019 | Ministeries
Mense wat oor ‘n permit vir permanente verblyfreg (PRP) in Namibië beskik, hoef nie in besit van ‘n visum te wees om die land binne te kom nie, tensy dit vereis word deur die land waarheen die persoon reis.

Die kantoor van die ombudsman sê in ‘n verklaring hy word op ‘n gereelde grondslag met klagtes en navrae van Namibiese PRP-houers oorval. Die klagtes hou meestal verband met die vereiste om in besit te wees van ‘n visum om weer die land binne te kom, asook die hernuwing van die visum elke twee jaar teen ‘n koste vir die permithouer.

Volgens die ombudsman dien die PRP as ‘n waarborg vir die land wat besoek word dat die individu ná sy of haar besoek na Namibië sal kan terugkeer.

“In so ‘n geval sal die ministerie van binnelandse sake en immigrasie op versoek van die PRP-houer ‘n visum met betaling van die voorgeskrewe fooie uitreik,” lui die verklaring. Die ministerie sal voorts alle grensposte dienooreenkomstig inlig om enige ongerief te voorkom.

Intussen beplan die ministerie om ‘n bykomende toonbank vir visums by sy hoofkantoor in Windhoek oop te maak om die lang rye en vertragings in die verkryging van visums hok te slaan. Volgens die uitvoerende direkteur, mnr. Etienne Maritz, sal die toonbank voor einde September in werking gestel word, berig Nampa.

Volgens Maritz het die ministerie tans een toonbank wat moet help met aansoeke vir beide veelvuldige en enkel visumaansoeke. Veral agentskappe dien in grootmaat namens hul kliënte visumaansoeke in. Die besluit vir ‘n bykomende toonbank is geneem ná klagtes deur die publiek oor lang rye en vertragings by die een toonbank wat tans hiervoor gebruik word.

“Die proses om ‘n visum te bekom het nou verander. Voorheen is die visum met die hand goedgekeur en gestempel, maar met die instelling van die elektroniese visum (E-visa) word elke paspoort geskandeer, wat langer neem as wanneer dit met die hand gedoen word,” het Maritz gesê.

Hy het ‘n beroep op die publiek gedoen om al die nodige dokumente byderhand te hê wanneer hulle vir ‘n visum aansoek doen ten einde die proses te bespoedig en vertragings te vermy. - Eie berig en Nampa

Soortgelyk

 

8 beeste, 5 elande en 5 buffels vir Heldedag...

2 ure gelede | Gebeure

Otjiwarongo skud sy vere reg vir die viering van Heldedag Maandag en om die verwagte 10 000 besoekers te voed, word agt beeste, vyf elande...

Polisie skiet 'ietermagôsmokkelaar' in die voet

2 ure gelede | Misdaad

'n Man (34) wat 'n lewende ietermagô op Omaruru wou smokkel, lê nou in die hospitaal. Volgens adj.komm. Erastus Iikuyu, koördineerder van misdaadondersoeke in die...

Drama met bultrugwalvis

14 ure gelede | In beeld

Pogings om ’n volwasse bultrugwalvis wat by Onafhanklikheidstrand by Walvisbaai gestrand het, terug in die see te stoot, was onsuksesvol. Volgens me. Dorothy Fourie van...

Imalwa sê oor GIPF-appel

14 ure gelede | Misdaad

Denver Kisting – Die oudvakbondleier en hedendaagse politikus mnr. Evilastus Kaaronda sê hulle oorweeg steeds regstappe teen die aanklaer-generaal, me. Martha Imwalwa, oor die regering...

Mynbestuurder oor oortyd gedreig

14 ure gelede | Misdaad

face="Verdana" >Otis Finck op Swakopmund - ’n Bestuurder van Swakop Uranium, wat die Husab-myn besit, se lewe is weens ‘n oortydbetalingkwessie in gevaar.Mnr. Timo Ipangwela,...

Namibië en Rwanda verstewig bande

14 ure gelede | Ministeries

Pres. Hage Geingob het die hoop uitgespreek dat die Rwandese president, mnr. Paul Kagame, se staatsbesoek aan Namibië vandeesweek stukrag aan die verstewiging van die...

Weer vir 22 Augustus 2019

14 ure gelede | Weer

WEERWAAK: Ooswindtoestande sal dié week tot in die naweek oor die kusgebiede heers. BINNELAND: Sonnig en baie warm. Winderige toestande sal voortduur. KUS: Sonnig en...

Reënbooghare vir siek kinders

14 ure gelede | Gebeure

Tanja Bause - ’n Twaalfjarige van die hoofstad met ’n groot hart het groot planne om geld vir liefdadigheid in te samel. Lelita Esterhuizen (12)...

Twee keer lewenslank vir vrouemoordenaar

14 ure gelede | Howe

Die man wat in Januarie 2016 twee vroue vermoor en hul liggame op die stortingsterrein wes van die westelike verbypad in die hoofstad verbrand het,...