Ekspo een groot pret-‘bonanza’

17 May 2019 | Kuns en vermaak
Dis weer daai tyd van die jaar wanneer die hele Namibië kragte saamsnoer om uit te haal en te wys.

Die gewilde Namibië Toerisme Ekspo vind vanjaar van 5 to 8 Junie by Windhoek se skougronde plaas.

Allerlei vermaak word by die geleentheid aangebied. Die nuwe What’s Cooking-area word onder meer bekend gestel, wat vir groot pret en plesier gaan sorg.

Plaaslike sjefs, asook sjefs uit die buurland, gaan die monde behoorlik laat water.

Sjef Lesley Jacobs, wat vanjaar weer na die Ekspo terugkeer, is die Food and Beverage Institute in Bloemfontein se programdirekteur, en is sedert 1997 aktief by die gasvryheidsbedryf betrokke.

Lesley het al by baie van die beste instellings in Suid-Afrika gewerk voor hy opleiding ontvang het.

Hy het ’n geweldige passie vir kos en opleiding, wat duidelik te sien is in sy talle kookdemonstrasies en lesse met sy ontspanne, maar insiggewende manier om sy gehoor iets te leer.

Tans speel Lesley ’n aktiewe rol as logistieke kombuisbestuurder in Suid-Afrika se nasionale kookspan.

“Ek is lief vir my werk,” sê hy.

Saam met Lesley gaan sjef Nicolas van der Walt, ook vanuit die buurland, die gehore aan die smul kry.

Nicolas het op die jong ouderdom van 12 in die kombuis begin eksperimenteer, en besef kookkuns is sy toekoms.

Hy het binne jare bekend geraak as een van die wêreld se belowendste sjefs deur aan talle kompetisies deel te neem en die kuns van gebak te bevorder deur ’n leier op die gebied van suiker- en sjokoladehandwerk te word.

Sy lewenstaak is om die kuns van gebak met almal te deel, so moet hom nie by die Namibië Toerisme Ekspo misloop nie.

Die What’s Cooking-area beloof om een van die groot trekpleisters by vanjaar se Ekspo te wees.

Alle bestanddele wat tydens kookprogramme gebruik word, word met trots deur Pick n Pay geborg.

Soortgelyk

 

COVID-19 in Namibia: Data round up 25 - 28...

30th of May 12:51 | Gesondheid

Current situation with official data by Thursday 28 May 2020 (showing changes since 24 May 2020) and prelimenary data announced this morning for yesterday.GENERAL INFORMATIONThe...

Geval 22: stabiel, steeds op ventilator

2 ure gelede | Gesondheid

Namibië se 22ste bevestigde Covid-19-geval, 'n 63-jarige man van die kus, is steeds aan 'n ventilator gekoppel. Volgens die adjunkminister van gesondheid en maatskaplike dienste...

Kawana gee besonderhede oor viskwotas

1 dag gelede | Visserye

Nuwe aansoekers sal 56,2% van viskwotas ontvang en bestaande regtehouers die balans van 43,8%.Dr. Albert Kawana, wat as nuwe minister van visserye en mariene hulpbronne...

Namibië het nou 23 bevestigde Covid-19-gevalle

1 dag gelede | Gesondheid

Namibië se jongste bevestigde geval van Covid-19 (nr. 23) is 'n 38-jarige Namibiese vrou wat op 23 Mei vanaf Dar es Salaam, Tanzanië na Namibië...

The cream of the crop

1 dag gelede | Mense

Ester KamatiMonica Gwala (Niilenge), the owner of Mo-nize Farmstead Fresh Produce, is the only entrepreneur amongst six siblings, specifically in the field of agriculture –...

Namibië oper, Walvis toe

1 dag gelede | Regering

Denver Kisting – Die staatshoof, pres. Hage Geingob, sê fase 3 wat Dinsdag in werking tree, gaan van Namibiërs vereis om groter verantwoordelikheid vir hul...

Baie meer as miljard vir Air Nam nodig

1 dag gelede | Regering

Ronelle Rademeyer – Die N$984,6 miljoen wat in die nuwe boekjaar uit die belastingbetaler se sak na die nasionale redery gaan vloei, sal net “die...

Weer vir 29 Mei 2020

1 dag gelede | Weer

BINNELAND: Koud in die oggend, andersins sonnig en matig tot warm, maar warm tot baie warm in die Noorde.KUS: Sonnig en matig tot warm. GETYE...

Ouwêreldse vermaak by 'nuwe' inryteater

1 dag gelede | Kuns en vermaak

Yandi du PlessisDalk is jy al keelvol vir Netflix of ShowMax, of bloot net uitgekuier om by die huis te sit. Dalk verlang jy na...