Ekonomie markeer die pas

13 September 2019 | Ekonomie
Elvira Wood – Suid-Afrikaners moenie te vinnig opgewonde raak oor die goeie ekonomiese groeisyfer van die tweede kwartaal van die jaar nie.

Statistieke Suid-Afrika het vroeg in September bekend gemaak dat die bruto binnelandse produk (BBP) vir die kwartaal tot einde Junie met 3,1% gegroei het.

Mike Schüssler van Economists.co.za, sê wanneer daar na BankservAfrica se jongste indeks van ekonomiese transaksies (Beti) gekyk word, gaan die ekonomie in die derde kwartaal waarskynlik beduidend traer groei.

Die Augustus-syfers oor ekonomiese transaksies, ’n vroeë aanwyser van die stand van die ekonomie, wat Schüssler namens BankservAfrica saamstel, was in Augustus 129,1 punte. Dit is 0,7% beter as ’n jaar gelede, maar 0,9% laer as die aangepaste 130,2 punte van Julie. Dit is vir die drie maande tot einde Augustus ook 0,9% laer as die vorige drie maande.

Die indeks meet transaksies wat deur die betaalstelsel gaan, insluitend inbetalings in bankrekeninge, debietorders, elektroniese geldoordragte en transaksies by kitsbanke.

Schüssler sê die syfers is nog nie ’n aanduiding dat ’n resessie op hande is nie. Hy sê dit lyk wel asof Suid-Afrika se ekonomie eerder “plat of verlangsamend” is.

Getal transaksies

Die getal transaksies wat deur die ekonomie beweeg, is 0,4% minder as ’n jaar gelede, vir ’n totaal van 104,3 miljoen transaksies.

Waarde van transaksies

Die gemiddelde waarde van alle transaksies was R8 647, 4,3% hoër as ’n jaar gelede. Dis die vyfde opeenvolgende maand dat die waarde van transaksies styg en is nou die hoogste nominale waarde sedert die Beti saamgestel word.

Die totale waarde van transaksies is R882,3 miljard.

BankservAfrica sê benewens die laer Beti is daar ander aanduidings dat die BBP in die derde kwartaal van die jaar waarskynlik nie beduidend gaan groei nie.

Die maatskappy sê laer verkoopsyfers van nuwe voertuie asook Absa se aankoopbestuursindeks wys dat die ekonomie tans swaar trek. – Netwerk24

Soortgelyk

 

Anton Lubowski-gedenklesing vandag by Universiteit Stellenbosch

10 ure gelede | Mense

Die Suid-Afrikaanse politieke kommentator Max du Preez en regter Albie Sachs is die hoofsprekers by die eerste Anton Lubowski-gedenklesing wat op die 30ste herdenking van...

Twee Chinese moordbeskuldigdes borgtog geweier

1 dag gelede | Howe

Twee Chinese mans wat daarvan aangekla word dat hulle hul voormalige werknemer in April by die Andara-nedersetting in die Kavango-Oosstreek doodgeskiet het, is borgtog geweier....

Handelsknoop knap voor Brexit deurgehaak

1 dag gelede | Plaaslik

Ronelle Rademeyer - Namibiërs wat graag aan ’n Skotse whisky weglê, en Britte wat van Namibiese beeshaas of ander prima beesvleissnitte hou, kan gerus slaap....

Hof toe oor voorskrifte

1 dag gelede | Gesondheid

Henriette Lamprecht - “Om van gewone mense in Namibië te verwag om afhanklik van ‘n doktersvoorskrif vir basiese medisyne te wees, is gelykstaande daaraan om...

Reuse-sege vir Okahandja-plakkers

1 dag gelede | Plaaslik

Yanna Smith – Inwoners van Vergenoeg, ’n onwettige nedersetting by Okahandja, het ná verskeie gemeenskapsvergaderings en -druk ’n reuse-oorwinning behaal.Dié druk, wat hoofsaaklik deur die...

Weer vir 12 September

1 dag gelede | Weer

BINNELAND: Gedeeltelik bewolk en koel tot warm in die Suide met 'n paar buie in die verre Suide, andersins sonnig en koel tot baie warm.KUS:...

Hage se lys ‘vervelig’

1 dag gelede | Politiek

Denver Kisting – Prof. Nico Horn sê pres. Hage Geingob se 10 kandidate om by Swapo in die Nasionale Vergadering (NV) aan te sluit, is...

‘Effense’ afname in hep. E-gevalle

1 dag gelede | Gesondheid

Henriette Lamprecht – Die aantal hepatitis E-gevalle in die land het in die eerste drie weke van Augustus afgeneem. Sedert ‘n uitbreking van die siekte...

Apple cuts prices, ramps up services

1 dag gelede | Tegnologie

Glenn Chapman - Apple unveiled its iPhone 11 models Tuesday with a price cut for the most basic models while also laying out plans for...