Eis van miljoene ná miskraam

Vrou glo sonder kos, water in selle aangehou

21 May 2019 | Howe
Ronelle Rademeyer - ‘n Vrou wat aanvoer sy het ‘n miskraam gehad nadat sy drie dae lank sonder kos en water in die polisieselle by die Windhoekse landdroshof in Katutura aangehou is, eis skadevergoeding van N$3,5 miljoen van die polisie.

Me. Marcelina Mercelisa Gaingos van Katutura eis dié bedrag in die hoërhof van die minister van veiligheid en sekuriteit en die inspekteur-generaal van die polisie, alternatiewelik van die nege polisiebeamptes wat vir haar onregmatige inhegtenisneming en aanhouding verantwoordelik was.

Sy eis ook N$1,5 miljoen van ‘n familielid, me. Renathe Hoases, wat aangevoer het sy het ‘n beskermingsbevel oortree en wat op haar inhegtenisneming aangedring het.

Dit blyk uit die hofstukke die vete tussen Gaingos en Hoases spuit uit ‘n geskil oor ‘n huis. Eersgenoemde voer aan dit behoort aan haar en haar pa, en Hoases sê sy het dit by haar ma geërf.

Gaingos is op Vrydag 8 Desember 2017 in hegtenis geneem nadat die polisie by haar huis in Katutura ingebars het terwyl sy geslaap het.

Volgens die besonderhede van haar eis het konst. Hans Rooinasie van die Katutura-polisiekantoor terwyl sy geslaap het, vir haar geskree: “Jy het na Renathe se huis toe gegaan. Staan op dat ons hof toe gaan!”

Sy is na die aanhoudingselle by die hof geneem waar sy glo toegesluit is sonder om voor die hof gebring te word. Sy is eers die Sondag uit die selle gehaal nadat sy na bewering twee nagte daar deurgebring het en geen kos en water ontvang het nie.

Die polisie het haar daarna na die selle by die polisiekantoor in Klein-Windhoek geneem, waar sy ook twee nagte deurgebring totdat sy op 12 Desember vrygelaat is. Dit was nadat ‘n staatsaanklaer bevind het daar is nie gronde om haar te vervolg nie.

Gaingos voer in hofstukke aan sy was vier maande swanger toe sy in hegtenis geneem en in die selle opgesluit is. Volgens haar moes die nege polisiebeamptes haar swangerskap in aanmerking geneem het en vir redelike sorg voorsiening gemaak het.

Sy sê verder sy het vir twee nagte nie geslaap nie, was baie honger en ontwater en het koud gekry. Verder het sy maag- en abdominale pyn gekry vanweë die gebrekkige higiëniese omstandighede en ablusiegeriewe.

Weens die skok en geestelike angs is haar ongebore baba dood, voer sy aan. Sy is ná haar vrylating hospitaal toe waar die fetus verwyder is, sê Gaingos in die hofstukke.

Die saak is verlede week tot 19 Junie vir voorverhoorverrigtinge uitgestel.

Soortgelyk

 

Kawana gee besonderhede oor viskwotas

13 ure gelede | Visserye

Nuwe aansoekers sal 56,2% van viskwotas ontvang en bestaande regtehouers die balans van 43,8%.Dr. Albert Kawana, wat as nuwe minister van visserye en mariene hulpbronne...

Namibië het nou 23 bevestigde Covid-19-gevalle

1 dag gelede | Gesondheid

Namibië se jongste bevestigde geval van Covid-19 (nr. 23) is 'n 38-jarige Namibiese vrou wat op 23 Mei vanaf Dar es Salaam, Tanzanië na Namibië...

The cream of the crop

1 dag gelede | Mense

Ester KamatiMonica Gwala (Niilenge), the owner of Mo-nize Farmstead Fresh Produce, is the only entrepreneur amongst six siblings, specifically in the field of agriculture –...

Namibië oper, Walvis toe

1 dag gelede | Regering

Denver Kisting – Die staatshoof, pres. Hage Geingob, sê fase 3 wat Dinsdag in werking tree, gaan van Namibiërs vereis om groter verantwoordelikheid vir hul...

Baie meer as miljard vir Air Nam nodig

1 dag gelede | Regering

Ronelle Rademeyer – Die N$984,6 miljoen wat in die nuwe boekjaar uit die belastingbetaler se sak na die nasionale redery gaan vloei, sal net “die...

Weer vir 29 Mei 2020

1 dag gelede | Weer

BINNELAND: Koud in die oggend, andersins sonnig en matig tot warm, maar warm tot baie warm in die Noorde.KUS: Sonnig en matig tot warm. GETYE...

Ouwêreldse vermaak by 'nuwe' inryteater

1 dag gelede | Kuns en vermaak

Yandi du PlessisDalk is jy al keelvol vir Netflix of ShowMax, of bloot net uitgekuier om by die huis te sit. Dalk verlang jy na...

Vier 'renosterstropers' verskyn in camera

1 dag gelede | Misdaad

Francoise Steynberg – Vier van die agt verdagtes wat vandeesweek in verband met renosterstropery en -horingsmokkelary vasgetrek is, het gister in camera in die streekshof...

San gebruik spaargeld vir wateraanleg

1 dag gelede | Omgewing

Die San-gemeenskap in die N‡a Jaqna-bewaringsgebied se water­infrastruktuur is al vir jare 'n uitdaging. Water is 'n skaarste in Namibië en inwoners van dié bewarings­gebied...