Eerste reën kom glo die naweek
Eerste reën kom glo die naweek
Langtermynvoorspellings verskil
11 October 2019 | Weer
Elvira Hattingh
Reën word vandag en môre oor die grootste dele van Namibië verwag, behalwe in die ||Kharasstreek.
Die weerkantoor se hoofweervoorspeller, mnr. Odillo Kgobetsi, het gister gesê meer as 15 mm reën word in plekke oor die sentrale Noorde en Noordweste verwag, asook in die Hardap- en Khomasstreek.
Dit stem ooreen met die nieregeringsorganisasie LandWater se voorspelling gister dat “goeie dinge” besig is om “bo in Namibië reg te skuif”, wat gister belofte vir die Noorde ingehou het en vandag vir sentrale Namibië, “met verdere kruip daarná moontlik”.
Dit volg nadat die Namibiese weerkantoor vroeër 'n seisoenale weervoorspelling uitgereik het, waarvolgens hulle normale tot bo-normale reën tydens die eerste deel van die reënseisoen verwag, terwyl die laaste deel van die seisoen van Januarie af glo normaal tot ondernormaal kan wees.
Laasgenoemde is egter met uitsondering van die Zambezistreek, waar normale tot bo-normale reën tot in April vanjaar verwag word.
Die vooruitsig verskil van dié van mnr. Johan van den Berg, 'n landbouweerkundige by Santam Suid-Afrika.
Hy het in sy mees onlangse vooruitsigte gesê hy verwag min reën oor die volgende maande in Namibië, met die moontlikheid dat die somerreënseisoen later sal begin.
Die sentrale en noordelike dele van Namibië sal vanjaar waarskynlik nie enige noemenswaardige reën voor die middel van November ontvang nie.
Die Suide se reën kan moontlik nóg later eers kom.
Van den Berg het gesê alle Niño-gebiede in die Stille Oseaan dui op die afwesigheid van El Niño-toestande, maar die verwarming van die Indiese Oseaan het tot die ontwikkeling van 'n positiewe Indiese Oseaan-dipoolindeks (IOD) gelei.
Voorspellers glo die IOD sal teen November verswak, wat bydra tot beter kanse op reën teen die middel- of laatsomer in Suider-Afrika.
- [email protected]
Reën word vandag en môre oor die grootste dele van Namibië verwag, behalwe in die ||Kharasstreek.
Die weerkantoor se hoofweervoorspeller, mnr. Odillo Kgobetsi, het gister gesê meer as 15 mm reën word in plekke oor die sentrale Noorde en Noordweste verwag, asook in die Hardap- en Khomasstreek.
Dit stem ooreen met die nieregeringsorganisasie LandWater se voorspelling gister dat “goeie dinge” besig is om “bo in Namibië reg te skuif”, wat gister belofte vir die Noorde ingehou het en vandag vir sentrale Namibië, “met verdere kruip daarná moontlik”.
Dit volg nadat die Namibiese weerkantoor vroeër 'n seisoenale weervoorspelling uitgereik het, waarvolgens hulle normale tot bo-normale reën tydens die eerste deel van die reënseisoen verwag, terwyl die laaste deel van die seisoen van Januarie af glo normaal tot ondernormaal kan wees.
Laasgenoemde is egter met uitsondering van die Zambezistreek, waar normale tot bo-normale reën tot in April vanjaar verwag word.
Die vooruitsig verskil van dié van mnr. Johan van den Berg, 'n landbouweerkundige by Santam Suid-Afrika.
Hy het in sy mees onlangse vooruitsigte gesê hy verwag min reën oor die volgende maande in Namibië, met die moontlikheid dat die somerreënseisoen later sal begin.
Die sentrale en noordelike dele van Namibië sal vanjaar waarskynlik nie enige noemenswaardige reën voor die middel van November ontvang nie.
Die Suide se reën kan moontlik nóg later eers kom.
Van den Berg het gesê alle Niño-gebiede in die Stille Oseaan dui op die afwesigheid van El Niño-toestande, maar die verwarming van die Indiese Oseaan het tot die ontwikkeling van 'n positiewe Indiese Oseaan-dipoolindeks (IOD) gelei.
Voorspellers glo die IOD sal teen November verswak, wat bydra tot beter kanse op reën teen die middel- of laatsomer in Suider-Afrika.
- [email protected]
Soortgelyk
Weduwee en haar eks lank tronk toe vir moord...
10 ure gelede | Howe
Spuite, pille nie by klinieke
21 ure gelede | Ministeries
Sakkepakke op Lüderitz
21 ure gelede | In beeld
Gróót oë op Jan Taks
21 ure gelede | Ministeries
Drie dae, sewe kinders glo verkrag
21 ure gelede | Misdaad
Pushing the boundaries
21 ure gelede | Skole
Children need to move
21 ure gelede | Onderwys
Weer vir 22 Oktober
21 ure gelede | Weer
Elke refleks ’n spesifieke doel
21 ure gelede | Onderwys
KleinadvertensiesKleinadvertensies
