Eerste deurry-inentingspunt in Windhoek

21 July 2021 | Gesondheid
Die eerste deurry-immuniseringspunt in Windhoek het verlede Dinsdag by die skougronde in die hoofstad geopen. Inwoners het nou die geleentheid om in die veiligheid van hul motors hul inentings teen Covid-19 te kry. Toegang na die skougronde is slegs vanaf Bellstraat.

Die inentings skop af met Sinopharm, terwyl AstraZeneca bygevoeg sal word sodra dit vanaf die ministerie van gesondheid en maatskaplike dienste ontvang word. Die immuniserings vind Dinsdae tot Sondae vanaf 10:00 tot 18:00 plaas. Instap-kliënte is ook welkom en sal in ’n aparte ry van die deurry-kliënte hanteer word.

Dié eerste vir Namibië word gedryf deur die Gondwana Collection Namibia, die Gondwana Care Trust, FNB

Namibia, Vaccines for Hope en word deur verskeie private maatskappye ondersteun en is onder die vaandel van die ministerie van gesondheid en maatskaplike dienste.

Alle gesondheids- en Covid-19-protokol is geïmplementeer en word deur OSH-Med Internationaal en E.M.A. Rescue Service bestuur. WestCare Medical Centre het geregistreerde verpleegsters beskikbaar gestel. Namibia Health Risk Solutions (NHRS) en die mediese fonds Namibia Health Plan (NHP) is ook aan boord en help met logistiek vir die instap-inentings en dra ook by tot die verpleegdienste.

Die doel van die deurry-inentingspunt is nie om standaardpunte te vervang nie, maar eerder om die druk op bestaande punte te verlig en ook ’n perseel te hê wat oor naweke oop is.

“In hierdie donkerste van ure het ons mekaar nodig. Dit is in dié moeilike tye wat ons nasie se ware karakter getoets sal word, die werklike kern van ons gemeenskap,” sê Gondwana se besturende direkteur, mnr. Gys Joubert.

“Ons moet uitreik. Bring daarom jou ouma en oupa, jou weerbare buurman of miskien jou huishulp se ouma en oupa. Ons probeer ’n klein bydrae lewer tot die samelewing se helde soos alle frontliniewerkers en noodpersoneel wat moontlik net naweke het om ingeënt te kan word,” het hy gesê.

Dié betrokke immuniseringspunt sal aan frontliniewerkers voorkeur gee as hulle in hul uniform of in ’n amptelike voertuig (polisie, paramedici, brandweerpersoneel ens.) opdaag. Inentingsvorms is vooraf op die www.gondwanacollection.com beskikbaar. Alternatiewelik is die vorms teen N$5 per vorm by die ingang beskikbaar.

“Dit is nou wat ons nodig het om positief te wees, waar ons fisieke en geestesgesondheid in oorweging geneem en versorg moet word,” het Joubert gesê.

Volgens hom was alle vennote en rolspelers in die deurry-inisiatief “meer as bereid” om ’n betekenisvolle bydrae tot die welstand van die Namibiese gemeenskap en die herstel van die verswakte Namibiese ekonomie te maak.

“Al die maatskappye was meer as bereidwillig om by te dra, hetsy deur die vrywillige werk van hul werknemers, professionele dienste, skenkings of finansiële hulpbronne.

As jy ons oorwerkte fronliniewerkers wil help, laat jouself inent. As jy ons oorvol hospitale wil help, laat jouself inent. As jy lewens en mense se lewensbestaan wil red, laat jouself inent. As jy wil hê jou kinders moet ’n beter toekoms as hul huidige werklikheid hê, laat jouself inent.”

Individue en maatskappye wat graag die inisiatief finansieel of met welke hulp ook al wil ondersteun, kan Silke Ahrens by [email protected] kontak.

Soortgelyk

 

Pfizer vandag in Namibië verwag

21 ure gelede | Gesondheid

Die Covid-entstof Pfizer word vandag in Namibië verwag. Volgens die hoof van die Namibiese taakspan vir die land se immuniseringsveldtog, me. Petronella Masabane, kom 100...

Forklifting failure

1 dag gelede |

Natasja ByleveldAre you OK thinking about unconventional ideas that could uplift society and norms to a higher standard? Do you like a challenge, or do...

Big thinker who is not afraid of taking risks

1 dag gelede | Mense

Contrasting with his considered, analytical, and steady approach to life, Rolf Mendelsohn is an undisputed adventurer. Together with the other founders of Paratus, Rolf...

'Polisiebeampte' pers dokter glo af

1 dag gelede | Howe

Henriette Lamprecht – ’n Windhoekse dokter is glo afgedreig totdat hy N$30 000 opgedok het nadat hy na bewering deur ’n klaarblyklike polisiebeampte van die...

Miss Aston dra die kroon

1 dag gelede | In beeld

Cobus van der Merwe van St. Blaize Brahman & Sussex Studs gister by die Gobabis Skou saam met sy “Kampioen van kampioene”, Miss Aston 134-12....

Plaaslike skatte nou aanlyn ­beskikbaar

1 dag gelede | Kuns en vermaak

Kuns- en kunsvlytliefhebbers kan nou handgemaakte Namibiese produkte aanlyn via die nuwe Namibia Craft Shop-webwerf aanskaf. Dié platform sal as die aanlyn katalogus van die...

An easy ride-hailing platform

1 dag gelede |

Wetumwene Shikage The everyday experience for many Namibians of getting a taxi to from different locations has been made more convenient. TaxiConnect provides an easy...

A knack for things that are pleasing to the...

1 dag gelede | Mense

Wetumwene Shikage Madeline Heyman, who trained as a fashion designer, has turned her many years of experience to interior design. She says...

Sacrifices worth making

1 dag gelede | Mense

Tunohole MungobaBorn in Windhoek, Leokadia Jacob is a finance administrative officer of Dolomite Camp, which is part of Namibia Wildlife Resorts (NWR).After completing her studies...