Een verhoog, vier kunstenaars

29 November 2019 | Byvoegsels
Die laaste Night Under The Stars (NUTS)-konsert van die jaar vind vanaand by die Goethe-instituut in die hoofstad plaas.

NUTS is ‘n musiekprogram wat deur die instituut in Namibië begin is.

Die geleentheid skep vir jong en opkomende musiektalent die geleentheid om saam op 'n verhoog hul talente ten toon te stel.

Die kunstenaars is Adora, ML, Kay Sax en DJ Mdu, en die gewilde Ashwyn Mberi is die gasheer.

“Vanjaar was ‘n unieke jaar vir NUTS. Ons het ons eerste NUTS-konsert buite Windhoek gehou; dit is op Tsumeb saam met DJ Mdu aangebied. In die algemeen was dit 'n lekker jaar vir dié musiekprogram. Ons sien baie daarna uit om weer vir DJ Mdu op die verhoog saam met ander bekendes te sien.” So sê die Goethe-instituut se koördineerder vir kulturele programme, Michelle Namases.

“Die diversiteit en uniekheid van die kunstenaars gaan vanaand ten volle beleef kan word.

“Deur die jaar het ons fantastiese talent ten toon gestel en vanaand gaan die publiek die toppunt van die talente weer kan beleef wanneer al die kunstenaars op een verhoog is.”

Adora maak vanaand haar debuut by NUTS, maar is geen vreemdeling in die bedryf nie. Sy was vroeër vanjaar te sien by die Jazzfees, en is betrokke by verskeie skoleprojekte gemik op die bevordering van musiekonderrig by skole.

“Musiek en die ontwikkeling van die stem is beide wonderlike tools wat karakter ontwikkel, motiveer en die bewaring van kulturele tradisies onder die jeug vestig,” sê Adora.

“Ons het baie verrassings vir vanaand beplan. Dit gaan magic wees om al ons stemme en klanke te hoor.”

Nog ‘n kunstenaar wat vanaand optree, is Kay Sax met sy unieke klanke. Kay Sax is bekend vir sy woodwind-instrumente wat hy met elektroniese klanke meng.

“My styl is uniek en soos geen ander nie omdat ek my eie instrumente bou.”

Vir hom gaan dit nie altyd oor die instrument nie, maar eerder wie hom bespeel.

“Die wyse waarop ek speel, is anders. En jy sal dit net vanaand kan ervaar. Die energie gaan tasbaar wees.”

DJ Mdu gaan as ‘n aanvullende platejoggie vir die ander kunstenaars optree. Hy is veral bekend vir sy slag met tromme.

ML sal verantwoordelik vir outentieke lirieke en tradisionele klanke wees.

“2019 was nogal ‘n interessante jaar vir my gewees. My eerste verskyning op die NUTS-verhoog was in Augustus, en ek beskou dit as ‘n mylpaal in my lewe en loopbaan,” sê ML, wat tans aan haar derde album werk. Sy sê sy is oortuig musiek kan die Namibiese ekonomie in die geheel verbeter.

Die publiek word uitgenooi om die aand vol musiek by te woon. Dit begin om 19:00 en gaste ontvang elkeen ‘n gratis glasie somerpons. Toegang is gratis.

Soortgelyk

 

Kauhaie wins the crown

7 ure gelede | Skole

Irene-Mari van der Walt Swakopmund • [email protected] the cancellation of the Mr Teen Swakopmund 2020, the Miss Teen Swakopmund 2020 pageant went ahead at...

Verband tussen voorvalle van verkragting ondersoek

7 ure gelede | Misdaad

Denver Kisting – Die ooreenkomste tussen twee gruverkragtings die afgelope week in Havana aan die buitewyke van Windhoek kan die werk van reeksverkragters wees.So sê...

World Tourism Day

7 ure gelede | Mense

Michael ShagandjwaThe country should establish more unique heritage attractions that reflect our country’s background. Create an interesting image with reservations that are worth viewing and...

WAP wen Bakpro-kompetisie

7 ure gelede | Onderwys

Windhoek Afrikaanse Privaatskool was die wenners van die Bakpro Back-to-School-kompetisie. Die skool het 14 413 broodsakkies ingesamel en was die wenners van rekenaars en projektors...

Unam students appeal against traditional exams

7 ure gelede | Onderwys

ENZO AMUELEStudents at the University of Namibia (Unam) are in a bitter contest against the writing of traditional examinations.The university recently issued a circular about...

Lower grades back at school

7 ure gelede | Onderwys

Leandrea Louw Grade four, five and six learners were welcomed back at school on last week. The government schools have opted to divide the children...

Star Teacher of the Week

7 ure gelede | Onderwys

Leandrea Louw This week, the My Zone Star Teacher of the Week is Mrs Veneza Memory Rheeder. She has been a teacher since 2003 and...

Westside High represented on local town council

7 ure gelede | Skole

Jhanré PretoriusA brand new Swakopmund Junior Town Council for the year 2020-2021 was inaugurated in August. Two of the 15 members are from Westside High...

The last race is the hardest race

7 ure gelede | Onderwys

A personal accountJOSEFINA ANKONGA The year started smoothly, back then when everything was still normal. We went to school on a daily basis, we...