Een sterf in nagtelike ongeluk met koerantlorrie

Ester Kamati op Otjiwarongo – 'n Zimbabwiër (50) is in die vroeë oggendure gister sowat 18 km suid van Otjiwarongo dood toe die voertuig met hom agter die stuur, die koerantafleweringsvragmotor van die koerantverspreider, Namibian Distribution Hub, reg van voor getref het.Sy vrou is met ernstige beserings in die Otjiwarongo-staatshospitaal opgeneem. Sy naasbestaandes is nog nie van sy dood in kennis gestel nie.Daar is nog nie vasgestel of die oorledene 'n ander motor wou verbysteek, en of hy bloot beheer oor die voertuig verloor het nie. Die bestuurder van die vragmotor, mnr. Manrose Tjiveta, is ernstig beseer en is eers na die staatshospitaal op Otjiwarongo geneem van waar hy na 'n private hospitaal in Windhoek oorgeplaas.Die ander mense in die vragmotor wat hy teen maatskappyreëls vervoer het, het geringe beserings opgedoen.Hulle is me. Uama Kahee (25), Jaseuatjo Fengee (7) en Puaeta Katjipi (5). Mnr. Albe Botha, uitvoerende hoof van Namibia Media Holdings (NMH), sê dissiplinêre stappe sal gedoen word aangesien die vervoer van passasiers 'n oortreding van die maatskappyreëls is. NMH is saam met The Namibian 'n gelyke vennoot in die koerantverspreidingsmaatskappy. Daar kon nie vasgestel word hoekom die Mazda-sedanvoertuig die aandklokreël verontagsaam het nie. Die koerantverspreider het 'n spesiale permit wat hom toelaat om snags koerante na verspreidingspunte te vervoer.– ester@myzone.com.na

Een sterf in nagtelike ongeluk met koerantlorrie

Kommentaar

Republikein 2025-07-03

Meld asseblief aan om kommentaar te lewer

Een sterf in nagtelike ongeluk met koerantlorrie

Kommentaar

Republikein 2025-07-03

Meld asseblief aan om kommentaar te lewer

MELD AAN

Advertensie