Een SMS laat wen hulle gróót prys

12 September 2019 | Sport
Andrew Poolman - Alta du Plessis en haar man dr. Werner du Plessis van Windhoek het Dinsdagoggend by die Black House hul groot prys – 'n reis vir twee na die Wêreldbeker-rugby­toernooi in Japan – ontvang ná afloop van 'n kompetisie wat deur Homeconomix, NEO Paints en Officeconomix op Kosmos 94.1 aangebied is.

Net een enkele SMS wat Alta gestuur het, was genoeg vir die egpaar om in die gelukstrekking hul prys los te slaan en vir daardie onverwagse telefoonoproep Maandag te sorg.

Die prys sluit retoervliegkaartjies, hotelverblyf, ontbyt en kaartjies vir twee wedstryde in groep B (Namibië teen Nieu-Seeland en Suid-Afrika teen Italië) in.

“Ons kan nie wag om ons Namibiese span te ondersteun nie en ook om die Japanse kultuur, die mense en die kos te ondervind nie. Dit is later vandeesmaand Werner se verjaarsdag en die reis sal dus baie spesiaal wees,” het Alta gesê. Die twee het onderneem om alle Namibiërs wat belang stel, op sosiale media (Facebook en Instagram) op die hoogte van die wedervaringe tydens hul reis te hou.

Mnr. Paul Oosthuizen van Homeconomix het opgemerk dat die Du Plessis's “goeie” wenners is in die opsig dat hul paspoorte gereed is en hulle reeds reëlings vir kinderoppassers kon tref.

Afrigter Phil Davies, kaptein Johan Deysel en ander lede van die Namibiese rugbytoergroep asook medeborge van die kompetisie was ook daar om die oomblik mee te maak.

Soortgelyk

 

Okahandja-kleinhoewe oorstroom weer

1 uur gelede | Weer

Elvira Hattingh - Terwyl die polisie gistermiddag bevestig het ‘n vrou is nog soek nadat die Okahandjarivier haar vroeg gisteroggend meegesleur het, was ‘n kleinhoewe-eienaar...

Geingob stil oor kleiner kabinet

1 uur gelede | Regering

Denver Kisting – Ten spyte van die groot gewag daaroor in sy Oujaarsrede weet Namibiërs nog nie hoe groot pres. Hage Geingob se verkleinde kabinet...

Eerste swartpootwildekat kry nekband

1 uur gelede | Omgewing

Francoise Steynberg - Daar is geskiedenis gemaak toe Namibië se eerste swartpootwildekat vandeesweek met 'n nekband toegerus is. "Om die klein katjies op te spoor,...

Weer vir 27 Februarie 2020

1 uur gelede | Weer

WEERWAAK: Verspreide donderbuie sal oor die noordelike streke en Omaheke- en Khomasstreek voortduur waar kitsvloede verwag word. Die nodige voorsorgmaatreëls moet getref word. BINNELAND: Gedeeltelik...

Drie stroop glo renoster in Etosha

1 uur gelede | Misdaad

Francoise Steynberg - Nege verdagtes is verlede week in verband met renosterstropery of -horingsmokkelary in hegtenis geneem. Vanaf 17 tot 23 Februarie is beslag op...

Droogte: Baie boere wurg nog

1 uur gelede | Landbou

Ronelle Rademeyer - Foto’s van vol riviere, opgaardamme waarvan die vlakke styg en panne water langs die pad en in die veld het die afgelope...

PDM, ECN hof toe gesleep

1 uur gelede | Politiek

Denver Kisting – Mnr. Norman Tjombe, die Windhoekse prokureur wat vier ontstoke Popular Democratic Movement (PDM)-lede verteenwoordig, het gister bevestig hulle gaan hof toe.Alle aanduidinge...

Volksmoorduitstalling veroorsaak onmin

1 uur gelede |

Jemima Beukes - Die bekendstelling van ’n Ovaherero- en Nama-volksmoorduitstalling getiteld “Learning from the past” is vir ‘n tweede keer uitgestel te midde van bewerings...

Etosha-heining: ‘Sny middelman uit'

1 uur gelede | Omgewing

Francoise Steynberg - Die ministerie van die omgewing en toerisme gaan baie geld spaar deur die middelman uit te sny met die opgradering van die...