Duitse ambassade open kinderhuis
Die Duitse ambassade se raadgewer vir ontwikkeling en samewerking, Me. Gerlinde Sauer, het die iNAMi-huis in Katutura onlangs geopen.
Die Especially Namibian Trust het vir dié doel N$101 323 van die ambassade se mikroprojektefonds ontvang.
Hiermee is meubels en ander toerusting vir die huis aangeskaf.
iNAMi-huis is deur die Especially Namibian Trust, in samewerking met die Duits-Namibiese nieregeringsorganisasie Wadadee Cares, gestig.
Met die ambassade se finansiële ondersteuning is die kinderhuis ten volle ingerig.
Meubels en ander benodigdhede vir ’n seuns- en ’n meisieskamer, sowel as die sitkamer is aangekoop.
Geld is ook vir ’n tuin en naskoolgeriewe aangewend.
iNAMi-huis kan agt kinders huisves.
’n Matrone versorg die kinders en maak seker daar word in hul daaglikse behoeftes voorsien.
Die kinderhuis bied die kinders ’n veilige hawe.
Die Especially Namibian Trust het vir dié doel N$101 323 van die ambassade se mikroprojektefonds ontvang.
Hiermee is meubels en ander toerusting vir die huis aangeskaf.
iNAMi-huis is deur die Especially Namibian Trust, in samewerking met die Duits-Namibiese nieregeringsorganisasie Wadadee Cares, gestig.
Met die ambassade se finansiële ondersteuning is die kinderhuis ten volle ingerig.
Meubels en ander benodigdhede vir ’n seuns- en ’n meisieskamer, sowel as die sitkamer is aangekoop.
Geld is ook vir ’n tuin en naskoolgeriewe aangewend.
iNAMi-huis kan agt kinders huisves.
’n Matrone versorg die kinders en maak seker daar word in hul daaglikse behoeftes voorsien.
Die kinderhuis bied die kinders ’n veilige hawe.
Kommentaar
Republikein
Geen kommentaar is op hierdie artikel gelaat nie