Dít lê Maandag by Oscars voor

23 April 2021 | Kuns en vermaak
Fliekvlooie wat lank reeds geduldig wag vir vanjaar se Oscars-toekenningsgeleentheid kan amptelik die slapies voor die begin van Hollywood se gesogste prysuitdeling op een hand aftel.

Die Oscars, wat normaalweg in Februarie deur die Academy of Motion Picture Arts and Sciences (Ampas) uitgedeel word, vind vanjaar weens die pandemie op 25 April (of in Namibiërs se geval, vroeg op Maandag 26 April) plaas. Hoewel die seremonie later plaasvind, kom slegs rolprente wat in 2020 óf in rolprentteaters óf aanlyn uitgereik is in aanmerking vir ’n goue beeldjie.

Hoe presies vanjaar se seremonie daar gaan uitsien, is nog grootliks ’n geheim, maar Ampas het wel hier en daar die aap uit die mou gelaat.

Die seremonie sal oudergewoonte weer vanuit die Dolby-teater in Hollywood plaasvind, maar om ’n gesonde afstand te kan handhaaf sal dit ook vanuit Union Station in Los Angeles aangebied word. Variety berig slegs 170 gaste sal in die Dolby-teater toegelaat word – en dat hulle sal roteer met gaste wat al die aksie vanuit Union Station volg. Elke gas sou ten minste drie koronavirus-toetse moes ondergaan voor hulle Union Station en later die Dolby-teater mag betree.

Skindertonge beweer daar sal ook vanuit Kalifornië ’n satellietverbinding met venues in Londen en Parys wees, veral vir dié benoemdes wat nie na Amerika kan reis nie, maar dit is nog nie amptelik bevestig is nie.

Die seremonie gaan vanjaar deur ’n spesiale vertoning, bekend as Oscars: Into the Spotlight, voorafgegaan word. Dié vertoning van sowat 90 minute is vooraf opgeneem en gaan uitvoerings van al die liedjies wat vir beste liedjie benoem is, insluit – uitvoerings wat in die verlede deel van die Oscars-seremonie uitgemaak het.

Modefoendi’s hoef nie bekommerd te wees dat die rooi tapyt met bekendes in ontwerpersrokke en -pakke daarmee heen is nie. Die Oscars sal vanjaar ’n rooi tapyt hê en die meeste van die benoemdes sal die seremonie bywoon, wat in teenstelling is met die meeste ander prysuitdelings waar bekendes en benoemdes bloot via Zoom vir die seremonie ingeskakel het. Fotograwe en joernaliste op die rooi tapyt sal egter beperk wees, selfs tot net drie fotograwe op ’n slag.

Elke gas sou ten minste drie koronavirus-toetse moes ondergaan voor hulle Union Station en later die Dolby-teater mag betree.

Die Oscar-bekroonde regisseur Steven Soderbergh, wat ook vanjaar se Oscars-seremonie regisseer, het gesê dat die seremonie “meer soos ’n rolprent, nie soos TV nie” gaan lyk, maar dit is nog onduidelik wat hy daarmee bedoel.

Hy het dit wel onomwonde gestel dat gesigmaskers ’n groot deel van die seremonie gaan uitmaak. Bekendes gaan egter nie maskers dra wanneer die kameras in die teater rol nie, slegs wanneer hulle nie op kamera verskyn nie.

Ampas het nog nie die hele gastelys vir die sterbelaaide geleentheid bevestig nie, maar het wel gesê dat Angela Bassett, Bong Joon Ho, Brad Pitt, Bryan Cranston, Don Cheadle, Halle Berry, Harrison Ford, Joaquin Phoenix, Laura Dern, Marlee Matlin, Reese Witherspoon, Regina King, Renée Zellweger, Rita Moreno en Zendaya pryse gaan aanbied of kategorieë gaan aankondig.

Wie eindelik gaan wen, sal almal eers Maandag uitvind. Hou gerus ’n oog op die prys vir beste vollengte dokumentêre rolprent: Suid-Afrika se My Octopus Teacher gaan heel moontlik in dié kategorie koning kraai.

M-Net het Donderdag op Twitter gesê hy kan nog nie bevestig wanneer hy die Oscars gaan uitsaai nie. - Netwerk24

Soortgelyk

 

Pastoor verkrag glo tienerseuns

8 ure gelede | Howe

Augetto Graig – 'n Pastoor wat tereg staan op vier klagte van verkragting van vier minderjarige seuns, is op borgtog vrygelaat.Die seuns is almal onder...

Eerste nag in selle vir Boulter

8 ure gelede | Howe

Ester Kamati op Outjo – Die invloedryke Britse miljardêr mnr. Harvey Eric Boulter (51) se aansoek om borgtog is gister in die landdroshof op Outjo...

Weer vir 12 Mei 2021

8 ure gelede | Weer

BINNELAND: Dit sal aanvanklik koud wees in die binneland, maar andersins sal dit sonnig en warm tot baie warm wees. In die Noorde sal dit...

Vermeende beesdiewe loop hul rieme styf

8 ure gelede | Misdaad

Ronelle Rademeyer – Drie mans is op Otjinene in aanhouding nadat hulle na bewering Sondag naby Summerdown die slot van 'n plaashek geknip en helder...

'Glyjakkalse' loop hul rieme styf

8 ure gelede | Howe

Twee jong mense wat glo by ver­skeie oornagplekke in die noorde van die land bedrog gepleeg het, is Vrydag in hegtenis geneem. Mnr. Francois Strydom...

Mobiele Covid-toetseenheid by padblokkade

8 ure gelede | Gesondheid

Die eerste mobiele Covid-19-toetsgeriewe vir toeriste is by die Okahandja-padblokkade op die B1-hoofpad geopen. Die mobiele eenheid is 'n inisiatief deur die Toer- en Safarivereniging...

Otji-5-verhoor: Weduwee wil vergoeding eis

8 ure gelede | Howe

Marc Springer – Die weduwee van 'n Zimbabwiese burger wat twee jaar gelede op Otjiwarongo vermoor is, het die eerste wetlike hekkie oorkom in haar...

Tweejarige peuters verdrink in puttoilet

8 ure gelede | Misdaad

Volgens die Namibiese polisie se misdaadverslag het twee kinders, beide twee jaar oud, Saterdag in 'n puttoilet verdrink. Die ongeluk het omstreeks 14:00 in die...

Transgender aanrandingsaak teen polisielid begin

8 ure gelede | Howe

Jana-Mari Smith – Die verhoor waarin 'n transgender Namibiër 'n klag van aanranding teen 'n polisiebeampte aanhangig gemaak het, het Maandag in die hoërhof in...