Droogte spook by akkerbou

Heelwat minder mielies geplant

13 February 2020 |
Elvira Hattingh - Verwagtinge vir vanjaar se nasionale witmielieoes is van meet af aan kleiner – hoofsaaklik weens verlede jaar se droogteramp.

Dit omdat Hardap-akkerbouers weens die sluiting van besproeiingswater geen mielies kon plant nie, terwyl akkerbouers in die mieliedriehoek net sowat 73% van hul gewone aanplantings kon onderneem.

“Dit is omdat die jongste reënseisoen láát begin het en akkerbouers in die mieliedriehoek onseker was ná verlede jaar se misoes. Hulle ervaar ook finansiële uitdagings ná al die droogtes,” het mnr. Gerhard Engelbrecht, ’n akkerbouer van die Grootfontein-omgewing, gesê.

Die Akkerbouprodusentevereniging (APV) het verlede Donderdag in Windhoek vergader, waartydens terugvoering gegee is oor hoeveel hektaar mielies in die land se kommersiële mielieproduserende gebiede geplant is.

Terselfdertyd sal die Hardap-besproeiingskema en -omgewing vanjaar nie tot die land se nasionale mielieoeste bydra nie.

Volgens die APV se jaarverslag van 1 April 2018 tot 31 Maart 2019, het dié gebied in die 2018-’19-seisoen 3 146 ton mielies van 358 ha se besproeiingslanderye bemark.

MIELIEDRIEHOEK

Engelbrecht, wat op die plaas Hoba 20 km buite Grootfontein boer, sê in die mieliedriehoek word jaarliks sowat 6 000 ha mielies geplant.

Tog is vanjaar net sowat 4 411 ha mielies geplant.

Akkerbouers in die Otavi- en Kombat-omgewing het altesaam 800 ha se droëlandmielies, asook 250 ha se besproeiingsmielies geplant.

Na verwagting sal die besproeiingsmielies meestal vir die plaaslike groenmieliemark, oftewel menslike gebruik, gaan.

In die Abenab-omgewing, net noord van Grootfontein, is 226 ha mielies onder besproeiing en 675 ha op droëland geplant.

Engelbrecht sê in die Grootfontein-omgewing self het boere sowat 2 400 ha mielies op droëland geplant, asook 60 ha onder besproeiing.

Terselfdertyd het die stryd met die herfskommandowurm vir die mieliedriehoek se akkerbouers die norm geraak.

“Veral die vroeë besproeiings- en groenmielie-aanplantings se besmetting van dié pes was hoog,” sê Engelbrecht.

Hy sê die beheer van die pes bied finansiële uitdagings vir droëland-akkerbouers, maar dat besproeiingsboere dit al as standaardpraktyk aanpak.

SUMMERDOWN

In die ooste van die land, oftewel die Summerdown-gebied, is sowat 1 200 ha droeëlandmielies en 700 ha mielies onder besproeiing geplant.

Produsente het aangedui die mielies onder besproeiing sal waarskynlik as kuilvoer aangewend word, afhangende van hoe pryse en weiding vergelyk.

Summerdown en die sentrale gebiede van die land plant gewoonlik sowat 1 500 ha se mielies aan.

Engelbrecht sê die Grootfontein-omgewing het tot dusver tussen 250 mm en 300 mm reën ontvang.

“Daar is ongelukkig reeds skade op plekke waar die reën te lank weggebly het. Ons verwag ’n gemiddelde oesjaar, maar terselfdertyd lyk die weervoorspelling oor die komende weke belowend.”

Die mieliedriehoek, wat die Karst- of Abenab-omgewing net noord van Grootfontein insluit, is een van Namibië se sterkste mielieproduserende gebiede.

Verlede seisoen het dit ’n ramp-oes opgelewer, maar 29 949 ton mielies is steeds op 6 134 ha geoes.

Die streek wat toe die tweede meeste mielies (10 642 ton) bemark het, was die besproeiingsprojekte in die Kavango- en Omusatistreek.

Die APV dui aan verlede seisoen is 56 422 ton mielies geoes.

Die beste oes wat Namibië die afgelope 27 jaar opgelewer het, was dié van die 2012-’13-oesjaar toe 72 438 ton mielies geoes is.

[email protected]

Soortgelyk

 

Damme voller

8 ure gelede | Weer

Elvira Hattingh - Terwyl 99,671 Mm³ (miljoen kubieke meter) water altesaam 10 nasionale damme die afgelope week binnegevloei het, het die weerkantoor opnuut ’n waarskuwing...

Groot kommer oor sprinkaanplaag in Zambezi

8 ure gelede | Omgewing

Ronelle Rademeyer - ’n Plaag van bruin sprinkane uit vermoedelik Botswana teister kommunale boere by Muhundu en ander nedersettings in Katima Mulilo se landelike kiesafdeling...

Goliath, the giant

8 ure gelede | Mense

Elizabeth Joseph Born and raised in Windhoek, Romio Goliath started wrestling when he was 10. Being part of the After School Centre Wrestling...

Weerlig slaan meisie (11) dood

8 ure gelede | Misdaad

Weerlig het Saterdag die lewe van 'n elfjarige kind geëis. Volgens die Namibiese polisie se weeklikse misdaadverslag is Aini Shilongo Saterdag omstreeks 18:00 in 'n...

Weer vir 25 Februarie

8 ure gelede | Weer

WEERWAAK: Swaar storms word in die noordoostelike streke, Otjozondjupa-, Khomas- en suidelike streek verwag. Die nodige voorsorgmaatreëls moet getref word. BINNELAND: Gedeeltelik bewolk in die...

NamWater to fix Opuwo’s supply woes

8 ure gelede | Plaaslik

Uakutura Kambaekua – Since 2017, Opuwo town has been faced with diminished water supply, a predicament blamed on high water loss in distribution systems, which...

Havana, Otjomuise powered by June

8 ure gelede | Energie

The ministry of urban and rural development has committed a total of N$14 million for electrification for the 2019/20 financial year, an amount that is...

A significant contributor to Namibia's economic landscape

8 ure gelede | Byvoegsels

Hangana Seafood (Pty) Ltd is a 100% Namibian-owned company, passionate about “Creating a future, enhancing life” for its employees, country and the people of Namibia....

Corona: Afrika 66% gereed

8 ure gelede | Gesondheid

Henriette Lamprecht – Afrika se algehele gereedheidsvlak vir die coronavirussiekte (covid-19) staan op 66%. Volgens dr. Matshidiso Moeti, die Wêreldgesondheidsorganisasie (WHO) se streeksdirekteur vir Afrika,...