Drie wou renoster glo stroop

13 January 2020 | Misdaad
Francoise Steynberg - Drie mans het glo probeer om ’n renoster in die Okahandja-distrik te stroop.

Mnre. Kandje Ngumbi, Kunouwa Tjambiru en Lubasi Mufaya het op Oujaarsdag in die dorp se landdroshof op klagte van sameswering om ’n renoster te jag en die oortreding van die wet op wapens en ammunisie verskyn.

Dié drie Namibiërs is die vorige dag glo met een .303-jaggeweer en 31 patrone in hul besit in hegtenis geneem.

Hulle bly in aanhouding en hul saak is tot 20 Februarie vir verdere ondersoek uitgestel.

Volgens die polisie se eenheid vir beskermde hulpbronne (PRU) en die ministerie van die omgewing en toerisme se intelligensie- en ondersoekeenheid se weeklikse wildmisdaadverslag vir 30 Desember tot 5 Januarie is dié drie verdagtes deel van ’n groep van agt wat in verband met wildmisdaad in hegtenis geneem is.

Vier nuwe sake is aanhangig gemaak.

Twee verdagtes is op 2 Januarie glo met vier olifant- en twee seekoeitande op Rundu in hegtenis geneem.

Die polisie het beslag hierop gelê, asook op een luiperdvel, twee krokodilvelle, een swartkwasmuishondvel, twee vuurwapens en 50 patrone.

Op 3 Januarie is man in Wanaheda in hegtenis geneem, wat glo in die besit van een AK47-aanvalsgeweer en 19 patrone was.

Die twee mans wat op 3 Januarie glo met ’n luiperdvel, twee krokodilvelle en een swartkwasmuishondvel op Nkurenkuru in die Kavango-Wesstreek vasgetrek is, is op borgtog van N$8 000 elk vrygelaat.

Mnre. Haingura Patrick (54) en Richard Malimbo (30) het verlede week in die rondgaande hof op Kahenge verskyn.

Hulle staan tereg op ’n klag van die onwettige besit van en handel in beheerde wildprodukte ter waarde van N$240 000.

Die saak is tot 10 Maart vir verdere ondersoek en pleitdoeleindes uitgestel.

- [email protected]

Soortgelyk

 

Te min isolasie, suurstof vir Walvis se episentrum

6 ure gelede | Gesondheid

Henriette Lamprecht – Walvisbaai, Hentiesbaai en Swakopmund het nie genoeg isolasie- en kwarantyngeriewe om die toenemende stygende aantal positiewe Covid-19-gevalle en -kontakte te isoleer nie....

Rehoboth verenig in rou

6 ure gelede | Misdaad

Denver Kisting op Rehoboth – Die rou snikke van ’n 20-jarige ma van Rehoboth, me. Roseline Moss, kon gister deurgaans gehoor word toe haar twee...

Weer, Vrydag 24 Julie 2020

6 ure gelede | Weer

WEERWAAK: Oosweertoestande sal oor die Namib en kusareas voorkom. Tref voorsorg.BINNELAND: Koud aanvanklik, andersins sonnig en matig tot warm. 'n Taamlik sterk tot sterk noordoostelike...

Vakbonde tree in bresse vir fabriekswerkers

6 ure gelede | Visserye

Erongo-span – Die president van die Vakbondkongres van Namibië (Tucna), mnr. Paulus Hango, het gesê vakbonde wat werkers in die vissersbedryf verteenwoordig, is bekommerd oor...

Bou van ambassade stort miljoene in ekonomie

6 ure gelede | Infrastruktuur

Kristien Kruger – Die oprigting van die nuwe Amerikaanse ambassadekompleks in Klein-Windhoek het gister 'n sooispitseremonie bereik waartydens dié land se ambassadeur in Namibië, me....

SA trek beampte vas wat visumbedrog uit Windhoek pleeg

6 ure gelede | Misdaad

Die Suid-Afrikaanse departement van binnelandse sake het 100 visums teruggetrek wat na bewering deur een van sy beamptes wat by die hoëkommissariaat in Windhoek geplaas...

Melgesedek vlieg hoog

6 ure gelede | Mense

Jeanette Diergaardt – Met 'n kraakvars wit T-hemp, styfpassende donkerblou jeans wat net-net by die enkels kom en gepunte, blinkgepoetste swart skoene stap Melge­sedek Hamukoto...

Blik op Erongo se kwarantyn-fasiliteite

6 ure gelede | Gesondheid

Jemima Beukes – ’n Krisis is besig om in die Erongostreek te ontwikkel waar verskeie Covid-19 pasiënte self-isolasie moet toepas in agterplaas-vertrekke, terwyl staatsfasiliteite oorvol...

Lüderitz ’n skatkis van juweeltjies

6 ure gelede | Toerisme

Tanja Bause – Die Covid-19 pandemie en die wêreldwye hoktye en reisbeperkings het veral die toerismebedryf gedwing om buite die boks te dink. Besluitnemers moes...