Drie toets negatief vir Kongokoors

Ander uitslae nog uitstaande

16 May 2019 | Gesondheid
Henriette Lamprecht – Uit die ses vermoedelike gevalle van Kongokoors het een positief en drie negatief vir die siekte getoets.

Die uitslae van nog twee gevalle is uitstaande. Die minister van gesondheid en maatskaplike dienste, dr. Kalumbi Shangula, het gister tydens ’n nuuskonferensie gesê ’n man wat op 7 Mei in die Onandjokwe-hospitaal gesterf het, se uitslae vir die siekte was negatief.

Volgens Shangula is die 77-jarige man van die Onethika-nedersetting in die Olukonda-kiesafdeling met ’n hoë koors opgeneem en het hy bloed opgebring.

“Gegewe die simptome van die oorledene, is hy tydens ’n veilige begrafnis onder streng maatreëls begrawe om die risiko van blootstelling te verminder,” het Shangula gesê. ’n Paar dae ná sy dood het die man se weduwee gesondheidswerkers by die hospitaal ingelig dat ’n bosluis hom wél gebyt het, maar dat dit verlede jaar was.

’n Vyftigjare man wat op 8 Mei met ’n bosluisbyt in die Outapi-hospitaal opgeneem is, het intussen negatief vir die siekte getoets. Ook was die uitslae negatief van ’n 40-jarige man van die Okaku-nedersetting wat op 10 Mei in die Windhoek Sentrale Hospitaal opgeneem is. Volgens Shangula is die toestand van laasgenoemde pasiënte stabiel.

Die uitslae van twee gevalle is steeds uitstaande. Dit sluit in die van ’n 50-jarige man wat op 8 Mei in die Outapi-hospitaal opgeneem is, sowel as die van ’n 57-jarige vrou wat op 9 Mei in die Engela-hospitaal opgeneem is.

Die enigste geval wat positief vir Kongokoors getoets het, sluit ’n 54-jarige vrou van die Onethika-nedersetting in wat op 21 April in die hospitaal op Onandjokwe opgeneem is. Sy is positief vir die siekte getoets met die hulp van ’n bloedmonster wat na die Nasionale Instituut vir Oordraagbare Siektes (NICD) se streeks- en verwysingslaboratorium in Suid-Afrika gestuur is. Sy is op 11 Mei uit die hospitaal ontslaan.

Volgens Shangula werk die ministerie nou saam met die ministerie van landbou, water en bosbou wat bewusmaking onder veral boere oor die beheer van bosluise doen. Mense wat die risiko loop om die siekte op te doen, sluit ook dierewagters, hanteerders van lewende hawe, werkers by slagpale en beamptes betrokke by openbare dieregesondheid in.

Die minister het die publiek gemaan om dadelik mediese hulp te gaan soek sou hulle deur ’n bosluis gebyt word. Boere word voorts aangemoedig om bosluise onder hul lewende hawe doeltreffend te beheer.

Soortgelyk

 

Covid-19: 5de nuwe geval binne 4 dae

13 ure gelede | Gesondheid

‘n Vragmotorbestuurder in Walvisbaai het gister positief vir Covid-19 getoets.Dit is die vyfde positiewe geval sedert Woensdag. Al die persone was in kwarantyn.Persone waarmee die...

‘80% van skole gereed’

3 dae gelede | Onderwys

Henriette Lamprecht – Sowat 80% van die 1 920 staatskole oraloor in die land is gereed om leerlinge volgens verpligte gesondheidsregulasies te ontvang wanneer hulle...

Nog leerlingdokters wag om uitgeplaas te word

3 dae gelede | Gesondheid

Henriette Lamprecht – Meer as 100 leerlingdokters wag glo reeds maande om vir internskappe by staatshospitale oraloor in die land uitgeplaas word. Die 166 leerlingdokters...

Stadspolisie van hardhandigheid beskuldig

3 dae gelede | Misdaad

Denver Kisting – ’n Inwoner van Groot Aub, mnr. Richard Davids, voer aan ’n beampte van die stadspolisie, waarnemende sersant Erwen Katiti, het hom Dinsdaglaatmiddag...

Weer vir 22 Mei 2020

3 dae gelede | Weer

BINNELAND: Gedeeltleik bewolk en warm in die streke van ||Kharas en Hardap. Elders sal dit sonnig en warm tot baie warm wees.KUS: Gedeeltelik bewolk en...

‘Vervoer van drank nie ’n misdaad’

3 dae gelede | Misdaad

Francoise SteynbergDie blote vervoer van drank is nie ’n misdaad nie en kan nie as redelike gronde gebruik word vir agterdog van die koop of...

Vroue in kwarantyn toets positief vir Covid-19

3 dae gelede | Gesondheid

Henriette Lamprecht – Twee vroue het in kwarantyn positief vir Covid-19 getoets. Dit bring Namibië se totaal bevestigde Covid-19-gevalle op 18 te staan. Volgens die...

Ebikes: vinnig, goedkoop en groen

3 dae gelede | Mense

Tanja Bause Nie te veel besighede kan sê dat hulle in die Covid-19-tyd so goed aangepas het dat hulle nuwe werknemers moes aanstel nie. Ebikes4Africa...

Market Watch Covid page - snippets

3 dae gelede | Gesondheid

The Namibia Football Association (NFA) executive committee has yet to decide what to do with funds it expects to receive from the Federation of International...