Drie stroop glo renoster in Etosha

'Ietermagôsmokkelaars' kry borg

27 February 2020 | Misdaad
Francoise Steynberg - Nege verdagtes is verlede week in verband met renosterstropery of -horingsmokkelary in hegtenis geneem.

Vanaf 17 tot 23 Februarie is beslag op twee renosterhorings gelê.

Drie vermeende renosterstropers in die Etosha Nasionale Park, mnre. Festus Simon, Johannes Valombola en Efraim Malakia, is op 18 Februarie by Okahao in hegtenis geneem. Volgens die polisie is twee renosterhorings, twee .303-jaggewere, 30 patrone en 'n voertuig gekonfiskeer.

Hulle word aangekla van die onwettige jag van 'n spesiaal beskermde wild ('n renoster), onwettige betreding van 'n wildpark, die onwettige besit van vuurwapens en ammunisie sonder 'n lisensie, en sameswering om 'n renoster te jag.

Volgens die wildmisdaadverslag van die Namibiese polisie se eenheid vir beskermde hulpbronne (PRU) en die intelligensie en ondersoekeenheid van die ministerie van die omgewing en toerisme, is altesaam 13 vermeende wildmisdadigers verlede week in hegtenis geneem en vyf nuwe sake is aanhangig gemaak.

LIKKEWAAN
Verlede week is altesaam een likkewaan, 58 patrone, vyf vuurwapens en een voertuig gekonfiskeer.

Die likkewaan is glo verlede Woensdag in die besit van mnre. Joseph Nekome en Mpepo Mauze by Kahenge gevind.

Drie vermeende smokkelaars van ietermagôvelle is verlede week in die Windhoekse landdroshof in Katutura op borgtog vrygelaat.

Mnre. Mario Simataa en Davison Malambo het verlede Maandag in dié hof op klagte van die onwettige handel in twee ietermagôvelle verskyn. Hulle het borgtog van N$2 000 elk gekry en hul saak is tot 17 Maart vir pleit- en verhoordoeleindes uitgestel.

Mnr. Andreas Hausiku is verlede Dinsdag op borgtog van N$4 000 vrygelaat nadat hy beskuldig is dat hy handel in drie ietermagôvelle gedryf het. Hy verskyn weer op 18 Augustus vir pleit- en verhoordoeleindes.

- [email protected]

Soortgelyk

 

Etosha Sondagmiddag deur aardbewing geskud

3 ure gelede | Omgewing

Ronelle Rademeyer - ’n Aardbewing van 4,7 op die Richterskaal het Sondag om 16:42 in die Etosha nasionale park voorgekom.Me. Gloria Simubali, adjunk uitvoerende direkteur...

Is groot Beethoven-feesjaar van die baan?

3 ure gelede | Kuns en vermaak

Groot feesvierings is wêreldwyd en veral in Duitsland en Oostenryk beplan ter herdenking van die komponis Ludwig van Beethoven se 250ste geboortejaar. Elretha Britz van...

Naam bekend van Namibiër wat in Engeland aan Covid-19...

4 ure gelede | Gesondheid

Ronelle Rademeyer - Die Namibiër wat Saterdag in Nottingham, Engeland, aan die coronavirussiekte (Covid-19) dood is, se naam is bekend gemaak.Hy is die 56-jarige mnr....

Paspoorte: Lorriedrywers kry voorkeur

4 ure gelede | Regering

Denver Kisting – Die ministerie van binnelandse sake, immigrasie, veiligheid en sekuriteit het by monde van sy woordvoerder, mnr. Sakeus Kadhikwa, ontken hulle reik tans...

Meer as 3 000 vir Covid-19 getoets

5 ure gelede | Gesondheid

Die adjunkminister van gesondheid en maatskaplike dienste me. Esther Muinjangue sê 3 186 weefselmonsters is tot op hede vir Covid-19 getoets. Namibië het tans 21...

Moody's-klap voor begroting

15 ure gelede | Regering

Jo-Maré Duddy – Op die vooraand van finansminister Iipumbu Shiimi se debuutbegroting sit die regering nie net kniediep in die rommel nie, maar verskraal sy...

Kwarantyn-drama ry lorriedrywers

15 ure gelede | Gesondheid

Leandrea Louw op Walvisbaai – Die vragmotorbestuurder wat die afgelope naweek positief vir Covid-19 getoets het, sê sy voormalige werkgewer het hom en sy kollega...

Man voor hof ná 'hardhandigheid'

15 ure gelede | Misdaad

Denver Kisting – 'n Inwoner van Groot Aub, mnr. Richard Davids, wat aanvoer 'n beampte van die stadspolisie het hom verlede week aangerand, is Vrydag...

Weer, Dinsdag 26 Mei 2020

15 ure gelede | Weer

WEERWAAK: Koue tot baie koue toestande word in die Suide, die Weste en oor die Khomas- en Omahekestreek verwag. Tref voorsorg.BINNELAND: Gedeeltelik bewolk en koud...