Drie lorries val op een dag

12 March 2021 | Ongelukke
Tanja Bause – Op verskillende paaie in die land het gister drie vragmotors omgeslaan.

Een bestuurder is dood nadat sy vragmotor om 01:30 sowat sewe kilometer van die Buitepos-grenspos op pad na Gobabis omgeslaan en uitgebrand het.

Volgens 'n woordvoerder van die Namibiese polisie, hoofinspekteur Elifas Kuwinga, was mnr. Elia Gamrob (30) in die vragmotor vasgekeer toe dit aan die brand geslaan het.

“Ons weet nie hoekom die vragmotor van die pad geloop het nie. Die vragmotor het heeltemal uitgebrand en die bestuurder is onherkenbaar. Die oorledene se familie is van sy dood in kennis gestel,” het hy gesê.

'n Vragmotor se sleepwa wat met mangaan gelaai was, het sowat 60 km voor Lüderitz op die hoofpad tussen dié dorp en Aus omgeval. Die vragmotor het twee sleepwaens gesleep waarvan die agterste een omgeslaan het. Die mangaan het oor die hele pad gestrooi gelê.

Volgens 'n plasing op Facebook het die vragmotorbestuurder glo probeer om 'n trompop botsing met 'n ander vragmotor te vermy en het uitgeswaai. Die spieël aan die bestuurder se kant is in die proses afgebreek. Nadat die bestuurder teruggeswaai het, het die agterste sleepwa glo omgeval.



MISGIS IN MISWEER

'n Vragmotor het om 05:45 buite Swakopmund op die B2-hoofpad by die Rössmund-afdraai omgeslaan.

Weens swaar mistoestande het die bestuurder hom glo met die afdraai misgis en gedink dit was die Walvisbaai-afrit.

Nadat hy gedraai het, het hy besef dit is die skerp Rössmund-afrit.

Die vragmotor het die middelman getref en omgeslaan. Die vragmotor het tot op die grond langs die teerpad gegly.

“Ek kon in 'n 100 km/h sone slegs 80 km/h ry weens die digte mis,” het mnr. Gideon Koegelenberg van AJ's Tow-in gesê.

[email protected]

Soortgelyk

 

WHO vra vir verdere studies oor oorsprong van SARS-CoV-2-virus

1 uur gelede | Gesondheid

Die verslag van die internasionale span van die Wêreldgesondheidsorganisasie (WHO) oor hul ter plaatse besoek aan Wuhan is vandag bekendgemaak, met die WHO se direkteur-generaal...

Sewe sterftes, 221 nuwe gevalle

1 uur gelede | Gesondheid

Namibië het nou 520 Covid-19-verwante sterftes, nadat nog sewe - twee in Windhoek en een elk in Walvisbaai, Outjo, Omaruru, Walvisbaai en Rundu - aangeteken...

Windhoekers met agterstallige rekeninge se water en ligte gaan...

3 ure gelede | Infrastruktuur

Die Windhoekse munisipaliteit sê inwoners van die hoofstad wie se water- en ligterekeninge 30 dae en meer agterstallig is, het tot Dinsdag 6 April om...

Sluitingsdatum vir Shining Light verleng

3 ure gelede | Kuns en vermaak

Die sluitingsdatum vir die Shining Light juweliersontwerpkompetisie is tot 30 April verleng. Me. Helena Mootseng, woordvoerder van die Namibian Diamond Trading Company (NDTC) sê...

Hoërskool Rehoboth gesluit tot ná Paasnaweek

7 ure gelede | Onderwys

Hoërskool Rehoboth is vanaf vandag tot Dinsdag 6 April gesluit. Volgens die bestuur van die skool sal dié tyd gebruik word om die skoolperseel deeglik...

Waarskuwingskote stuit vermeende diewe

18 ure gelede | Misdaad

Vermeende diewe is vroeër vandag in Robert Mugabelaan naby Bank of Namibia in die hoofstad in hegtenis geneem nadat skote afgevuur is. "Twee waarskuwingskote is...

Robberts bly in aanhouding

18 ure gelede | Howe

Erwin Leuschner – Die 36-jarige mnr. Daniel (Danie) Robberts bly in aanhouding nadat hy na bewering sy vriend, mnr. Thomas Frederick (Frikkie) van Schalkwyk (69),...

Inentings: Namibiërs wag en kyk

18 ure gelede | Gesondheid

Henriette Lamprecht – ’n Wag-en-kyk-benadering en voorkeur vir spesifieke entstowwe is van die redes vir die trae reaksie tot die ministerie van gesondheid en maatskaplike...

Living a purposeful life

18 ure gelede | Mense

Rivaldo Kavanga“I would advise the youth to relentlessly go after whatever they desire unlimited. In pursuit of long-term gains and not short term rather.” Ndakondja...