Drie dae van bul teen bul op die strande
Plekke in twaalf nasionale spanne moet vandeesweek gevul word.
Des Erasmus - Meer as tweehonderd hengelaars uit die uithoeke van Namibië koers vandag al na Hentiesbaai om skouer aan skouer te staan wanneer die nasionale kampioenskap van die Namibiese Rots- en Strandhengelunie van Donderdag tot Saterdag beslis gaan word.
Die vroegkommers wil môre se openbare vakansiedag vir 'n oefenlopie gebruik om alles op skoot te kry vir wanneer Donderdag die eerste keer met mening afgestap gaan word see toe.
Deel van môre se voorbereiding gaan die uitdeel van aas en 'n kapteinsvergadering wees. Die eerste van twee prysuitdelings gaan ook môreaand gehou word.
Al vyftien Namibië se hengelklubs gaan verteenwoordig wees, elkeen met 'n afrigter en 'n bestuurder. Tydens die kompetisie word op die vang van haaie gekonsentreer met die ou grotes wat baie punte werd is.
Die goue reël van vang, meet en vrylaat terug in die see geld vir alle vangste.
Vir Donderdag, Vrydag en Saterdag gaan drie afsonderlike vanggebiede deur die kapteins uitgewys word – een langs die noordkus, een suid van Hentiesbaai en een Saterdag nader aan Hentiesbaai as basis van die kompetisie.
Die elektroniese media gaan tydens die kapteinsvergadering 'n rol speel in die bepaling van waar die drie dae ingegooi gaan word. Bepalende inligting gaan die getye, die styging tussen hoog- en laagwater, dagtemperature en die verwagte windrigting wees.
Ná afloop van die kampioenskap sal twaalf spanne aangewys word om Namibië in die Gus Kolnertoernooi in Oktober en 'n tuistoets teen Suid-Afrika se Proteas in Desember te verteenwoordig. Die spanne vir die reekse sal uit juniors, vroue, 'n senior span, meesters en grootmeesters bestaan.
Die koors vir die kampioenskap het in die eerste dae van verlede week gestyg toe uitstekende vangste van veral kabeljou noord van Hentiesbaai behaal is. Kabeljoue wat die skaal in die omgewing van 20 kg getrek het, het veral in die gebied tussen Kruiskaap en die Canopy uitgekom. Sedert Vrydag was dit bra stil langs die viswaters. Die weervooruitsigte vir die drie vangdae lyk wel goed.
Die eerste prysuitdeling môre gaan vir die wenners van die interklubkompetisie in 2017 wees. Saterdagaand sal die prysuitdeling vir die wenners van die drie dae se Namibiese kampioenskap wees.
Vrese oor die beskikbaarheid van pelsers as die vernaamste aas met die Namibiese moratorium van drie jaar op die vang van die spesie is besweer met aankope van groot voorrade pelsers in Suid-Afrika.
Die vroegkommers wil môre se openbare vakansiedag vir 'n oefenlopie gebruik om alles op skoot te kry vir wanneer Donderdag die eerste keer met mening afgestap gaan word see toe.
Deel van môre se voorbereiding gaan die uitdeel van aas en 'n kapteinsvergadering wees. Die eerste van twee prysuitdelings gaan ook môreaand gehou word.
Al vyftien Namibië se hengelklubs gaan verteenwoordig wees, elkeen met 'n afrigter en 'n bestuurder. Tydens die kompetisie word op die vang van haaie gekonsentreer met die ou grotes wat baie punte werd is.
Die goue reël van vang, meet en vrylaat terug in die see geld vir alle vangste.
Vir Donderdag, Vrydag en Saterdag gaan drie afsonderlike vanggebiede deur die kapteins uitgewys word – een langs die noordkus, een suid van Hentiesbaai en een Saterdag nader aan Hentiesbaai as basis van die kompetisie.
Die elektroniese media gaan tydens die kapteinsvergadering 'n rol speel in die bepaling van waar die drie dae ingegooi gaan word. Bepalende inligting gaan die getye, die styging tussen hoog- en laagwater, dagtemperature en die verwagte windrigting wees.
Ná afloop van die kampioenskap sal twaalf spanne aangewys word om Namibië in die Gus Kolnertoernooi in Oktober en 'n tuistoets teen Suid-Afrika se Proteas in Desember te verteenwoordig. Die spanne vir die reekse sal uit juniors, vroue, 'n senior span, meesters en grootmeesters bestaan.
Die koors vir die kampioenskap het in die eerste dae van verlede week gestyg toe uitstekende vangste van veral kabeljou noord van Hentiesbaai behaal is. Kabeljoue wat die skaal in die omgewing van 20 kg getrek het, het veral in die gebied tussen Kruiskaap en die Canopy uitgekom. Sedert Vrydag was dit bra stil langs die viswaters. Die weervooruitsigte vir die drie vangdae lyk wel goed.
Die eerste prysuitdeling môre gaan vir die wenners van die interklubkompetisie in 2017 wees. Saterdagaand sal die prysuitdeling vir die wenners van die drie dae se Namibiese kampioenskap wees.
Vrese oor die beskikbaarheid van pelsers as die vernaamste aas met die Namibiese moratorium van drie jaar op die vang van die spesie is besweer met aankope van groot voorrade pelsers in Suid-Afrika.
Kommentaar
Republikein
Geen kommentaar is op hierdie artikel gelaat nie