Djokovic se pa pak skuld op 'siek' Dimitrov

26 June 2020 | Sport
Die onrusbarende uitbreking van Covid-19 by Novak Djokovic se Adria-tennisreeks word nou opgevolg deur 'n vingerwysery tussen Djokovic se pa, Srdjan, en Grigor Dimitrov se agent oor waar die besmetting sy oorsprong het.

Djokovic en sy vrou is Dinsdag positief getoets vir die koronavirus nadat drie ander spelers wat aan sy liefdadigheidstoernooi in die Balkans deelgeneem het, positiewe uitslae ontvang het.

Die wenner van 17 Grand Slam-titels het om verskoning gevra dat hy die toernooi georganiseer het, wat spelers van ander lande byeengebring het om in Serwië en Kroasië mee te ding.

Djokovic sê hy wou geld insamel vir spelers wat finansieel sukkel, maar die spelers en toeskouers se laksheid met betrekking tot veilige afstande en ander Covid-19-maatreëls is skerp gekritiseer.

Stuff.co.nz berig Djokovic se uitgesproke pa het die kansellasie van die reeks op die Bulgaarse ster Dimitrov geblameer, een van die ander drie spelers wat die afgelope klompie dae positief getoets is. Daar is geen bewyse wat aandui Dimitrov het die virus na ander versprei nie.

“Hoekom het dit gebeur? Want die man het waarskynlik siek hier aangekom, wie weet van waar af,” sê Srdjan Djokovic.

“Hy is nie hier getoets nie, hy is elders getoets . . . ek dink nie dit is regverdig nie.

“Hy het skade berokken aan Kroasië asook ons as 'n familie in Serwië. Niemand voel goed oor hierdie situasie nie.”

Dimitrov (29), voorheen die wêreld se nr. 3-speler, was die eerste Adria-deelnemer om positief te toets. Hy is gevolg deur Borna Coric en Viktor Troicki.

Die infeksies het vrae laat ontstaan oor die terugkeer van beroepstennis, insluitende die Amerikaanse Ope wat veronderstel is om op 31 Augustus in New York te begin.

“Ons was verkeerd en dit was te vroeg,” erken Novak Djokovic, wat voorheen gesê het hy was daarteen gekant om teen die virus ingeënt te word, selfs al was dit verpligtend sou jy wou reis.

Dimitrov het in wedstryde in Belgrado sowel as Zadar gespeel. Hy het glo vanuit die VSA en sy tuisland Bulgarye in Serwië aangeland.

– Netwerk24

Soortgelyk

 

Iran: Kernkragontploffing veroorsaak beduidende skade

5 ure gelede | Internasionaal

’n Kernkragontploffing Donderdag in ’n pakhuis by die Ntanz-aanleg in sentrale Iran het beduidende skade aangerig en kan die produksie van sentrifuges vertraag wat uraan...

Egipte arresteer dokters om kritici stil te maak

6 ure gelede | Internasionaal

Ongeveer tien dokters en ses joernaliste is vanaf Februarie in Egipte in hegtenis geneem omdat hulle die regering van pres. Abdel Fattah el-Sissi kritiseer oor...

Covid-19 knou Media24

8 ure gelede | Afrika

Media24 oorweeg dit om vyf tydskrifte en twee koerante te sluit, sy oorblywende maandelikse tydskrifte uit te kontrakteer en hul frekwensie te verminder, twee koerante...

Kenia heropen grense na 4 maande

9 ure gelede | Afrika

Mnr. Uhuru Kenyatta, die president van Kenia, het Maandag die heropening van dié land se grense “in fases” aangekondig.Internasionale vlugte sal vanaf 1 Augustus...

55 nuwe Covid-19-gevalle bring totaal op 593

9 ure gelede | Gesondheid

Die minister van gesondheid en maatskaplike dienste (MoHSS) dr. Kalumbi Shangula sê 55 nuwe gevalle van Covid-19 is die afgelope 24 uur in die land...

Twee vas oor olifanttande

20 ure gelede | Misdaad

Volgens die weeklikse wildmisdaadverslag vanaf 29 Junie tot 6 Julie is twee nuwe wildmisdaadsake aanhangig gemaak en vier verdagtes in hegtenis geneem. Mnre. Alfred...

Kleintjies terug skool toe

20 ure gelede | In beeld

Leerlinge vanaf graad 0 tot 3 het gister weer vir aangesig tot aangesig onderrig teruggekeer met leerlinge en ­onderwysers wat opgewonde was om weer by...

Tuiskwarantyn aan kus ’n opsie

20 ure gelede | Gesondheid

Henriette Lamprecht – Die ministerie van gesondheid en maatskaplike dienste (MoHSS) gaan meer buigsaam wees in die kwarantyn van kontakte van bevestigde Covid-19-gevalle in die...

Psemas: ‘Tender sluit almal behalwe Methealth uit’

20 ure gelede | Gesondheid

Henriette Lamprecht - Dit wil voorkom asof die bepalings van ’n tender om die staat se mediese fonds (Psemas) te bestuur, op so ’n manier...