Dippenaar vir etlike miljoene gedagvaar
Die jong oorlewende van 'n ongeluk waarin haar ouers en suster dood is, eis die verdere ondersteuning waaraan sy gewoond was.
Henriette Lamprecht - Die wettige voog van 'n meisie wie se gesin in 'n gru-ongeluk aan die kus uitgewis is, dagvaar die bestuurder van die voertuig waarteen haar pa gebots het.
Die 19-jarige Antonia Joschko, wat saam met haar gesin uit Duitsland in Namibië op vakansie was, en mnr. Jandré Dippenaar was die enigste oorlewendes.
Antonia se voog, me. Annette Schlösinger, dagvaar Dippenaar vir sowat N$10,9 miljoen.
Die ongeluk het op 29 Desember 2014 sowat 12 km buite Hentiesbaai in die rigting van Swakopmund plaasgevind. Antonia het haar pa, mnr. Walter Helmut Joschko (48), ma, me. Stephanie Dorothea Schemick-Joschko (49) en ouer suster, Alexandra Joschko (19), in die ongeluk verloor.
Die drie passasiers wat saam met Dippenaar in die FJ Cruiser was, mee. Dinah Lavinia Pretorius (30) van Gobabis, Charlene Charne Schoombe (24) van Windhoek en mnr. Jan Carel Horn (27), het ook in die ongeluk gesterf.
Dippenaar staan benewens ses klagte van moord ook tereg op 'n klag van roekelose en nalatige bestuur, met 'n alternatiewe klag van onbedagsame bestuur, 'n klag van bedrog, met 'n alternatiewe klag van verskaffing van valse inligting, asook 'n klag van bestuur sonder 'n rybewys.
EISBESONDERHEDE
Volgens hofstukke sê Schlösinger die botsing is deur sy nalatigheid veroorsaak, hy het onder die invloed van alkohol bestuur sonder 'n wettige rybewys, die spoedgrens oorskry, 'n voertuig in onveilige omstandighede verbygesteek en ook die voertuig op so 'n manier bestuur dat dit oor die middellyn van die pad in die laan van aankomende verkeer beland het.
Ná haar ouers se dood is Antonia volgens hofstukke ontneem van die onderhoud en ondersteuning waaraan sy gewoond was en wat sou voortduur, sou hulle nie gesterf het nie. Voorts moes sy begrafniskoste aangaan en het sy algemene skade gely en ly steeds weens erge emosionele trauma, stres, angs en smart.
Antonia se verlies aan ondersteuning word op €709 358 beraam en die begrafniskoste van haar ouers en suster op €5 632. Algemene skade word op N$500 000 beraam.
In sy verweer sê Dippenaar die blaam vir die botsing moet voor die deur van Antonia se pa geplaas word. Volgens hom het Joschko onder meer nie die verkeersreëls gehoorsaam nie, aan die verkeerde kant van die pad gery, en het hy sy voertuig oor die middellyn en in die pad van aankomende verkeer gestuur. Hy vra dat die saak, wat vir voorverhoor tot 12 Junie uitgestel is, met koste van die hand gewys word.
Dippenaar moet weer op 8 Oktober in die streekhof op Swakopmund op onder meer die klagte van moord verskyn wanneer dié saak tot 12 Oktober en weer vanaf 19 tot 23 November aangehoor word.
Die eerste week van die voortsetting van die verhoor sal gebruik word vir die lewering van deskundige getuienis vir die staat en die verdediging.
Die 19-jarige Antonia Joschko, wat saam met haar gesin uit Duitsland in Namibië op vakansie was, en mnr. Jandré Dippenaar was die enigste oorlewendes.
Antonia se voog, me. Annette Schlösinger, dagvaar Dippenaar vir sowat N$10,9 miljoen.
Die ongeluk het op 29 Desember 2014 sowat 12 km buite Hentiesbaai in die rigting van Swakopmund plaasgevind. Antonia het haar pa, mnr. Walter Helmut Joschko (48), ma, me. Stephanie Dorothea Schemick-Joschko (49) en ouer suster, Alexandra Joschko (19), in die ongeluk verloor.
Die drie passasiers wat saam met Dippenaar in die FJ Cruiser was, mee. Dinah Lavinia Pretorius (30) van Gobabis, Charlene Charne Schoombe (24) van Windhoek en mnr. Jan Carel Horn (27), het ook in die ongeluk gesterf.
Dippenaar staan benewens ses klagte van moord ook tereg op 'n klag van roekelose en nalatige bestuur, met 'n alternatiewe klag van onbedagsame bestuur, 'n klag van bedrog, met 'n alternatiewe klag van verskaffing van valse inligting, asook 'n klag van bestuur sonder 'n rybewys.
EISBESONDERHEDE
Volgens hofstukke sê Schlösinger die botsing is deur sy nalatigheid veroorsaak, hy het onder die invloed van alkohol bestuur sonder 'n wettige rybewys, die spoedgrens oorskry, 'n voertuig in onveilige omstandighede verbygesteek en ook die voertuig op so 'n manier bestuur dat dit oor die middellyn van die pad in die laan van aankomende verkeer beland het.
Ná haar ouers se dood is Antonia volgens hofstukke ontneem van die onderhoud en ondersteuning waaraan sy gewoond was en wat sou voortduur, sou hulle nie gesterf het nie. Voorts moes sy begrafniskoste aangaan en het sy algemene skade gely en ly steeds weens erge emosionele trauma, stres, angs en smart.
Antonia se verlies aan ondersteuning word op €709 358 beraam en die begrafniskoste van haar ouers en suster op €5 632. Algemene skade word op N$500 000 beraam.
In sy verweer sê Dippenaar die blaam vir die botsing moet voor die deur van Antonia se pa geplaas word. Volgens hom het Joschko onder meer nie die verkeersreëls gehoorsaam nie, aan die verkeerde kant van die pad gery, en het hy sy voertuig oor die middellyn en in die pad van aankomende verkeer gestuur. Hy vra dat die saak, wat vir voorverhoor tot 12 Junie uitgestel is, met koste van die hand gewys word.
Dippenaar moet weer op 8 Oktober in die streekhof op Swakopmund op onder meer die klagte van moord verskyn wanneer dié saak tot 12 Oktober en weer vanaf 19 tot 23 November aangehoor word.
Die eerste week van die voortsetting van die verhoor sal gebruik word vir die lewering van deskundige getuienis vir die staat en die verdediging.
Kommentaar
Republikein
Geen kommentaar is op hierdie artikel gelaat nie