Digitalisering bevoordeel landbouproduksie

16 February 2021 | Landbou
Dr. Kobus Laubscher

Tradisionele produksietegnieke se dae is getel as ’n mens kyk na die uitkoms van ’n onlangse kompetisie tussen tradisionele aarbeiproduksie en digitaal bemagtigde produksie.

In Mei verlede jaar in China is die waarde van digitale bemagtiging van produsente ongetwyfeld bewys.

Vyf spanne het aan ’n kompetisie deelgeneem. Die een span het aarbeie op die tradisionele manier geplant, met toegang tot die normale (gewone) bronne van inligting.

Die ander vier spanne was nie vertroud met aarbeiproduksie nie en moes met behulp van digitale kanale hulself bemagtig. Aanvanklik was die tradisioneles los voor, maar met behulp van kunsmatige intelligensie het die ander spanne hulself bemagtig en eindelik meer “geleer” oor aarbeie. Die nuut verkrygde kennis is met digitale vindingrykheid aangevul.

Aarbeie se groei en groeibehoeftes is ontleed en met behulp van kunsmatige intelligensie kon vooruit gedink word oor wat nodig sal wees in terme van voeding en waterbehoeftes. Dit het optimalisering bevorder en die statistieke spreek vanself.

Die vier tegnologie-spanne het gemiddeld 196% meer aarbeie geproduseer en die opbrengs op hul kapitaal was 75,5% meer as dié van die tradisionele produsente. Dié verstommende prestasie is die gevolg van beter data, beter beskikbaarheid van dié data en verfynde ontleding daarvan. Om te weet, moet jy kan meet!

DIGITALE BEMAGTIGING

Landbou in China word danksy digitale bemagtiging bevoordeel en daarmee bly hulle die res van die wêreld ’n kortkop voor.

Ander voorbeelde is waar hoenderprodusente aangepas het om te kan voldoen aan die stygende vraag na organiese hoendervleis en die onus op die produsent rus om dit te kan bewys.

Sodoende kan die produk gedifferensieerd aangebied word en beter pryse behaal word. Elke hoender word toegerus met ’n klein monitor aan sy been wat inligting versamel, wat later verwerk kan word.

Die organiese vrylopende hoender moet juis dit kan doen: Dié hoender moet gesond wees en derhalwe is daar metings wat die boer betyds kan waarsku as daar afwykings is.

VERNUWING

Nou, met die herskikking van die ekonomiese orde gedurende en dalk ná die pandemie, sal dit ’n ernstige oordeelsfout wees om met besigheid aan te gaan soos gewoonlik.

Vir eers is daar belangrike verskuiwings aan die vraagkant. Dit is geen uitgemaakte saak dat die verbuikers jou produk moet koop nie. Al is dit die mooiste os of skaap, gemeet aan jou (dalk uitgediende) norme, gaan dit nie die verbruiker opgewonde maak nie.

Boere sal moet differensieer om ’n verskil te kan maak. Ten einde landbou se ontwikkelingsrol vlerke te gee wat die inskakeling van ontluikende boere betref, sal die beoogde transformasie anders aangepak moet word.

Ontwikkeling, met die oog op volhoubaarheid, sal nie net op die tradisionele oordrag van vaardigheid kan steun nie. Hiermee sal die ontluikende boere agter gelaat word en die impak hiervan sal veel erger wees as die diskriminasie van die verlede.

Digitale bemagtiging sal hoër prioriteit moet geniet, wat tot gevolg sal hê dat die aard en omvang van hoe die vierde nywerheidsrevolusie in die landbou uitgerol word, herdink moet word.

Hiervoor is verbeterde inligting-snelweë onontbeerlik. ’n Meesterplan met meetbare doelwitte en duidelike uitkomste is nou nodig, maar die wind waai nog spreekwoordelik wes! Alles moontlik moet ingespan kan word, insluitend internetkoppeling, databeskikbaarheid en bekostigbaarheid en mobiele internettoegang.

As regerings dink dié mobiliteit beteken dat verbruikers moet kan bel en teksboodskappe stuur, sit hulle die pot mis. Internetverbindings vir 5G-tegnologie is nou ewe noodsaaklik as huishoudelike voedselsekuriteit.

Soortgelyk

 

Namibië se Ontplooiings- en Immuniseringsplan "onder die beste...

2 ure gelede | Gesondheid

Namibië se Ontplooiings- en Immuniseringsplan teen Covid-19 is deur die Wêreldgesondheidsorganisasie (WHO) as "een van die beste in die wêreld" beskryf. Volgens die minister van...

N$583 miljoen vir Namibië se Covid-19 Ontplooiings- en Immuniseringsplan...

2 ure gelede | Gesondheid

Die totale voorgestelde begroting vir Namibië se Ontplooiings- en Immuniseringsplan vir Covid-19-entstowwe is N$583 miljoen waarvan N$484,8 miljoen vir die aankoop van die entstowwe is....

Covid-19-regulasies geld tot 31 Maart

2 ure gelede | Gesondheid

Pres. Hage Geingob het pas by Staatshuis aangekondig die huidige Covid-19-maatreëls geld vir die volgende 36 dae vanaf middernag tot 31 Maart (Onafhanklikheidsdag op 21...

Knopvelsiekte breek in Omaheke uit

3 ure gelede | Landbou

Knopvelsiekte het by Eiseb in die Omahekestreek uitgebreek en die beweging van beeste in dié gebied is tot verdere kennisgewing opgeskort.Volgens dr. Albertina Shilongo, hoof-veeartsenybeampte...

Metro spoils its customers

5 ure gelede | Plaaslik

Metro Namibia celebrated its birthday in style once again by spoiling five lucky customers each to a trailer of their own, stocked with N$5,000-00 worth...

Vrou woon in haar motor by hospitaal

13 ure gelede | Mense

Henriette Lamprecht – 'n Bejaarde vrou van die kus woon die afgelope week in haar motor in die parkeerterrein van 'n staatshospitaal in Windhoek om...

Toekoms van 77 Air Nam-vlieëniers onseker

13 ure gelede | Vervoer

Francoise Steynberg – Altesaam 77 vlieëniers van Air Namibia se toekoms is onseker. Boonop het bykans 75% van die redery se vlieëniers se lisensies verval...

Ses damme voller as 100%

13 ure gelede | Weer

Elvira Hattingh – Terwyl altesaam sowat ses Namibiese damme tans 100% of meer water bevat, oorstroom die Zambezirivier sy walle, met water wat in die...

Weer vir 24 Februarie

13 ure gelede | Weer

WEERWAAK: Wydverspreide donderbuie word in Ohangwena, Oshikoto, Otjozondjupa en Omaheke verwag. BINNELAND: Sonnig en warm in die Suide en Weste, andersins gedeeltelik bewolk en baie...